பெட்டாலிங் ஜெயா, மார்ச் 18-     பிரதமர் டத்தோ ஶ்ரீ நஜிப் துன் ரசாக்கிற்கு எதிராக நம்பிக்கையில்லா தீர்மானம் நிறைவேற்றும் படி, அனைத்து   அம்னோ உறுப்பினர்களுக்கும் நாட்டின் முன்னாள்  பிரதமர் துன் டாக்டர் மகாதீர் முகமது கடிதம் அனுப்பியுள்ளார். 

அதே வேளையில், இவ்வாண்டு மீண்டுமொரு கட்சித் தேர்தல் நடத்த தீர்மானம் நிறைவேற்றும்படியும் கேட்டுக்கொண்டுள்ளார். 

"நாம் 14-வது பொதுத்தேர்தல் வரை காத்திருக்க முடியாது.  ஏனெனில், நஜீப் தலைமையிலான அம்னோ  பலத்த தோல்வியைச் சந்திக்கும். அம்னோ தோல்வி கண்டால், மீண்டும் மீளவே முடியாது" என அவர் அக்கடிதத்தில் குறிப்பிட்டுள்ளார். 

  

கோலாலம்பூர், 18 மார்ச்-  தமக்கு எதிராகத் தொடுக்கப்பட்ட வழக்குகள் குறித்து தொடர்ந்து அமைதி காத்து வருவதால் ,   டத்தோ ஶ்ரீ  டாக்டர் சுப்ரமணியம்  அனைத்தையும் ஓப்புக்கொள்வதாக அர்த்தம் கொள்ளப்படும் என  ம.இ.கா-வின் முன்னாள்  பொருளாளர் டத்தோ ஆர். ரமணன் தெரிவித்துள்ளார். 

" தம் மீதான குற்றஞ்சாட்டுகளுக்கும், வழக்குகளுக்கும் போதிய விளக்கம் அளிக்க அவர் முன்வராதவரை,   அவர் குற்றமிழைத்ததால் தான் அமைதியாக இருக்கிறார் என பொருள்படுகிறது" என்றார் ரமணன். 

 அண்மையில்,  டத்தோ ஶ்ரீ டாக்டர் எஸ்.சுப்ரமணியம் தமது அமைச்சர் பதவியைப் பயன்படுத்தி டத்தோ ஶ்ரீ ஜி.பழனிவேலின் அரசியல் வாழ்க்கையை முடிவுக்கட்ட முயற்சி செய்தார் என டத்தோ ஆர்.ரமணன் குற்றம்சாட்டியிருந்தார் என்பது குறிப்பிடத்தக்கது. 

கோலாலம்பூர், மார்ச் 17- முன்னாள் பிரதமர் துன் டாக்டர் மகாதீர் முகமட் வகித்து வந்த பெட்ரோனாஸ் ஆலோசகர் பதவி, அடுத்து யாருக்கு வழங்கப்படும் என்பது கேள்விக் குறியாக உள்ளது.

 

அப்பதவிக்கான பெயர் பட்டியலில் முன்னாள் பிரதமர் துன் அப்துல்லா அமாட் படாவி மற்றும்  முன்னாள் நிதி அமைச்சர் துங்கு ரசாலி ஹம்சா ஆகியோரும் இடம்பெற்று இருப்பது குறிப்பிடத்தக்கது.

 

பிரதமர் பதவியிலிருந்து நஜிப் விலக வேண்டும் என்ற கோரிக்கையின் பேரில், டாக்டர் மகாதீர் தலைமையில்  பிரஜைகளின் பிரகடனம் செய்யப்பட்டதைத் தொடர்ந்து அமைச்சரவை அவரை பெட்ரோனாசின் ஆலோசகர் பதவியிலிருந்து நீக்கியது.

 

பெட்ரோனாஸ் ஆலோசகர் பதவி, முன்னாள் பிரதமர்களுக்கு வழங்கப்படுவது வழக்கம். அதையும் ஏன் அரசியலாக்க வேண்டும்? அந்தப் பதவி அவர்களுக்கு தரப்படும் ஓர் உயரிய மரியாதைஎன்று ஜொகூர் எம்.பியான டான்ஶ்ரீ ஷாரிர் சமாட் வினவினார்.

 

வானளாவிய நிலையில் உயர்ந்து நிற்கும் பெட்ரோனாசின் இரட்டைக் கோபுர கட்டிடத்தில், அதன் ஆலோசகருக்கான அலுவலகம் அமைந்திருப்பது இப்பதவிக்குரிய ஒரு பெருமையெனக் கருதப்படுகிறது.

 

அண்மைய காலமாக, பிரதமர் நஜிப் பற்றிய சர்ச்சைகளுக்கு இடையே, அம்னோவின் மூத்தத் தலைவரான துங்கு ரசாலி, பிரதமருக்கு தமது  ஆதரவை தெரிவித்து வந்துள்ளார் என்பது குறிப்பிடத்தக்கது. இதுவே அவர் பெட்ரோனாசின் ஆலோசகர் பதவியை பெற அதிக வாய்ப்பை ஏற்படுத்தியுள்ளது என்றும் பரலவலாகக் கருதப்படுகிறது.

 

 

  

 

 

  

 

கோலாலம்பூர்,  மார்ச் 16-  2.6 பில்லியன் ரிங்கிட் தொடர்பில் இனி மக்களவையில் கேள்வி எழுப்ப முடியாது  என பிரதமர் துறை அமைச்சர்  டத்தோ ஶ்ரீ அசாலினா ஒத்மான் தெரிவித்தார். 

அட்டர்னி ஜெனரல் முகமது அபாண்டி அலிக்கு எதிராக வழக்கறிஞர் மன்றம்  வழக்கு தொடர்ந்துள்ளதால், நீதிக்குப் பாதகமாக அமையும் என அமைச்சர் தெரிவித்தார். 

