கோலாலம்பூர், ஏப்ரல்.17- மைபிபிபி கட்சி தேசிய முன்னணியுடனே இருந்து வரும் என கட்சியின் உச்சமன்றம்  ஏகமனதாக முடிவு செய்து இருக்கிறது. கட்சிக்கான தொகுதி ஒதுக்கீடு குறித்து தேசிய முன்னணியின் தலைவரைச் சந்தித்து பேசவுள்ளது. தொகுதிகள் பற்றிய இறுதி முடிவுக்கான அந்தச் சந்திப்புக்கு பின்னர் ஒருவேளை தங்களுடைய கட்சியின் முடிவு மாறலாம் என்று அதன் தேசிய தலைவர் டான்ஶ்ரீ கேவியஸ் அறிவித்தார்.

இன்று கிட்டத்தட்ட இரண்டு மணிநேரம் நடந்த கட்சியின் உச்சமன்றக் கூட்டத்திற்குப் பின்னர் இந்த முடிவு ஏகமனதாக எடுக்கப்பட்டது என்று அவர் சொன்னார். 

கேமரன் மலை நாடாளுமன்றத் தொகுதியை மைபிபிபி தொடர்ந்து மைபிபிபி கோரிவரும். அதில் மாற்றமில்லை.  ஏனெனில், கடந்த இரண்டு மூன்று ஆண்டு காலமாக நான் அந்தத் தொகுதியில் மக்களுக்கு சேவையை வழங்கி வந்துள்ளேன் என்று டான்ஶ்ரீ கேவியஸ் செய்தியாளர்கள் கூட்டத்தில் தெரிவித்தார்.

தேசிய முன்னனியுடன் தான் இருக்கிறோம். தொகுதி ஒதுக்கீடு பற்றிய இறுதி முடிவுகள் எடுக்கப்பட்ட பின்னர் இந்த முடிவு மாறலாம் என்பதை அவர் தெளிவாக சுட்டிக்காட்டினார்.

கேமரன் மலைத் தொகுதியை பொறுத்தவரையில் மைபிபிபி 50 விழுக்காடு வெற்றியை இப்போதே பெற்றுவிட்டது. அந்தத் தொகுதி எங்களுக்கு வழங்கப்பட்டதாக அறிவிக்கப்பட்டால் அடுத்த 50 விழுக்காடு வெற்றியை நாங்கள் எளிதாக பெறுவோம்.  

கடந்த தேர்தலில் இந்தத் தொகுதியில்  கிட்டத்தட்ட 400 வாக்குகள் வித்தியாசத்தில் தான் தேசிய முன்னணி வென்றது. இம்முறை நாங்கள் கூடுதலான பெரும்பான்மையுடன் சிறந்த வெற்றியைப் பெறமுடியும். எங்களைத் தவிர வேறு யாரும் அங்கு  போட்டி போட்டால்  மக்களின் ஆதரவை அவர்கள் பெறுவது சிரமம் என்று அவர் சொன்னார்.

கேமரன் மலைத் தொகுதி மைபிபிபி கட்சிக்கு கிடைக்காமல் போகுமானால் சதிச் செயல்கள் இடம்பெறக்கூடுமா என்றொரு கேள்விக்கு பதிலளித்த கேவியஸ், அதில் எங்களுக்கு உடன்பாடு இல்லை. நாங்கள் நல்லதைத்தான் செய்வோம் கெட்டதைச் செய்ய மாட்டோம்.  அந்தத் தொகுதி மக்களின் முடிவுக்கே விட்டு விடுகிறோம்  என்று அவர் தெரிவித்தார்.

கேமரன் மலைத் தொகுதிக்குப் பதிலாக, சிகாம்புட் தொகுதியை உங்களுக்கு  வழங்க தேசிய முன்னணி  முன் வந்திருப்பதால் அது குறித்து பரிசீலிப்பீர்களா? எனச் செய்தியாளர்கள்  கேள்வி எழுப்பிய போது, கேமரன் மலையில்  சிறந்த வெற்றியைப் பெற முடிவும் என்று நம்புகிறேன். எனவே இப்போது மாற்றி யோசிப்பது சரியாக இருக்காது என்று கேவியஸ் பதிலளித்தார். அதேவேளையில் சிகாம்புட்  தொகுதியில் போட்டியிட கட்சியில் உள்ள வேறு எவரும் விரும்பினால் அது பற்றிய முடிவு அவர்களைப் பொறுத்தது எ ன்றார் அவர்.

