இடைநிலைப்பள்ளி முன் ’கேங் 24’ அராஜகம்: 18 குண்டர்கள் கைது

சமூகம்
Typography

கோலாலம்பூர், ஏப்ரல் 21- இடைநிலைப்பள்ளியின் முன் மோட்டார் சைக்கிள்களைக் கொண்டு அராஜகம் புரிந்தவர்களில் 18 பேர் போலீஸ் சிறப்புக் குழு STAFFOC-இன் அதிரடி நடவடிக்கையினால் கைது செய்யப்பட்டனர். அதில் 13 பேர் மாணவர்கள் என்றும் 5 பேர் பள்ளியிலிருந்து நிருத்தப்பட்டவர்கள் என்று போலீஸ் தரப்பு கூறியது.

பள்ளியின் முன் ’24’ குண்டர் கும்பல் பதாகைகளைப் பிடித்துக் கொண்டு மோட்டார் சைக்கிள்களைக் கொண்டு அராஜகம் செய்த இந்த கும்பலின் காணொளி ஒன்று சமூக வலைதளங்களில் பரவியதைத் தொடர்ந்து போலீசார் அவர்களைக் கைது செய்தனர்.

கிள்ளான் ஶ்ரீ அண்டாலாஸ் பள்ளிக்கு முன் இந்த தகாத செயலைப் புரிந்த அவர்களை, கிள்ளான் சுற்றுவட்டாரத்தில் போலீசார் கைது செய்தனர். இதனைத் தொடர்ந்து ’24’ குண்டர் கும்பலைச் சேர்ந்த இன்னும் பலரைப் போலீசார் கைது செய்வர் என்று போலீஸ் ஐஜிபி காலிட் தனது டிவிட்டரில் பதிவேற்றம் செய்தார். 

பள்ளி மாணவர்களைக் குண்டர் கும்பல் உறுப்பினர்கள் தங்கள் கும்பலில் சேர்த்துக் கொள்வதைத் தடுக்க போலீஸ் இன்னும் பல முயற்சிகளையும் எடுக்கும் என்று அவர் சொன்னார்.

BLOG COMMENTS POWERED BY DISQUS