புக்கிட் மெர்தாஜாம், ஏப்ரல்.13- பினாங்கு மாநிலத்தின் பத்து காவான் நாடாளுமன்ற தொகுதியில் ஜ.செ.க.வின் வேட்பாளராக யார் நியமிக்கப்பட வேண்டும் என்பது தொடர்பில் கட்சிக்குள் உட்பூசல் நிலவுகிறது.

அத்தொகுதியின் நாடாளுமன்ற உறுப்பினரான பி.கஸ்தூரி பட்டு, பேராக் மாநிலத்தில் மற்றொரு நாடாளுமன்ற தொகுதியில் போட்டியிடவிருக்கிறார் என்று கட்சி வட்டாரத் தகவல் தெரிவித்துள்ளது. 

பினாங்கு மாநிலத்தின் இரண்டாவது துணை அமைச்சர் டாக்டர் பி.ராமசாமியின் ஆதரவாளரைத் தான் பத்து காவான் நாடாளுமன்ற தொகுதியில் வேட்பாளராக நியமிக்க வேண்டும் என்று சில தரப்பினர் மும்மொழிந்து உள்ளனர். இதனால அங்கிருந்து கஸ்தூரி பட்டு வெளியேறக்கூடும் என்று தெரிகியச் வந்துள்ளது. என்று தகவல் வெளியாகியுள்ளது. 

கடந்த 2008-ஆம் ஆண்டு பொதுத் தேர்தலில், டாக்டர் ராமசாமி பத்து காவான் தொகுதியில் வெற்றி பெற்றார். 2013-ஆம் ஆண்டின் பொதுத் தேர்தலின் போது, அத்தொகுதியில் ஜ.செ.க வேட்பாளராக நிறுத்தப்பட்ட கஸ்தூரி, பெரும் வாக்கு வித்தியாசத்தில் வெற்றி வாகை சூடினார். 

இம்முறை பத்து காவான் தொகுதியை தாம் தக்க வைத்துக் கொள்ள முடியாது என்ற அடிப்படையில், பேராக் மாநிலத்தின் நாடாளுமன்ற தொகுதியில் தாம் போட்டியிடக் கூடும் என்று கஸ்தூரி பட்டு ஒப்புக் கொண்டார். ஆனால், தேசிய முன்னணியால்தான் தமக்கு அத்தகைய பிரச்சனை ஏற்பட்டுள்ளதாக கஸ்தூரி பட்டு கூறினார்.

“பிறையில் தொழிற்சாலை பகுதிகள் மற்றும் மத்திய நெடுஞ்சாலைகளை சீர் செய்வதில் எனக்குச் சில சிரமங்கள் ஏற்பட்டன” என்று அவர் சொன்னார். ஜ.செ.க நாடாளுமன்ற உறுப்பினர்களுக்கு 200,000 ரிங்கிட்தான் வருடத்திற்கு ஒரு முறை ஒதுக்கப்படுவதாகவும், ஒதுக்கப்படும் அந்நிதிக் கொண்டு தம்மால் மக்களுக்குத் தேவையான உதவிகளை சரிவர செய்துத் தர முடியவில்லை என்றும் அவர் சுட்டிக் காட்டினார். 

இந்திய மாணவர்களின் கல்விக்கு உதவ வேண்டும் என்று அத்தொகுதி மக்கள் தன்னை நாடி வருவதாகவும், அது தனக்கு பூரிப்பை தந்த போதிலும், தம்மால் அனைவருக்கும் உதவ முடியவில்லை என்று அவர் வருத்தம் கொண்டார். 

புத்ராஜெயா, ஏப்ரல்.12 – பொதுத் தேர்தலில் 2 நாடாளுமன்றம் மற்றும்  4 சட்டமன்றத் தொகுதிகளில் தங்களின் வேட்பாளர்கள் போட்டியிட பக்காத்தான் ஹராப்பான் அனுமதிக்க வேண்டும் என்று ஹிண்ட்ராப் அதிகாரப்பூர்வமாக கோரிக்கை விடுத்துள்ளது.

நாட்டிலுள்ள 9 லட்சம் இந்திய வாக்களர்களில் 65 விழுக்காட்டினர் ஹிண்ட்ராப்பின் பக்கம் உள்ளனர் என்று அதன் தலைவரான பி.வேதமூர்த்தி தெரிவித்தார்.

பேரா, கெடா, ஜொகூர் மற்றும் நெகிரி செம்பிலானிலுள்ள மாநில சட்டமன்றங்களிலும் நாடாளுமன்றத்திலும் ஹிண்ட்ராப்பிற்கு பிரதிநிதித்துவம்   வேண்டும் என்று அவர் கோரிக்கை விடுத்தார்.