 

 

 

 

 

 

 

 

 

 

 

 

 

 

 

 

 

 

 

கோலாலம்பூர், ஏப்ரல்.17- துன் மகாதீர் முகமட் மீண்டும் அரசியலுக்கு வருவதை விட அவர் மீண்டும் மருத்துவராக ஒரே மலேசியா கிளினிக்கில் சேவை செய்வதே உத்தமம் என்று பாஸ் கட்சித் தலைவர் டத்தோஶ்ரீ அப்துல் ஹாடி அவாங் கூறியதற்கு பதிலடி கொடுத்தார் துன் மகாதீர்.

தனது கம்பத்துக்குப் போய் ஹாடி அவாங் சமய போதகராக செயல்படுவது அனைவருக்கும் நன்மை  தரும் என்று மகாதீர் கூறியுள்ளார்.  

“அரசியலில் நுழையாதீர்கள்.  நீங்கள் ‘உஸ்தாஸ்’ஆக  இருப்பதே நல்லது. நீங்கள் கம்பத்தில் தான் இருக்க வேண்டும். அதுவே உத்தமம். உங்களுக்கு அரசியல் புரியவில்லை” என்று மகாதீர் ஹாடிக்கு பதிலளித்தார்.

“நீங்கள் திரெங்கானு மாநிலத்தில் மந்திரி புசாராக இருந்து ஆட்சிப் புரிந்ததில் இருந்தே  உங்களின் ‘வல்லமை’ என்னவென்று அனைவருக்கும் புரிந்து விட்டது. பள்ளிக்கு திரும்பிச் சென்று, சமயத்தைப் போதியுங்கள். அதுவும் நல்லவிதமாக போதியுங்கள்.  மற்றவரை மத நம்பிக்கைக்கு எதிரானவர் என்று பொய்யுரைக்கும் பொதனை வேண்டாம்” என்று மகாதீர் நினைவுறுத்தினார். 

லங்காவி வேட்பாளராக மகாதீர் நியமிக்கப்பட்டதைத் தொடர்ந்து, அவருக்கு இந்த வயதில் மீண்டும் அரசியல் பிரவேசம் தேவைத்தானா? என்றும், அவர் மீண்டும் மருத்துவராக, ஒரே மலேசியா கிளினிக்கில் வேலை செய்வது அவருக்கு நல்லது என்றும் ஹாடி அவாங்  கேலியாகக் கூறியிருந்தார் என்பது குறிப்பிடத்தக்கது.

கோலாலம்பூர், ஏப்ரல்.17- புத்ராஜெயாவில் ஆட்சி மாற்றங்கள் நிகழ வேண்டுமானால், மக்கள் அவர்களின் மனசாட்சியை முதலில் தேட வேண்டும் என்ற மறைந்த அரசியல்வாதி கர்ப்பால் சிங்கின் கோரிக்கைய இப்போது நினைவு கூற வேண்டும் என்று ஜ.செ.க மகளிர் தகவல் செயலாளரான கஸ்தூரி பட்டு அறிவுறுத்தினார். 

தேசிய முன்னணி அரசாங்கத்தின் இரும்புப் பிடியிலிருந்து விடுபட்டு, மலேசியர்கள், நீதி, ஜனநாயகம், சுதந்திரம் மற்றும் நல்லாட்சியை நாட்டில் மலர வைக்கும் பெரும் போராட்டத்தை எதிர்நோக்கியுள்ளனர் என்று அவர் சொன்னார். 

