'கேங்க் ஜிம்மி' - பள்ளிகளில் கொள்ளையிடும் குண்டர் கும்பல்  முறியடிப்பு! 6 பேர் கைது!

சமூகம்
Typography

ஈப்போ, மார்ச் 22: பள்ளிக்குள் புகுந்து திருடி வந்த   கேங் ஜிம்மி என்ற குண்டர் கும்பலைச் சேர்ந்த  இரண்டு பெண்கள் உள்பட 22 முதல் 33 வயது டைய அறுவர் கும்பலை போலீசார் முறியடித்தனர்.

கடந்த 14 மார்ச் போலீசார் 26 வயதுடைய ஒருவனை, தங்கு விடுதியில் கைது செய்தனர் என்று துணை ஆணையர் யாஹ்யா அப்துல் ரஹ்மான் கூறினார்.

அந்தக் கும்பலிடமிருந்து கைப்பேசிகள், மடிக்கணினிகள், கேமரா ஆகியவற்றைப் போலீசார் கைப்பற்றினர். பள்ளிகளின் பின் கதவுகளை உடைத்து உள்ளே நுழைந்து விலைமதிப்புமிக்க பொருளை இந்தக் கும்பல் கொள்ளையடித்து வந்துள்ளது என்று அவர் குறிப்பிட்டார்.

அனைத்து சந்தேக நபர்களும் இவ்வார இறுதி வரை விசாரணைக்காக தடுத்து வைக்கப்பட்டுள்ளதாக  ஈப்போ மாவட்ட போலீஸ் தலைமையகத்தில் (ஐபிடி) நடந்த பத்திரிக்கையாளர் சந்திப்பின் போது  அவர் சொன்னார்.

இதனிடையே  'கேங்க் வியோஸ் வைட்' என்ற குண்டர் கும்பல் சேர்ந்த இரண்டு வியட்நாமிய பெண்கள் உட்பட 27 முதல் 55 வயதுக்குட்பட்ட ஏழு சந்தேக நபர்களையும் கைது செய்தனர் என்று யாஹ்யா சொன்னார்.

BLOG COMMENTS POWERED BY DISQUS