நஜீப் துன் ரசாக்கை  2.6 பில்லியன் ரிங்கிட் மற்றும் 42 மில்லியன் எ.ஆர்.சி  இண்டர்நெஷனல் விவகாரங்களிலிருந்து விடுவிப்பதாக  அறிவித்த அட்டர்னி ஜெனரலின் முடிவுக்கு  எதிராக வழக்கறிஞர் மன்றம் நீதிமன்ற ஆய்வுக்கு மனு செய்துள்ளது குறிப்பிடத்தக்கது. 

கோலாலம்பூர்,  16 மார்ச் -  மலாயாப் பல்கலைக்கழகத்தில் ஏற்பாடு செய்யப்பட்டிருந்த நாட்டின் முன்னாள் பிரதமர் துன் டாக்டர் மகாதீர் முகமதுவின் உரை நிகழ்வொன்று ரத்து செய்யப்பட்டுள்ளது. 

 மலாயாப் பல்கலைக்கழகத்தின் மாணவர் மன்றம் இந்நிகழ்வை ஏற்பாடு செய்வதிலிருந்து மீட்டுக்கொண்டதாக   மலாயாப் பல்கலைக்கழகத்தின் முஸ்லிம் மாணவர் மன்றத் தலைவர் சுஹாயில் வான் அன்வார் தெரிவித்தார். 

"இணை ஏற்பாட்டாளரான எங்களிடம் எவ்வித தகவலும் தெரிவிக்காமல் பல்கலைக்கழக மாணவர் மன்றம் இந்நிகழ்வை மீட்டுக்கொண்டது, மகாதீரின் உதவியாளர் மேற்கொண்ட தொலைப்பேசி அழைப்பின் போது தெரிய வந்தது" என அவர் தெரிவித்தார். 

கோலாலம்பூர், மார்ச் 15- ‘மலேசியாவை காப்பாற்றுவோம்எனும் பெயரில், மார்ச் 28ஆம் தேதி பிரசார இயக்கத்தை நாடுதழுவிய அளவில் மேற்கொள்வதற்கு பக்காத்தான் ஹரப்பான் கூட்டணி முடிவு செய்துள்ளது.

 

இந்தப் பிரசார இயக்கத்தின் தொடக்கமாக, அம்பாங் ஜெயா மாநகர மன்றத்திடலில் இந்நிகழ்ச்சி நடைபெறவுள்ளது என்று அமானா நெகாரா கட்சியின் தலைவரான மாட் சாபு, செய்தியாளர்களிடம் தெரிவித்தார்.

 

இந்நிகழ்வில், அரசியல் தலைவர்கள் மற்றும் சமூக ஆர்வலர்களின் உரைகளுடன் பல்வேறு நிகழ்வுகளும் இடம்பெறவுள்ளனஎன்று அவர் கூறினார்.

 

அதுமட்டுமின்றி, இந்நிகழ்வில், முன்னாள் பிரதமர் துன் டாக்டர் மகாதீர் முகமட், முன்னாள் துணைப் பிரதமர் டான்ஶ்ரீ மொகிதின் யாசின் மற்றும் அம்னோவின் முன்னாள் உதவித் தலைவர் டத்தோஶ்ரீ ஷாபி அப்டல் ஆகியோர் கலந்து கொள்வர்என்றார் அவர்.

 

டத்தோஶ்ரீ அன்வார் இப்ராகிம் விடுவிக்கப்பட வேண்டும், டத்தோஶ்ரீ நஜிப், பிரதமர் பதவிபிலிருந்து விலக வேண்டும் என்ற கோரிக்கையின் கீழ் இந்தப் பிரசார இயக்கம் தொடங்கப்பட்டுள்ளதுஎன்று மாட் சாபு சொன்னார்.

 

இதனை அடுத்து, ஜொகூர் கெலாங் பத்தாவில் ஏப்ரல் 16ஆம் தேதியும் கெடாவில் மே 7ஆம் தேதியும் இந்தப் பிரசார இயக்கம் நடத்தப்படும் என்று அவர் கூறினார்.

 

 

 

 

கூச்சிங், 15 மார்ச் -   பிரதமர் ஒரு ஈபானிய பெண்ணை மனைவியாக்கிக் கொள்ள வேண்டும் என தாம் கூறியது,  யாரையேனும் மனதைப் புண்படுத்தியிருந்தால் தாம் அதற்காக மன்னிப்பு கேட்டுக்கொள்வதாக டான் ஶ்ரீ அட்னான் சாத்தெம்  தெரிவித்துள்ளார்.  தாம் அதனை ஒரு நகைச்சுவையாகத் தான் கூறினேன். மாறாக எந்தவொரு உள்நோக்கத்துடனும் கூறவில்லை என சரவாக் மாநில முதலமைச்சருமான டான் ஶ்ரீ அட்னான் சாத்தேம்  தெரிவித்தார். 

"ஆனால், நான் கூறிய இக்கருத்து யாருக்காவது   தவறாகப் பட்டால், அதற்காக  நான் மன்னிப்பும் வருத்தமும் தெரிவித்துக்கொள்கிறேன் என அவர் தெரிவித்தார். 

முன்னதாக, கடந்த சனிக்கிழமை நடைபெற்ற    இலக்கவியல் நாடாக மலேசியாவை மாற்றுவோம் என்ற நிகழ்ச்சியின் தொடக்க விழாவில்  அட்னான் நகைச்சுவையாக பிரதமர் நஜீப் ஒரு ஈபானிய பெண்ணை மனைவியாக்கிக் கொள்ள வேண்டும் என கூறியிருந்தார் என்பது குறிப்பிடத்தக்கது. 

 

More Articles ...