கோலாலம்பூர், ஏப்ரல்.16- கேமரன்மலை நாடாளுமன்றத் தொகுதி மஇகாவுக்குத்தான் என்று உறுதியாகி விட்ட நிலையில், மைபிபிபி  கட்சியின் தேசியத் தலைவர் டான்ஶ்ரீ கேவியஸ்  கடும் ஏமாற்றத்திற்கு உள்ளாகி இருப்பதாக கூறப்பட்டது.

 கேமரன் மலைக்குப் பதிலாக சிகாம்புட் நாடாளுமன்றத் தொகுதியில் போட்டியிட கேவியசிற்கு தேசிய முன்னணி தலைமை வாய்ப்பளித்ததை அவர் நிராகரித்துள்ளார்.  கேமரன் மலைத் தொகுதியில் கடந்த 4  ஆண்டுகளாக தொடர்ந்து இரவு பகல் பாராமல் உழைத்திருக்கிறேன். எனவே வேறு எந்தத் தொகுதியையும்  தாம் ஏற்கும் நிலையில் இல்லை என்று கேவியஸ் கூறியுள்ளார்.

அதேவேளையில் சிகாம்புட் தொகுதியில் போட்டியிட இப்போது வாய்ப்பளிப்பதற்குப் பதிலாக தஏசிய முன்னணி  4 ஆண்டுகளுக்கு முன்பே அந்த வாய்ப்பை அளித்திருந்தால் கடந்த 4 ஆண்டுகளில் கேமரன்மலையை இலக்காக வைத்து நான் போட்ட உழைப்பை,  சிகாமட்டில் போட்டிருப்பேன் என்று அவர் சுட்டிக்காட்டியுள்ளார்.

சிகாம்புட் தொகுதிக்கு மாறும்படி எனக்கு அறிவுறுத்தப்பட்ட போது நான் அதிர்ச்சி அடைந்தேன். என்னைப் பொறுத்தவரை அத்தகைய  மாற்றத்தை நான் ஏற்கமாட்டேன் என்றார் அவர்.

தேசிய முன்னணி தலைமைத்துவம்  தமக்கு அளித்த வாக்குறுதிப் படி நடக்கவில்லை என்பதால் கேவியஸ்  கடும் அதிருப்தி அடைந்திருக்கும் நிலையில்,  அடுத்த சில நாள்களில் நடக்கும் கட்சியின் நிர்வாகக் குழுக் கூட்டத்தில் முக்கிய முடிவு அறிவிக்கப்படலாம் என்று   வட்டாரங்களை மேற்கோள் காட்டி இணைய ஊடகச் செய்தி ஒன்று கூறியது. தேசிய முன்னணியில் இருந்து சில காலம் விலகி இருக்க, மைபிபிபி முடிவு எடுத்தாலும் ஆச்சர்யப் படுவதற்கில்லை என்றும் கூறப்படுகிறது.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

புத்ராஜெயா, ஏப்ரல்.16- இன்று ஶ்ரீ பெர்டானாவில்  தேசிய முன்னணியின் நாடாளுமன்ற உறுப்பினர்களுடன் சிறப்பு சந்திப்பை நடத்திய பிரதமர் டத்தோஶ்ரீ நஜிப், கட்சியில் அனைவரும்  ஒற்றுமையாக செயல் பட வேண்டும் என்று அறிவுறுத்தினார். 

காலை 9 மணிக்கு தொடங்கிய அந்தச் சிறப்புச் சந்திப்பு, சுமார் அரை மணி நேரம் நடைபெற்றது. 

அந்தச் சந்திப்பில் கலந்து கொண்ட நாடாளுமன்ற உறுப்பினர்கள் சிலர், தேசிய முன்னணி நாடாளுமன்ற உறுப்பினர்கள் அனைவரும் ஒற்றுமையுடன் செயல்பட வேண்டும் என்று பிரதமர் தங்களிடம் கேட்டுக் கொண்டதாக செய்தியாளர்களிடம் தெரிவித்தார். 

