ஜொகூர் சுல்தானை விமர்சித்த சமயப் போதகர் கைது..!

சமூகம்
Typography

கோலாலம்பூர், அக்.11- முஸ்லிம்களுக்கு மட்டும்" என்ற அறிவிப்புப் பலகை ஒன்றை ஜொகூரிலுள்ள சலவை மையம் வைத்திருந்ததை ஜொகூர் சுல்தான் கண்டித்திருந்தது குறித்து விமர்சனம் செய்த சமயப் போதகர் ஷாமிஹான் மாட் ஜின் என்பவர் கைது செய்யப்பட்டார்.

இன்று பிற்பகலில் டாங் வாங்கி மாவட்ட போலீஸ் தலைமையகத்தில் சமயப் போதகர் ஷாமிஹான் கைது செய்யப்பட்டார் என்பதை புக்கிட் அமான் குற்றப் புலனாய்வுத் துறை இயக்குநர் வான் அகமட் நஜ்முடின் உறுதிப்படுத்தினார்.

இந்தச் சமயப் போதகருக்கு எதிராக நிந்தனைச் சட்டத்தின் கீழும் தொலைத் தொடர்பு, பல்லூடகச் சட்டத்தின் கீழும் விசாரணை நடத்தப்படும் என்றார் அவர். மேல்விசாரணைக்காக மேற்கொண்டு இவரைத் தடுத்து வைக்க நாளை நீதிமன்ற அனுமதியும் பெறப்படும் என்றார் நஜ்முடின்.  

BLOG COMMENTS POWERED BY DISQUS