பீர் பெட்டிகளை உடைத்த ஜாமலின் கூத்து: அம்னோக்குச் சம்பந்தமில்லை! -ஸாஹிட் 

அரசியல்
Typography

 கோலாலம்பூர், அக்.6- சுங்கை பெசார் அம்னோ டிவிசன் தலைவரான டத்தோஶ்ரீ ஜமால் முகமட் யுனோஸ் நேற்று செக்‌ஷன் 14-இல் சிலாங்கூர் மாநில அரசாங்க அலுவலகத்தின் முன்பு, பீர் பெட்டிகளைப் போட்டு அடித்து, உடைத்த விவகாரத்தில், அம்னோவுக்கு  எந்தவொரு சம்பந்தமும் இல்லை என்று துணைப்பிரதமர் டத்தோஶ்ரீ ஸாஹிட் ஹமிடி தெரிவித்தார்.

அரசு சார்ப்பற்ற அமைப்பின் சார்பில்தான் பீர் பெட்டிகளை உடைத்தார். தவிர கட்சியின் சார்பில் அவர் இச்செயலை செய்யவில்லை என அம்னோ துணைத் தலைவர் டத்தோஶ்ரீ டாக்டர் அமாட் ஜாஹிட் அமிடி சொன்னார்.

டத்தோஶ்ரீ ஜமால் அரசு சார்பற்ற அமைப்புகளின் தலைவராகவும் இருப்ந்தனால், அந்த அமைப்புக்களைப் பிரதிநிதித்துதான் அச்செயலைச் செய்திருக்கிறார். அவர் அம்னோ சார்பில் இச்செயலை செய்யவில்லை அதற்கு நாங்கள் அனுமதியும் வழங்கவில்லை என டத்தோ ஸாஹிட் கூறினார்.

நேற்று காலை மணி 10 அளவில், சிவப்புச் சட்டை அணி தலைவரான ஜமால் மற்றும் அவரின் சகாக்கள், கிட்டத்தட்ட 10 பீர் பெட்டிகளை அந்த சிலாங்கூர் அரசாங்க அலுவலகத்தின் முன்பு போட்டு அடித்து உடைத்து ரகளை செய்தனர். 

அதன் பின்னர், அவர்கள் உடைத்து நொறுக்கிய பீர் பெட்டிகளை அகற்ற வேண்டும் என்று பாதுகாவலர்கள் கேட்டுக் கொண்டதை பொருட்படுத்தாமல் அவர்கள் அங்கிருந்து வெளியேறினர். 

BLOG COMMENTS POWERED BY DISQUS