மாற்றங்களால் நன்மை ஏற்படுமா? என்ற குழப்பத்திலும், பயத்திலும் தடுமாறிக் கொண்டிருக்கும் மக்கள், கடந்த 2004-ஆம் ஆண்டு, செப்டம்பர் 4-ஆம் தேதியன்று, நாடாளுமன்றத்தில் “உங்களின் மனசாட்சியை தேடுங்கள்” என்று கர்ப்பால் சிங் கர்ஜித்ததை ஞாபகத்தில் வைத்துக் கொள்ளுமாறு கஸ்தூரி வலியுறுத்தினார். 

நாட்டில் மாற்றங்கள் நிகழ வேண்டுமானால், மலேசியர்கள் நியாயமாகவும், தைரியமாகவும் இருத்தல் அவசியம் என்று கர்ப்பால் சிங்கை நினைவு கூர்ந்து  பத்து காவான் (முன்னாள்) நாடாளுமன்ற உறுப்பினரான கஸ்தூரி தெரிவித்தார். 

பினாங்கு மக்களால்  "ஜெலுத்தோங் புலி" என்று செல்லமாக அழைக்கப்பட்ட கர்ப்பால் சிங், உண்மையை உரைப்பதிலும், தைரியமாக செயல்பட்டு வந்தவராவார். கடந்த 2014-ஆம் ஆண்டு, அவர் சாலை விபத்தொன்றில் பரிதாபமாக உயிரிழந்தார். 

"நேர்மை, மரியாதை, பொறுப்பு மற்றும் வெளிப்படைத்தன்மை கொண்டு, தேசிய முன்னணியால் ஆட்சி செய்ய முடியாது என்பது தெளிவாகி விட்டது. ஆதலால், மலேசியாவை உலகளவில் வெற்றியடைய வைக்கும் பொருட்டு, மலேசியர்கள் மாற்றத்தை ஏற்படுத்த வேண்டும்" என்று கஸ்தூரி வலியுறுத்தினார்.

கோலாலம்பூர், ஏப்ரல்.17- கேமரன் மலைத் தொகுதியில் போட்டியிடும் தனது எண்ணம் இம்முறையும் நிறைவேறாமல் போகக் கூடும் என்ற கோபத்தில் இருக்கும் மைபிபிபி தலைவர் டான்ஶ்ரீ எம்.கேவியஸ்,  தமக்கு சிகாம்புட் தொகுதியை பரிந்துரை செய்த  டத்தோஶ்ரீ தெங்கு அட்னான் மன்சோர்  விரும்பினால்  அவரே சிகாம்புட் தொகுதியில் போட்டியிடலாம் என்று காட்டமாக பதிலடி கொடுத்தார்.

சிகாம்புட் தொகுதியில் ஜ.செ.க கட்சிக்கு மக்கள் மத்தியில் பெரும் ஆதரவுள்ள வேளையில், அங்கு வேண்டுமானால் தெங்கு அட்னான் போட்டியிடட்டும் என்று கேவியஸ் கருத்துரைத்துள்ளார். 

“தெங்கு அட்னான் வேண்டுமானால் அந்தத் தொகுதியில் போட்டியிட்டு வெற்றி பெறலாம். என்னால் முடியாது. ஜ.செ.க வேட்பாளர்கள் கடந்த இரு பொதுத் தேர்தல்களில் அத்தொகுதியில் போட்டியிட்டு பெரும் வாக்கு வித்தியாசத்தில் வெற்றி பெற்றுள்ளனர்” என்ரார் அவர்.  கேமரன் மலையில் மைபிபிபியின் தேர்தல் கொள்கை அறிக்கையை வெளியிட்ட போது கேவியஸ் மேற்கண்டவாறு  கூறினார். 

தனக்கு கேமரன் மலைத் தொகுதியில் போட்டியிடும் வாய்ப்பு வழங்கப்பட வேண்டும் என்று, சிகாம்புட் தொகுதியில் போட்டியிடும் வாய்ப்பை தனக்கு தெங்கு அட்னான்   வழங்கியதாகவும், அதனை தாம் உடனே நிராகரித்ததாகவும் கேவியஸ் சொன்னார். 

தெங்கு அட்னான் தனது நண்பர் என்று கூறிய அவர், இருந்த போதிலும், தனது பொருமைக்கும் ஒரு எல்லை உண்டு என்றும் தெரிவித்தார்.

