பாங்கி, மே 12- சிறைத் தண்டனை அனுபவித்திருக்கும் டத்தோஶ்ரீ அன்வார், நேற்றிரவு உயிரிழந்த தமது தங்கையின் இறுதி சடங்கில் கலந்து கொண்டார்.

இரத்த அழுத்தினால் மருத்துவமனையில் உயிரிழந்த அவரது தங்கையின் நல்லுடல், சிலாங்கூர் பாங்கியில் உள்ள அவரது வீட்டுக்கு கொண்டுவரப்பட்டது. இன்று காலை நடைபெற்ற அவரது இறுதி சடங்கில் டத்தோஶ்ரீ அன்வார் கலந்து கொண்டார். 

“தமது பாசத்திற்குரியவர்களின் மரணத் தருவாயில் கூட, அவரால் அருகில் இருந்து அவர்களை அரவணைக்க முடியவில்லை. சிறை கம்பிகளின் பின்னால் இருக்கும்போது அவர்களை இழப்பது, மிகவும் வேதனையான விஷயம்” என்று  உறுக்கத்துடன் அன்வாரின் துணைவியார் டத்தோஶ்ரீ வான் அசிசா தமது முகநூலில் சில படங்களுடன் வெளியிட்டுள்ளார் 

கோலாலம்பூர், மே 10- அரசியல் கருத்து வேறுபாடுகளின் தொடர்பில் மஇகாவுக்கு எதிராக அவதூறு பரப்பி வருபவர்களை மஇகாவின் உதவித் தலைவர் டத்தோ டி.மோகன் சாடினார்.

குறிப்பாக, ரமணனும் ஏ.கே.ராமலிங்கமும் அவதூறுகளைப் பரப்புகின்றனர்.  சிவசுப்பிரமணியம்  மருத்துவமனையில் இருந்தபோது அவரை நேரில் சந்தித்து மிரட்டியதாக கூறுவது அப்பட்டமான பொய். நானும் என் மனைவியும் மஇகா கிளைத் தலைவர் ஒருவரும் என மூன்று பேர் மட்டுமே சிவசுப்பிரமணியத்தை சந்தித்து நலம் விசாரித்தோம். அதுவும் அன்றைய தினம் வரையில் அவர் எனக்கு நண்பராக இருந்துள்ளார் என்பதால் தான் என்று செய்தியாளர்களிடம் டி.மோகன் சொன்னார். 

டத்தோஶ்ரீ டாக்டர் சுப்ரமணியத்திற்கு எதிராக. பேசுவதற்கு எதுவும் இல்லாத நிலயில் சின்னப் பிள்ளைகள் வம்புக்கிழுப்பதைப் போல வேண்டு மென்றே இவர்கள் அவதூறு செய்வதில் ஈடுபட்டுள்ளனர். 

எனக்குப் பதவி ஆசை என்கிறார்கள். செனட்டர் பதவி, துணையமைச்சர் பதவி என்பதெல்லாம் எனக்குப் பெரிது அல்ல என்பது என்னை அறிந்தவர்களுக்குத் தெரியும். இந்திய சமுதாய நலன்களுக்குச் சம்பந்தமே இல்லாத,- இந்திய சமுதாயத்திற்காக எதுவுமே செய்திராத  ரமணன் போன்றவர்கள் யாருக்கும் பயனில்லை என்று டி.மோகன் சொன்னார்.

இதனிடையே சிலாங்கூர் மாநில அரசாங்கத்தால் கம்போங் ஸ்ரீ அமானில் வீடுகள் உடைக்கப்பட்டதன்  தொடர்பில் கருத்துரைத்த  டி.மோகன், மாநில அரசாங்கத்தை சாடினார். பக்காத்தான் அரசாங்கம் இந்தியர்களை ஓரங்கட்டி வருகிறது. இந்தியர்களுக்குப் பாதிப்பு வரும் போது மட்டும்  பக்கத்தான் இந்தியத் தலைவர்கள்  ஓடி ஒளிவது ஏன்? என்று அவர் கேள்வி எழுப்பினார்.

புத்ராஜெயா, மே 10- சுங்கை பெசார் (சிலாங்கூர்) மற்றும் கோலக் கங்சார் (பேரா) ஆகிய இரு நாடாளுமன்றத் தொகுதிகளிலும் இடைத் தேர்தல் களை நடத்துவது தொடர்பாக வெள்ளிக் கிழமையன்று தேர்தல் ஆணையம் கூடி விவாதிக்க உள்ளது.