இந்திய சமுதாயத்தின் ஆதரவு ஹிண்ட்ராப்பிற்கு இருக்கிறது என்ற உண்மை இன்றைய சந்திப்பின் போது துன் மகாதீர் ஒப்புக் கொண்டார் என்று அவர் கூறினார்.

பக்காத்தானிலுள்ள இந்தியத் தலைவர்களுக்கு சங்கடத்தை ஏற்படுத்தும் எண்ணம் ஹிண்ட்ராப்பிற்கு இல்லை. அதே வேளையில் இந்திய சமுதாயத்திற்காக ஹிண்ட்ராப் வாதாடி வருகிறது என்பதை அவர்கள் மதிக்கவே செய்வார்கள் என்று நான் உறுதியாக நம்புகிறேன் என்றார் அவர்.

நகர்ப்புற இந்தியர்களின் வாக்குகள் குறித்து பக்காத்தான் கவலை கொள்ள வேண்டியதில்லை. ஆனால் நகர்ப்புறம் சாராத பகுதிகளில் உள்ள வாக்குகளை ஹிண்ட்ராப் திரட்ட முடியும். மஇகாவுக்கு மாற்றாக ஹிண்ட்ராப் விளங்கமுடியும் என்று அவர் கூறினார்.

கோலாலம்பூர், ஏப்ரல்.12- 14-ஆவது பொதுத் தேர்தலில் சுங்கை சிப்புட் நாடாளுமன்றத் தொகுதியில் துன் ச.சாமிவேலுவின் மகன் சா.வேள்பாரி, மஇகா சார்பில் வேட்பாளராக நியமிக்கப்படுவார் என்று கூறப்படுவதை தொடர்ந்து, அந்தச் சவாலை சந்திக்க தாம் தயாராக இருப்பதாக அத்தொகுதி நாடாளுமன்ற உறுப்பினர் டாக்டர் ஜெயகுமார் கூறினார்

இருந்த போதிலும், முன்னாள் அமைச்சரான துன் சாமிவேலுவிற்கு வாக்களித்த அந்த வாக்காளர்களின் மனநிலை இப்போது மாறி விட்டது என்று டாக்டர் ஜெயகுமார் சுட்டிக்காட்டினார்.

கடந்த 1973-ஆம் ஆண்டிலிருந்து 2008-ஆம் ஆண்டு வரை, சுங்கை சிப்புட் நாடாளுமன்ற தொகுதி உறுப்பினராக சாமிவேலு பதவி வகித்தார் என்பது குறிப்பிடத்தக்கது

அப்பகுதி வாழ் மக்கள், தங்களின் தேவைகளை உணர்ந்து அதற்கேற்றார் போல் இப்போது மாறி விட்டனர்.  இந்தத்தொகுதிக்கு வரும் ம இகாவின் எந்தவொரு வேட்பாளரும் அப்பகுதி வாக்காளர்களிடையே விழிப்புணர்வு  கூடிவிட்டதை கண்கூடாக காணப்போகிறார்கள் என்று டாக்டர் ஜெயகுமார் கூறினார்

மக்கள் பண அரசியலை நிராகரித்து விட்டனர். அரசியல்வாதிகளின் செயல்களை அவர்கள் கவனித்து வருகின்றனர். ஏழை மக்களின் வாழ்க்கைத் தரத்தை உயர்த்தும் வகையில், குறிப்பாக வீட்டு வசதி மற்றும் குறைந்தபட்ச வருமானம் ஆகியவற்றில் அக்கறை காட்டும் வேட்பாளர்களை மக்கள் கவனித்து வருகின்றனர்என்று அவர் கருத்துரைத்தார்

பி.எஸ்.எம் கட்சிக்கு மக்கள் தொடர்ந்து ஆதரவு அளித்து வருவதாகவும், இந்நிலை 14-ஆவது பொதுத் தேர்தலில் தொடரும் என்றும் தாம் நம்புவதாக அவர் தெரிவித்தார்.

கோலாலம்பூர், ஏப்ரல்.12- தனது குடும்பத்தாரைத் தொட்டுப் பேச முடியாத வண்ணம் சிறைச்சாலை இலாகா கட்டுப்பாடு விதித்துள்ளதை எதிர்த்து நீதிமன்றத்தில் சிறைச்சாலை இலாகாவிற்கு எதிரான டத்தோஶ்ரீ அன்வார் இப்ராஹிம் மனுவை நீதிமன்றம் இன்று நிராகரித்தது. 