தேசிய முன்னணியின் சார்பில் இதுவரை சிறப்பாக செயலாற்றி விடைபெறும் உறுப்பினர்களிடம், அவர்களின் சேவைக்கு பிரதமர் நன்றி தெரிவித்ததாக சந்துபோங் (முன்னாள்) நாடாளுமன்ற உறுப்பினர் டத்தோ வான் ஜுனைடி துவாங்கு ஜப்பார் கூறினார். 

“இந்தப் பொதுத் தேர்தலில் சிலர் மீண்டும் வேட்பாளராக நியமிக்கப்படலாம். சிலர் வேட்பாளர்கள் பட்டியலில் இடம் பெறாமல் போகலாம். எது நடந்தாலும், தேசிய முன்னணி உறுப்பினர்கள் ஒற்றுமையாக இருக்க வேண்டும்” என்று பிரதமர் கூறியதாக முன்னாள் தாப்பா நாடாளுமன்ற உறுப்பினர் டத்தோ எம்.சரவணன் சொன்னார். 

இந்தச் சந்திப்பின் போது தலைவர்கள் மத்தியில் ஒற்றுமை மற்றும் விசுவாத்தின் அவசியம் குறித்தும் நஜிப் பேசியதாக பெர்லீஸ் மாநில தேசிய முன்னணி தலைவர் டத்தோஶ்ரீ ஷாஹிடான் காசிம் கூறினார். 

 

கோலாலம்பூர், ஏப்ரல்.16-  பொதுத் தேர்தலில் வாக்களிக்கும் வாக்காளர்கள், தங்களின் வாக்குப்பகுதி நிலையங்கள் குறித்த தகவல்களை இன்று இணையம் வாயிலாக தெரிந்துக் கொள்ளலாம். 

தேர்தல் ஆணையத்தின் www.spr.gov.my என்ற அகப்பத்தின் வாயிலாக வாக்காளர்கள் தங்களின் வாக்குகளை பதிவு செய்யும் இடங்களைத் தெரிந்துக் கொள்ளலாம். MySPR Semak (மைஎஸ்பிஆர் செமாக்) என்ற கைத்தொலைபேசி ஆப்பின் வாயிலாகவும், இது குறித்த தகவல்களை தெரிந்துக் கொள்ளலாம்.

பொதுமக்கள் 03-8892 7018 என்ற எண்ணின் வாயிலாகவும், 15888 என்ற எண்ணுக்கு குறுஞ்செய்தி அனுப்பி தங்களின் வாக்குப்பதிவு இடங்கள் குறித்து அறிந்துக் கொள்ளலாம்.  

நாட்டின் 14-ஆவது பொதுத் தேர்தல் மே மாதம் 9-ஆம் தேதியன்று நடைபெறவிருக்கிறது. வேட்பாளர்கள் நியமனம் இம்மாதம் 28-ஆம் தேதியன்று நடைபெறும்.

வாக்காளர்கள் அனைவரும் தங்களின் வாக்குகளைப் பதிவு செய்யும் வகையில், மே 9-ஆம் தேதி பொது விடுமுறையாக அறிவிக்கப்பட்டுள்ளது.

கோலாலம்பூர், ஏப்ரல்.15- 'ஓட்டு போட்டீங்களா? விரலைக் காட்டுங்க.. விரலில் ஓட்டு போட்டதுக்கு அடையாளமா 'மை' இருந்த எங்க  கடையிலே  உணவு இலவசம்' என இரண்டு பிரபலமான சீன உணவகங்கள் அறிவித்திருக்கின்றன.

மே மாதம் 9 ஆம் தேதி வாக்களிப்பு நாள்.  அன்றைய தினம் யார், யாருக்கெல்லாம் வாக்களித்தாலும், மாறுபட்ட கருத்தைக் கொண்டவர்களாக வாக்காளர்கள் இருந்தாலும் ஒரு விஷயத்தில் மலேசியர்கள் எல்லாம் ஒன்று. அதாவது உணவைத் தேடிச் சென்று ருசித்து சாப்பிடுவதில் மலேசியர்கள் அனைவருமே ஒரே மாதிரித் தான் என்பது நாடறிந்த விஷயம்.