இவ்விரு தொகுதிகளும் காலியாக உள்ளன என நாடாளுமன்ற சபாநாயகர் பண்டிக்கார் அமின் மூலியா, தேர்தல் ஆணையத்திடம் அறிவித்திருக் கிறார் என்று ஆணையத்தின் அறிக்கை ஒன்று கூறியது.

அண்மையில் சரவாவில் நடந்த ஹெலிகாப்டர் விபத்தில் சுங்கை பெசார் தொகுதி எம்.பி.யும் துணையமைச்சருமான டத்தோ நோரியா மற்றும் கோலக் கங்சார் எம்.பி.யான வான் முகமட் கைரிலும் உயிரிழந்ததைத் தொடர்ந்து இந்தத் தொகுதிகள் காலியாகியுள்ளன.

புத்ரா ஜெயாவில் வெள்ளியன்று நடக்கவிருக்கும் தேர்தல் ஆணையத்தின் கூட்டத்திற்கு அதன் தலைவர் முகமட் ஹாசிம் அப்துல்லா தலைமை ஏற்பார். குறிப்பிட்ட அவ்விரு தொகுதிகளுக்குமான வேட்பு மனுத்தாக்கல் மற்றும் வாக்களிப்பு நாள் குறித்து விவாதிக்கப்படும் என அந்த அறிக்கை தெரிவித்தது.

கடந்த பொதுத் தேர்தலின்போது இவ்விரு தொகுதிகளிலும் பாஸ் கட்சி வேட்பாளர்கள் தேசிய முன்னணியிடம் குறுகிய வாக்குகள் வித்தியாசத்தில் தோல்விகண்டனர். சுங்கை பெசாரில் 399 வாக்குகள் வித்தியாசத்தில் டத்தோ நோரியாவும் கோலக் கங்சாரில் 1,082 வாக்குகள் வித்தியாசத்தில் வான் முகமட் கைரிலும் வென்றனர்.

 

 

கோலாலும்பூர், மே 10- சமுகநல உதவி ஈட்டும் சில முதிய பெற்றோர்களின்  பிள்ளைகள் அவர்களை சரியாக பராமரிப்பதில்லை என்று மகளிர் மற்றும் சமுக மேம்பாட்டு துறையமைச்சர் டத்தின் படுக்கா சியு மெய் பான் கூறினார்.

இன்றைய காலக்கட்டத்தில் பிள்ளைகள், தங்களின் பெற்றோர்களை சரியாகக் கவனித்துக் கொள்வதில்லை என அவர் சொன்னார். பெற்றோர்களைப் பராமரிப்பதில் பிள்ளைகளுக்கு அதிகமான பொறுப்புணர்வு இருக்க வேண்டும் என்பதை நாம் வலியுறுத்த வேண்டும் என்று அவர் தெரிவித்தார்.

அவர்களில் பலருக்கு, நிதி உதவி வழங்கப்பட்டிருந்தாலும், சிலர் வறுமையின் கோட்டின் கீழ் இல்லாத காரணத்தினால் அவர்களின் நிதி விண்ணப்பங்கள் ஏற்கப்படவில்லை என்று அவர் சொன்னார்.

இவர்களில் பலர் தங்களின் சிகிச்சைக் கட்டணங்களை கட்ட இயலாதவர்களாக இருக்கின்றனர். சில நேரத்தில் அவசரச் சிகிச்சைக்கான கருவிகள், மருந்துகள் அல்லது சக்கர நாற்காலிகளை பெறுவதற்குக் கூட இன்னும் சிலர் வழி இல்லாமல் இருக்கின்றனர், என்று யுகேம் மருத்துவத்துறையின் மருத்துவர் கூறினார். 

 

     

 

கோலாலம்பூர், மே 10- இன்றைய இளைஞர்கள் நாளைய தலைவர்கள். ஆனால், நாட்டில் 4 லட்சம் இளைஞர்கள் வாக்காளர்களாக பதிவு செய்து கொள்ளாமல் இருக்கிறார்கள்.

கூடிய விரைவில், நாட்டில் 14ஆவது பொதுத் தேர்தல் நடக்கவிருப்பதை முன்னிட்டு நடத்தப்பட்ட முன் ஏற்பாட்டு கூட்டத்தில் மஇகா இளைஞர் பிரிவுத் தலைவர் ச. சிவராஜா இவ்வாறு தெரிவித்தார்.

