டோயோட்டா ஹைலக்ஸ் வாகனக் கொள்ளை: நால்வருக்கு எதிராக போலீஸ் வேட்டை!

சமூகம்
Typography

காஜாங், மார்ச் 21- காஜாங் வட்டாரத்தில் டோயொட்டா ஹைலக்ஸ் வாகனங்களைக் குறித்து வைத்து வாகனங்களைத் திருடி வந்த கும்பலுக்கு எதிராக போலீசார் தீவிர வேட்டையைத் தொடங்கியுள்ளனர்.

சுங்கை லோங் மற்றும் பண்டார் செராஸ் ஆகிய பகுதிகளில் கடந்த பிப்ரவரி மாதக் கடைசியில் இத்தகைய 5 வாகனத்தைத் திருட்டுக்களில் நால்வர் கொண்ட இந்தக் கும்பல் ஈடுபட்டுள்ளது என்று காஜாங் ஓசிபிடி துணை ஆணையர் அகமட் ஷஃபிர் முகம்மட் யுசோப் தெரிவித்தார்.

பெட்ரோல் நிலையங்களிலோ அல்லது சாலைகளிலோ டோயோட்டா ஹைலக்ஸ் வாகனங்களைக் குறி வைத்து ஓட்டுனர்களை மடக்கி இந்தக் கும்பல் வாகனங்களை அபகரித்து வந்துள்ளது.

இந்தக் கும்பல் வெட்டுக் கத்திகளைப் பயன்படுத்தி, இந்தக் கொள்ளைகளை நடத்தி வந்தது என்பதோடு, இந்தக் கும்பல் பற்றிய முக்கியத் தடயங்கள் கிடைத்திருப்பதாகவும் அவர் சொன்னார்.

இந்தக் கும்பலைச் சேர்ந்த நால்வர், வாகனத் திருட்டு முயற்சியில் ஈடுபட்டிருந்த போது எடுக்கப்பட்டதாகக் கூறப்படும் காணொளி மற்றும் படங்கள் சமூக வலைத்தலங்களில் பரவி இருப்பது குறித்து கருத்துரைத்த போது, காஜாங் ஓசிபிடி அகமட் ஷஃபிர் மேற்கண்டத் தகவலைத் தெரிவித்தார்.

BLOG COMMENTS POWERED BY DISQUS