பிரதமரின் வேண்டுகோளை ம.இ.கா. ஏற்கவே இல்லை! சாடினார் சம்பந்தன்!

அரசியல்
Typography

கோலாலம்பூர்,அக்.9- பிரதமர் டத்தோஶ்ரீ நஜிப்பின் வேண்டுகோளை ம.இ.கா. புறக்கணித்து வருகிறது. இணைந்து செயல்படும்படி ம.இ.காவையும் ஐ.பி.எப்.பையும் பிரதமர் கேட்டுக் கொண்டு இரண்டு ஆண்டுகள் ஆகிவிட்டன. ஆனால், ம.இ.கா. இந்தக் கோரிக்கையை மதித்து செயல்படவில்லை என்று ஐ.பி.எப் கட்சியின் தேசியத் தலைவர் செனட்டர் டத்தோ சம்பந்தன் கூறினார்..

ம.இ.கா. தங்களுடன் ஒத்துழைக்க முன்வரவே இல்லை என்று ஐ.பி.எப். மாநாட்டில் பிரதமர் நஜிப் முன்னிலையிலேயே டத்தோ சம்பந்தன் குறிப்பிட்டார்.

இரு கட்சிகளின் ஒத்துழைப்பு குறித்து ம.இ.கா. தேசிய தலைவரைச் சந்தித்து பேசும்படி பிரதமர் அறிவுறுத்தி இருந்தார். அப்படியொரு சந்திப்புக்காக நாங்கள் எவ்வளவோ முயன்றும் அதற்கு ம.இ.கா. தலைவர் தயாராக இல்லை. இரண்டு ஆண்டுகள் எவ்வளவோ முயற்சிகளைச் செய்துள்ளோம் என்று அவர் சுட்டிக்காட்டினார்.

செர்டாங் பல்கலைக்கழகத்தில் உள்ள மெப்ஸ் மாநாட்டு மண்டபத்தில் நடந்த ஐபிஎப்.பின் 25- ஆவது ஆண்டு பேராளர் மாநாட்டில் பேசிய போது டத்தோ சம்பந்தன் இதனைத் தெரிவித்தார்.

பொதுத்தேர்தல் நெருங்கி வந்துவிட்ட இந்த வேளையிலும் கூட எங்களுடன் இணைந்து செயல்பட ம.இ.கா. தயாராக இல்லை.

இந்தியர்களின் பிரச்சனைகளைத் தாங்கள் களையப் போவதாக ம.இ.கா.வினர் கூறுகின்றனர். ஆனால், ஐ.பி.எப்.புடன் இணைந்து செயல்பட அவர்கள் தயாராக இல்லாத நிலையில் எப்படி இந்தியர்களின் பிரச்சனைகளைக் களையப் போகிறார்கள்? என்று டத்தோ சம்பந்தன் கேள்வி எழுப்பினார்.

BLOG COMMENTS POWERED BY DISQUS