அன்வாருக்கு விதிக்கப்பட்டுள்ள கட்டுப்பாடுகள் முறையானவை என்றும், அது நியாயமற்றதாக தங்களுக்குத் தெரியவில்லை என்று மூன்று நீதிபதிகள் அடங்கிய குழுத் தலைவர் அஹ்மாடி அஸ்னாவி கூறினார்

தனது குடும்பத்தாருடன் உடல் ரீதியிலான தொடர்புக் கொள்ளும் பொருட்டு (வழக்கு அடிப்படையில்), அன்வார் மீண்டும் நீதிமன்றத்தில் விண்ணப்பிக்கலாம் என்று அஹ்மாடி சொன்னார்

கைதிகள் தங்களின் குடும்பத்தாருடன் உடல் ரீதியிலான தொடர்புக் கொள்வதை ஏற்பதோ அல்லது அதை மறுப்பதோ சிறைச்சாலை இலாகாவின் தலைமை இயக்குனரின் கட்டுப்பாட்டிற்குள் அடங்கும் என்றும் அஹ்மாடி நீதிமன்றத்தில் தெரிவித்தார்

தன்னுடைய குடும்பத்தாரை தொட்டுப் பேசுவதற்கு சிறைச்சாலை இலாகா அனுமதி தர மறுக்கிறது என்று கூறி, கடந்த 2016-ஆம் ஆண்டு மே மாதம் 18-ஆம் தேதி அன்வார் இப்ராஹிம் நீதிமன்றத்தில் வழக்கு தொடர்ந்தார்

சிறைச்சாலையில் அன்வார் கண்ணாடி அறையில் அடைக்கப்பட்டு, அங்கு கொடுக்கப்படும்இண்டர்காம்வாயிலாக தான் தன்னை சந்திக்க வரும் அவரின் குடும்பத்தாருடன் அவர் பேசி வருவதாக அவ்வழக்கின் போது தெரிவிக்கப்பட்டது

இதனிடையில், நீதிமன்றத்தின் தீர்ப்பை எதிர்த்து மீண்டும் தாங்கள் கூட்டரசு நீதிமன்றத்தில் விண்ணப்பம் செய்யவிருப்பதாக அன்வாரின் வழக்கறிஞர் என்.சுரேந்திரன் கூறினார்.

ஜொகூர்பாரு, ஏப்ரல்.12- ஜொகூர் மாநில பாஸ் கட்சியின், ஒரேயொரு மலாய்க்காரர் அல்லாத வேட்பாளரான  குமுதா என்ற இந்தியப் பெண்மணி, மூன்றாவது முறையாக அக்கட்சியின் சார்பில் சட்டமன்றத் தொகுதியில் போட்டியிடவிருக்கின்றார். 

கடந்த 2008-ஆம் ஆண்டு மற்றும் 2013-ஆம் ஆண்டு பொதுத் தேர்தல்களின் போது, திராம் சட்டமன்ற தொகுதி வேட்பாளராக போட்டியிட்டு, இருமுறையும் குமுதா தோல்வியை தழுவினார் என்பது குறிப்பிடத்தக்கது.

“2013-ஆம் ஆண்டின் பொதுத் தேர்தலில், நகரப் பகுதி மக்களின் ஆதரவு எனக்கு கிடைத்தது. ‘ஃபெல்டா’ பகுதி மக்களின் ஆதரவு தான் எனக்கு கிடைக்கவில்லை” என்று அவர் சொன்னார். 

இம்முறை ஜொகூர் ஜெயா சட்டமன்ற தொகுதியில் குமுதா போட்டியிடக் கூடும் என்று சிலர் கருத்துரைத்துள்ளனர். அத்தொகுதியில் 46 விழுக்காட்டினர் சீனர்கள், 45 விழுக்காட்டு வாக்காளர்கள் மலாய்க்காரர்கள் 8 விழுக்காடு இந்தியர்கள் உள்ளனர் என்பது குறிப்பிடத்தக்கது.

வேட்பாளர்களின் இன, மத பேதத்தைக் கருத்தில் கொண்டு வாக்காளர்கள் தங்களின் வாக்குகளை பதிவுச் செய்யக் கூடாது என்றும் மலேசியா பல்லின மக்கள் வாழும் நாடு என்ற அடிப்படையில், தாம் தேர்ந்தெடுக்கப்பட்டால், தாம் எவ்வித பேதமும் பாராமல் மக்களுக்கு தொண்டு செய்யவிருப்பதாக குமுதா கூறினார். 