இம்முறை கேமரன் மலைத் தொகுதியில், தேசிய முன்னணி கூட்டணி சார்பில், மஇகாவின் இளைஞர் பிரிவுத் தலைவர் சிவராஜ் போட்டியிடக் கூடும் என்ற தகவல் வெளியாகியுள்ளது என்பது குறிப்பிடத்தக்கது. 

கடந்த மூன்று ஆண்டுகளாக, கேமரன் மலைத் தொகுதி மக்களுக்குத் தேவையான உதவிகளை தாம் வழங்கி வருவதாகவும், அதனால் தனக்கு அத்தொகுதியில் போட்டியிடும் வாய்ப்பு வழங்கப்பட வேண்டும் என்று கேவியஸ் தெரிவித்தார்.

ஜொகூர்பாரு, ஏப்ரல்.17- பொதுத் தேர்தலில் வாக்களிக்க சிங்கப்பூரில் இருந்து ஜொகூருக்கு வருகை புரியவிருக்கும் ஆயிரக்கணக்கான வாக்காளர்களுக்கு உதவும் பொருட்டு எதிர்க்கட்சிகள் இலவச பேருந்து வசதிகலை வழங்கவுள்லனன என்று அறிவிக்கப்பட்டுள்ளது.

கிட்டத்தட்ட 10 பேருந்துகள் மே மாதம் 9ஆம் தேதியன்று வாக்காளர்களுக்கான இந்ட்தச் சேவயை வழங்கவுள்ளன. சிங்கப்பூரில் இருந்து அன்றைய தினம் ஜொகூருக்கு வருகை புரிவதற்காகன பேருந்து டிக்கெட்டுகள் அனைத்தும் விற்றுத் தீர்ந்து விட்டதாக அறிவிக்கப்பட்டதைத் தொடர்ந்து தாங்கள் இந்த மாற்று ஏற்பாடுகளைச் செய்திருப்பதாக ஜசெகவின் பிரசார பிரிவு இயக்குனர் ஜியார்ஜ் போ தெரிவித்துள்ளார்.

பொது மக்களின் நிதியுதவிடன் இந்தப் பேருந்துகளுக்கு ஏற்பாடு செய்யப்பட்டுள்ளது. பத்து பகாட், சிகாமட், குளுவாங் மற்றும் மூவார் ஆகிய இடங்களுக்கு இந்தப் பேருந்துகள் சேவை மேற்கொள்ளும் என்று அவர்சொன்னார்.

 இந்தச் சேவைகள் ஒருவழி சேவைகளாகும். ஏனெனில், வாக்காளர்கள் எப்போது மீண்டும் சிங்கப்பூருக்கு திரும்புவார்கள் என்று தெரியாது எனபதால் தங்களால் ஒருவழிச் சேவையே வழங்க முடிந்திருப்பதாக அவர் கூறினார்.

 

ஷாஆலாம், ஏப்ரல்.16- 14-ஆவது பொதுத்தேர்தலில் காப்பார் நாடாளுமன்றத் தொகுதியில் தேசிய முன்னணி கூட்டணியின் சார்பில் மீண்டும்  மஇகா வேட்பாளராக  டத்தோஶ்ரீ எஸ்.கே. தேவமணி போட்டியிடக் கூடும் என்று தகவல் கூறுகிறது.

மேரு, செமெந்தா மற்றும் செலாட் கிள்ளான் ஆகிய சட்டமன்ற தொகுதிகளில் அம்னோ வேட்பாளர்கள் நிறுத்தப்படுவார்கள் என்று சிலதரப்புக்கள் கூறுகின்றன. 

காப்பார் நாடாளுமன்றத் தொகுதியில், மஇகாவின் துணைத் தலைவரும் பிரதமர் துறை துணையமைச்சருமான  டத்தோஶ்ரீ எஸ்.கே.தேவமணி  போட்டியிடத் தயாராகி வரரருகிறார் என தெரிய வந்துள்ளது. 