மே 9 ஆம் தேதியன்று வாக்களிக்கச் சென்று விட்டு விரலில் வாக்களித்த அடையாள மையோடும் வருவோருக்கு தங்களுடைய உணவகத்தில் 'பாக்குத் தே' இலவசம் என்று கிள்ளானிலுள்ல பிரபல சீன உணவகமான 'எங் சுன் பாக்குத் தே' உணவகம் அறிவித்துள்ளது.

இந்த உணவகத்தின் உரிமையாளர் ஹுவாங் யோங் ஜின் என்பவர் தம்முடைய முகநூல் பக்கத்தில் இந்த அறிவிப்பைச் செய்து அசத்தியுள்ளார்.

இதனிடையே, மற்றொரு சீன உணவகக் குழுமமான மீட் மீ ( Meet Mee)என்ற பிரபல மீ  உணவக நிறுவனமும் வாக்களித்த விரல் மை அடையாளத்துடன் தங்கள் உணவகத்திற்கு வருபவர்களுக்கு இலவச 'பான் மீ' உணவு வழங்கப்படும் என்று அறிவித்துள்ளது.

இந்த நிறுவனத்திற்கு தேசா ஸ்தாப்பாக், டானாவ் கோத்தா மற்றும் சுங்கை லோங் ஆகிய இடங்களில் கிளைகள் உள்ளன. இந்தப் பொதுத்தேர்தலில் எங்களின் 'பான் மீ'யிக்காக மக்கள் யாரும் வாக்களிக்கப் போவதில்லை. அவர்கள் அவர்களின் கடமையைச் செய்யப் போகிறார்கள். எனவே, இந்தட் தேர்தலில் எங்களின் பங்களிப்பும் இருக்கவேண்டும் என்பதற்க்கா நாங்கள் இவ்வாறு செய்கிறோம் என்று அந்நிறுவனம் அறிவித்துள்ளது.

கோலாலம்பூர், ஏப்ரல்,15- ஜொகூரில் கம்பீர் சட்டமன்றத் தொகுதியில் இம்முறை பிரிபூமி பெர்சத்து கட்சியின் தலைவரான டான்ஶ்ரீ மொகிதீன் யாசின் போட்டியிடவிருக்கிறார்.

ஜொகூர் சட்டமன்றம் கடந்த வாரம் கலைக்கப்படும் வரையில் கம்பீர் தொகுதியில் சட்டமன்ற உறுப்பினராக இருந்து வந்தவர் டத்தோ அசோஜன் ஆவர். இவர் கடந்த 2013 ஆம் ஆண்டு பொதுத் தேர்தலில் பிகேஆர் வேட்பாளருடன் போட்டியிட்டு மிகக் குறைந்த வாக்கு வித்தியாசத்தில் வெற்றி பெற்றர் என்பது குறிப்பிடத்தக்கது.

முன்னாள் துணைப் பிரதமரான மொகிதீன், இது குறித்து இங்கு நடந்த சந்திப்புக் கூட்டம் ஒன்றில் பேசிய போது கம்பீர் தொகுதி மக்கள் 'சரி' என்று சொன்னால்,  நீங்கள் இந்தத் தொகுதியில் போட்டியிடலாம் என்று என் நண்பர்கள் என்னிடம் கூறினார்கள் என்று பலத்த ஆரவாரத்திற்கு இடையே தெரிவித்தார்.

இதன் வழி தாம் சட்டமன்றத்திற்கும் போட்டியிட மொகிதீன் ஆர்வம் கொண்டுள்ளார் என்று தெரியவந்துள்ளது. கடந்த 1986 ஆம் ஆண்டுமுதல் 1995 ஆம் ஆண்டு வரையில் ஜொகூர் மந்திரி புசாராகவும்  இவர் இருந்துள்ளார்.

தமது பாகோ நாடாளுமன்றத் தொகுதியில் இவர் மீண்டும்  போட்டியிடுவாரா? என்று கேள்வி எழுப்பப்பட்ட போது அது குறித்து கருத்துரைக்க அவர் மறுத்து விட்டார்.