“இத்தேர்தலுக்கு ஆயத்தமாக இருக்க வேண்டிய கட்டாயத்தில் உள்ளோம். இவ்வகையான முன்னேற்பாடுகளால், இறுதி கட்டத்தில் எந்த ஒரு சிக்கல்களையும் எதிர்நோக்க வேண்டியிருக்காது” என்று அவர் விளக்கினார். 

மஇகா இளைஞர் பிரிவினர் மாவட்ட ரீதியில் உள்ள மக்களை சந்திப்பதுடன் அவர்களுக்கு தேவையான உதவிகளையும் வழங்க முயற்சி செய்து வருகிறோம். குறிப்பாக, வாக்காளர்களாக பதிவு செய்யாமல் இருக்கும் இளைஞர்களைச் சென்றடைவதே  எங்களின் முதல் நோக்கமாகும். எப்படியாவது அவர்களை வாக்காளர்களாக பதிவு செய்யவதற்கான நடவடிக்கையை தாங்கள் மேற்கொள்ளவிருப்பதாக அவர் மேலும் கூறினார்.

1000 தொழில் முனைவர்களை உருவாக்கும் முயற்சியின் தொடக்கமாக, மஇகா இளைஞர் பிரிவு இதுவரை, 30 லட்சம் ரிங்கிட் வர்த்தக கடன் பெற இளைஞர்களுக்கு உதவியுள்ளது. இது பலர், தங்களின் வர்த்தகத்தை வலுப்படுத்திக்கொள்ள இது பலருக்கு பெரிதும் உதவியுள்ளது என்று அவர் அக்கூட்டத்தில் கூறினார்.

பெட்டாலிங் ஜெயா,  மே 10-  கடந்த வியாழக்கிழமை நிகழ்ந்த ஹெலிகாப்டர் விபத்தில்  இரண்டு நாடாளுமன்ற உறுப்பினர்கள் காலமானதால் சம்பந்தப்பட்ட   தொகுதிகளில்  இடைத்தேர்தல் நடத்தப்படும் சூழல் ஏற்பட்டுள்ளது.  இதனைத் தொடர்ந்து,  காலியான சுங்கை பெசார் மற்றும்  கோல கங்சார் நாடாளுமன்றத் தொகுதிகளில்   தேசிய முன்னணிக்கும் பாஸ் கட்சிக்கும் நேரடி போட்டி நிலவும் என எதிர்ப்பார்க்கப்படுகிறது. 

  கடந்த வியாழனன்று, சரவாக்கில் பேட்டோங்கிலிருந்து கூச்சிங் சென்ற ஹெலிகாப்டர்  விபத்துக்குள்ளானதில் சுங்கை பெசார் நாடாளுமன்ற உறுப்பினரும் தோட்டத்தொழில் மற்றும் மூலப்பொருள் துணையமைச்சருமான  டத்தோ நோரியா காஸ்னோன் மற்றும் கோலகங்சார் நாடாளுமன்ற உறுப்பினருமான  வான் முகமது கைரில் அனுவார் வான் அஹ்மாட் உட்பட 6 பேர் பலியாகினர் என்பது குறிப்பிடத்தக்கது. 

 

பெட்டாலிங் ஜெயா, மே 10-  பி.கே.ஆர் கட்சித் தலைவர் டத்தோ ஶ்ரீ அன்வார் இப்ராஹிம்   உயர் ரத்த அழுத்தம் காரணமாக  மருத்துவமனைக்குக் கொண்டு செல்லப்பட்டதாக, அவரது வழக்கறிஞர்   ஆர்.சிவராசா  தெரிவித்தார். 

 தம் மீதான இரண்டாவது ஓரினப் புணர்ச்சி வழக்கில் ஐந்தாண்டுகள் சிறைதண்டனை பெற்று சுங்கை பூலோ சிறைச்சாலையில் தண்டனை அனுபவித்து வரும் டத்தோ ஶ்ரீ அன்வார் இப்ராஹிம் தமது உடல் நிலை  மோசமடைந்து வருவதாலும், சிறையில் அவருக்குப் போதுமான மருத்துவ உதவி கிடைக்காததாலும் வீட்டுக்காவலில் தம்மை வைக்குமாறு  தமது வழக்கறிஞர் மூலம் தொடர்ந்து கோரிக்கை விடுத்து வந்தார் என்பது குறிப்பிடத்தக்கது. 

மேலும் செய்திகள் விரைவில்... 

More Articles ...