“போட்டியிடும் வேட்பாளர்களின் திறனை கருத்தில் கொண்டு வாக்காளர்கள் தங்களின் வாக்குகளை பதிவு செய்ய வேண்டும். அவ்வாறு செய்வதன் வாயிலாக, நாட்டு மக்களுக்கு நன்மை கிட்டும்” என்றார் அவர். 

சட்டத்துறையில் பயின்றுள்ளதால், மக்கள் எதிர்நோக்கும் சட்டச் சிக்கல்களுக்கு தம்மால் இயன்ற உதவியை தம்மால் வழங்க முடியும் என்று குமுதா தெரிவித்துள்ளார்.

 

 

 

 

 

 

 

 

 

 

 

 

 

 

 

கோலாலம்பூர், ஏப்ரல்.11- இந்தியச் சமுதாய மேம்பாட்டிற்காக பிரதமர் டத்தோஶ்ரீ நஜிப்  ஒதுக்கிய நிதிகள் இந்திய மக்களுக்கு நன்மையளித்ததா? என்று ஜ.செ.க. தலைவர்களில் ஒருவரான பினாங்கு மாநில இரண்டாவது துணை முதல்வர் டாக்டர் பி.இராமசாமி கேள்வி எழுப்பினார். 

“மகாதீரைக் காட்டிலும், நஜிப் இந்தியர்களுக்கு கூடுதல் நிதியை ஒதுக்கியுள்ளார் என்ற போதிலும், அந்த நிதி இந்திய மக்களைச் சென்றடைந்து, அவர்களின் வாழ்க்கை மேம்பட வழிவகுத்ததா? என்பது கேள்விக் குறியே!” என்று அவர் அறிக்கை ஒன்றில் கூறினார். 

அரசாங்கத்தால் ஒதுக்கப்பட்ட அந்த நிதிகள், சில இந்திய அமைப்புகளின் வாயிலாக அவர்களுக்கு பகிர்ந்தளிக்கப்படும் என்று கூறப்பட்டது. அந்த நிதிகள் முறையாக பகிர்ந்தளிக்கப் படவில்லை என்று டாக்டர்  இராமசாமி சொன்னார். 

மகாதீர் இந்திய மக்களுக்கு ஒதுக்கீடு வழங்கவில்லை என்று சில தரப்பினர் கூறுகின்றனர். அவரால் வழங்கப்பட்ட ஒதுக்கீடுகள் மக்களிடத்தில் சேர்க்கப்படவில்லை. மஇகாவைச் சேர்ந்த சில தரப்பினர் அந்த ஒதுக்கீடுகளை தங்களின் விருப்பத்திற்கு பயன்படுத்திக் கொண்டதாக இராமசாமி கருத்து தெரிவித்தார்.

மகாதீரால் வழங்கப்பட்ட அந்த ஒதுக்கீடுகள் முறையாக இந்திய மக்களைச் சென்றடைந்திருந்தால், இன்று இந்திய சமுதாயம் பல மேம்பாடு களை கண்டிருக்கும் என்று அவர் சொன்னார்.  

முன்னாள் பிரதமரான துன் மகாதீர், தனது ஆட்சிக் காலத்தின் போது இந்திய மக்களின் நலனில் அக்கறை கொள்ளவில்லை என்றும், அவர்களின் வளர்ச்சிக்கு அவர் ஏதும் செய்யவில்லை என்றும் கூட்டரசு பிரதேச மஇகா தலைவர் டத்தோ எம்.சரவணன் பேசியதற்கு பதிலளிக்கும் வகையில், இராமசாமி அறிக்கை வெளியிட்டுள்ளார். 

கோலாலம்பூர், ஏப்ரல் 11 – வாக்களிப்புத் தினமான மே 9 ஆம் தேதி புதன் கிழமை பொது விடுமுறை விடப்படும் என்று பிரதமர் அலுவலகம் இன்று அறிவித்தது.

மே 9 ஆம் தேதி புதன்கிழமை வாக்களிப்பு தினம் என்று தேர்தல் ஆணையம் அறிவித்தது முதல், வேலை நாளாக இருப்பதால், வாக்களிப்பதில் மக்களுக்கு சிரமம் என்று எதிர்க்கட்சிகள் உள்பட பலதரப்பும் குறை கூறின. 

இந்நிலையில், வாக்களிப்பு அன்று பொது விடுமுறை விடப்படும் என்று பிரதமர் அலுவலகம் அறிவித்துள்ளது. 

More Articles ...