கம்பீர் சட்டமனற தொகுதியில் மஇகாவின் சார்பில் தேசிய முன்னணி வேட்பாளராக போட்டியிட்டு கடந்த 2004ஆம் ஆண்டு,  2008 ஆம் ஆண்டு ம் 2013 ஆம் ஆண்டு பொதுத் தேர்தலின் போது டத்தோ அசோஜன் வெற்றி பெற்றார் என்பது குறிப்பிடத்தக்கது.

ஈப்போ, ஏப்ரல்.15- எதிர்காலத் தலைமுறையினரின் நலன்களை பாதுகாப்பதற்காக தங்களின் சமுதாய முன்னோடிகள் நடத்திய போராட்டத்தை இன்றைய இளைஞர் சமுதாயம் அறிந்து கொள்ளவில்லை என்று மஇகாவின் உதவித்தலைவர்களில் ஒருவரான டான்ஶ்ரீ எஸ்.ஏ. விக்னேஸ்வரன் தெரிவித்தார்.

கடந்த காலங்களில் இருந்த பிரதமர்கள், இந்தியர்களை ஓரங்கட்டிவிட்டனர். இதனால் சமுதாயத்தை மேம்படுத்துவதில் தலைவர்கள் கடுமை யான போராட்டத்தை நடத்த வேண்டியிருந்தது. நாட்டின் மேம்பாடு மற்றும் முன்னேற்றத்தில் இருந்து இந்தியர்கள் அலட்சியப் படுத்தப்பட்டு விட்டனர் என்று டான்ஶ்ரீ விக்னேஸ்வரன் குறிப்பிட்டார்.

மற்ற பிரதமர்களைப் போல அல்லாமல், பிரதமர் நஜிப் இந்தியர்களின் மேம்பாட்டிற்காக பல்வேறு முனைப்புகளை முன்னெடுத்துள்ளார்.  பொருளாதார ரீதியில் கைதூக்கி விடுவதற்காக பின்தங்கியவர்களுக்கு, பல்வேறு நிதியுதவிகளை  அளித்து வருகிறார் என்று அவர் சொன்னார். 

அரசாங்கத்திற்கு தீங்கு விளைவிக்கும் வகையிலான போலிச் செய்திகளினால் இளைய சமுதாயத்தினர் ஈர்க்கப்பட்டு விடக்கூடாது. பொறுப்பற்ற சில தரப்பினர் இது போன்ற போலிச் செய்திகந்த் தொடர்ந்து பரப்பி வருகின்றனர் என்று அவர் சுட்டிக்காட்டினார்

 

கூச்சிங், ஏப்ரல்.15-  விரைவில்  மலேசியா  ஒரு  திவால் நாடாக ஆகிவிடும் நிலையை நோக்கிச் சென்று கொண்டிருக்கிறது  என்று கூறப்படும் குற்றச்சாட்டுக்களைக் கருவூல துறைத் தலைமைச் செயலாளர் டான்ஶ்ரீ முகம்மட் இர்வான் செரிகார் அப்துல்லா தெரிவித்தார்.

'இந்தக் கூற்று சரியானதல்ல. பொறுப்பற்ற, நேர்மையற்ற சிலர் இணையத்தில் பொய்யாக பரப்பிய செய்தி இது.  நாட்டின் நிதி நிர்வாகத்தைக் கையாளும் பொறுப்பில் இருக்கிறேன் என்ற முறையில் நான் ஒரு விஷயத்தை வலியுறுத்த விரும்புகிறேன். மலேசியாவின் பொருளாதாரம் வலுவாக நிலையில் இருக்கிறது என்பதை வலியுறுத்த விரும்புகிறேன்' என்றறார் அவர். 

கடந்த ஆண்டின் பொருளாதார வளர்ச்சி விகிதம் 5.9 விழுக்காடாக இருந்தது. இவ்வாண்டு அது 6 விழுக்காட்டை எட்டி விடும் என்று எதிர்பார்க்கப் படுகிறது. 'பிரிம்' தொகையை பல்வேறு பிரிவுகளில் அதிகரிக்க பிரதமர் நஜிப் எடுத்த முடிவே, நாட்டின் பொருளாதாரம் நல்ல நிலையில் இருப்பதைக் காட்டுவதாக உள்ளது என்று டான்ஶ்ரீ முகம்மட் இர்வான் சொன்னார்.

More Articles ...