எதிரணி பொய்களுக்கு பலியாகும் வெகுசில சீனர்கள்-இந்தியர்கள்! -நஜிப்

அரசியல்
Typography

 

கோலாலம்பூர், டிசம்.7- ஒரு குறிப்பிட்ட சிறிய எண்ணிக்கையிலான சீனர்களும் இந்தியர்களும் எதிர்க்கட்சிகளின் பொய்களில் சிக்கி பலியாகிக் கொண்டிருக்கிறார்கள் என்று பிரதமர் நஜிப் கூறினார்.

அம்னோ எல்லா இனங்களுக்குமான ஒரு கட்சியாக விளங்குவதில் அம்னோ நேர்மையாக இருந்து வருகிறது. எதிர்க்கட்சிகள் குற்றஞ்சாட்டுவது போல அம்னோ ஓர் இனவாதக் கட்சியல்ல என்று அம்னோ சிறப்புப் பேரவைக் கூட்டத்தில் அவர் சொன்னார்.

அம்னோ ஓர் இனவாதக் கட்சியாக இருந்திருக்குமானால், பல ஆண்டுகளாக பல்வேறு இனங்களைப் பிரதிநிதிக்கும் தேசிய முன்னணி பங்காளிக் கட்சிகளுக்கு தலைமை ஏற்று வழிநடத்தும் நம்பிக்கையை அது பெற்றிருக்க முடியும் என்று பிரதமர் நஜிப் கேள்வி எழுப்பினார்.

இதற்கெல்லாம் அப்பாற்பட்ட கட்சி அம்னோ. வேற்றுமையில் ஒற்றுமையை எப்போதும் அது கொண்டாடி வந்துள்ளது. நல்லலெண்ணம், புரிந்துணர்வுடன் ஒன்றுபட்டு வாழ்தல், ஒருவரை ஒருவர் சார்ந்து இருத்தல், ஒருவரை ஒருவர் பாராட்டுதல் போன்றவற்றை கடைபிடித்து வருகிறோம். நான் மீண்டும் மீண்டும் ஒரு விஷயத்தை சொல்லிக்கொள்ள விரும்புகிறேன். அம்னோ சீனர்களுக்கு எதிரானது அல்லது என்று அவர் வலியுறுத்தினார்.

 

 

 

 

 

BLOG COMMENTS POWERED BY DISQUS