ஜாகிர் நாயக் விவகாரம்: சுப்ராவின் கருத்துக்கு பாஸ் கட்சி எதிர்ப்பு!

சமூகம்
Typography

கோலாலம்பூர், ஏப்ரல்,21- சர்ச்சைக்குரிய இஸ்லாமிய போதகர் ஜாகிர் நாயக்கிற்கு நிரந்தர வசிப்பிட அந்தஸ்து (பிஆர்) வழங்கியது குறித்து சுகாதார அமைச்சராக இருக்கும் டத்தோஶ்ரீ டாக்டர் சுப்ரமணியம் கேள்வி எழுப்பும் பொறுப்பில் இல்லை என்று பாஸ் கட்சி கூறியது.

இஸ்லாமிய உலகில் ஜாகிர் மிகவும் மதிக்கத்தக்கவர் என்று பாஸ் கட்சியின் தகவல் பிரிவு தலைவரான நசுருடின் ஹசான் சொன்னார்.

ஒருவருக்கு பிஆர் அந்தஸ்து தரப்படுகிறது என்றால் அதற்கான வழிமுறை என்ன என்பதை அமைச்சர் என்ற முறை டாக்டர் சுப்ரமணியத்திற்கு தெரிந்திருக்க வேண்டும்.

பிஆர் அந்தஸ்து வழங்குவது என்பது ஒரு தனிநபரின் உரிமையல்ல. திறமைவாய்ந்த வெளிநாட்டவர்களுக்கு மலேசிய அரசாங்கம் வழங்கும் வெகுமதி அது என்று நசுருடின் சொன்னார்.

இந்தத் தகுதியை வழங்குவதில் அரசாங்க துறைகள், உள்துறை அமைச்சு, போலீஸ் படை, தேசிய பதிவு இலாகா மற்றும் குடிநுழைவுத்துறை ஆகியவை சம்பந்தப்பட்டுள்ளன. ஜாகிர் நாயக்கை பயங்கரவாதத்துடன் சம்பந்தப்படுத்துவதும் நாட்டின் சமய நல்லிணக்கத்திற்கு அவரால் ஆபத்து வரும் என்றும் அடிப்படையற்ற குற்றச்சாட்டுக்களை சுப்ரமணியம் கூறியிருக்கிறார் என்று அவர் தெரிவித்தார்.

 

BLOG COMMENTS POWERED BY DISQUS