அதேவேளையில் காப்பார் தொகுதியில்  மஇகா மகளிர் தலைவர் டத்தோ மோகனா முனியாண்டி போட்டியிடக் கூடிய வாய்ப்பு இருப்பதாக ஏற்கெனவே ஆருடம் கூறப்பட்ட்டு வருகிறது. எனினும், ஆகக் கடைசி நிலவரப படி தேவமணியே காப்பாரில் போட்டியிடும் வாய்ப்பை பெறுவார் எனத் தெரிகிறது.

மேரு சட்டமன்ற தொகுதியில் போட்டியிட மூன்று வேட்பாளர்களின் பெயர்களை தேசிய முன்னணி தலைமைத்துவத்திடம் சமர்ப்பிக்கப் பட்டுள்ளதாக தெரிகிறது.

செமெந்தா சட்டமன்ற தொகுதியில் போட்டியிட தகுதியுள்ள நால்வர் தேர்ந்தெடுக்கப்பட்டு, அதன் பின்னர், அவர்களில் சிறந்த வேட்பாளர் ஒருவர் தேர்ந்தெடுக்கப்படுவார் என்றும் கூறப்படுகிறது. செலாட் கிள்ளான் சட்டமன்ற தொகுதியில் போட்டியிட மூன்று அம்னோ வேட்பாளர்கள் தேர்ந்தெடுக்கப்பட்டுள்ளனர். 

 

ஷா ஆலாம், ஏப்ரல்.16- தேர்தல் ஆணையத்தின் எல்லை சீரமைப்பினால் ஏற்பட்ட தொல்லையால் தாம் இம்முறை வேறொரு  எந்தத் தொகுதியில்  போட்டியிடுவது என்று தெரியாத நிலையில்  இருக்கிறார் ஶ்ரீ அண்டாலாஸ் தொகுதியின் முன்னாள்  உறுப்பினர் டாக்டர் சேவியர். 

முன்பு ஶ்ரீ அண்டாலாஸ் என்று அழைக்கப்பட்ட அத்தொகுதி, இந்தப் பொதுத் தேர்தலில், சுங்கை கண்டீஸ் தொகுதி என  தேர்தல் ஆணையத்தால் அறிமுகப் படுத்தப்பட்டுள்ளது. முன்பு அத்தொகுதியில் 54 விழுக்காட்டினர் மலாய்க்காரர்கள் அல்லாத வாக்காளர்களாக இருந்தனர்.  அத்தொகுதியில் வாக்கு விகிதாச்சார  சமநிலை  இருந்தது 

இப்போது அத்தொகுதியின் எல்லை சீரமைப்பினால், அப்பகுதியில் வாக்களிக்கும் மலாய்க்காரர்களின் எண்ணிக்கை அதிகரிக்கப் பட்டுள்ளது. இப்போது அத்தொகுதியில் 75 விழுக்காடு அல்லது 78 விழுக்காட்டினர் வரை மலாய்க்காரர்கள் ஈடம் பெற்றுள்ளனர்.

''இதனைக் கருத்தில் கொண்டு,  இம்முறை அத்தொகுதியில் மலாய்க்காரர் ஒருவரை வேட்பாளரை பி.கே.ஆர் நிறுத்தும்'' என்று  சேவியர் சொன்னார்.  

கடந்த 2008-ஆம் ஆண்டு பொதுத் தேர்தலில் வெற்றிப் பெற்று ஶ்ரீ அண்டாலாஸ் தொகுதியின் சட்ட மன்ற உறுப்பினராக தேர்ந்தெடுக்கப்பட்ட டாக்டர் சேவியர், கடந்த 2013-ஆம் ஆண்டு பொதுத் தேர்தலில் 15,000 வாக்கு வித்தியாசத்தில் அந்தத் தொகுதியை மீண்டும் தக்க வைத்துக் கொண்டார்.

இம்முறை தாம் எந்தத் தொகுதியில் போட்டியிடக் கூடும் என்ற தகவலை டாக்டர் சேவியர் தெரிவிக்கவில்லை. அது குறித்து கட்சியே முடிவு செய்யும் என்றார் அவர்.

More Articles ...