கோலாலம்பூர், ஏப்ரல்.11- மோட்டார் சைக்கிளோட்டிகளுக்கு புத்ராஜெயா அம்னோ இளைஞர் பிரிவினர் இலவசப் பெட்ரோலை வழங்கியது தேர்தல் தந்திரம் இல்லை என்று புத்ராஜெயா அம்னோ இளைஞர் பிரிவுத் தலைவர் அகமட் ஃபைசால் அப்துல் கரீம் கூறினார். 

''கடந்தாண்டு தொடக்கத்திலிருந்து மக்களின் சுமையை குறைக்கும் நோக்கத்தில் புத்ராஜெயா அம்னோ இளைஞர் பிரிவினர் இலவச பெட்ரோல் திட்டத்தை அமல் படுத்தி வருகிறோம். 14-ஆவது பொதுத் தேர்தலில் மக்களின் ஆதரவை எங்கள் பக்கம் திரட்டுவதற்கான நோக்கத்தில் நாங்கள் இதைச் செய்கிறோம் என்று சில தரப்பினர் கூறுவது அடிப்படையற்றது'' என்றார் அவர். 

“எதிர்கட்சியினர் ஒரு திட்டத்தை அறிமுகப்படுத்தி விட்டு, அதன் பின்னர் காணாமல் போய்விடுவார்கள். நாங்கள் அப்படி இல்லை. நாங்கள் இத்திட்டத்தை ஒவ்வொரு மாதமும் செயல் படுத்தி வருகிறோம்” என்று அகமட் ஃபைசால் சொன்னார். 

இத்திட்டத்தை அமல்படுத்தும் வகையில், புத்ராஜெயா அம்னோ இளைஞர் பிரிவினர் ரிம.3,000 செலவிட்டுள்ளதாகவும், அதன் வாயிலாக 300 மோட்டார் சைக்கிளோட்டிகள் நன்மை அடைந்துள்ளதாகவும் அவர் தெரிவித்தார். 

“தொடக்கத்தில், ஒரு மோட்டார் சைக்கிளுக்கு ரிம.5 மதிப்புக் கொண்ட பெட்ரோலை இலவசமாக நாங்கள் வழங்கி வந்தோம். ஆனால், புத்ராஜெயா நாடாளுமன்ற உறுப்பினர் டத்தோஶ்ரீ தெங்கு அட்னான், வழங்கப்படும் அந்த இலவச பெட்ரோல் மக்களுக்கு போதாது என்று கூறினார்.

“ஆதலால், இத்திட்டத்தில் பங்கெடுக்கும் மோட்டார் சைக்கிளோட்டிகளின் மோட்டார் டாங்க் நிரம்பும் வரை நாங்கள் பெட்ரோல் வழங்குகிறோம்” என்று அவர் 

 

ஈப்போ, ஏப்ரல்.11 – முதியவர்களிடம் கொள்ளையடித்து வந்த இரு கொள்ளையர்களை போலிசார் கைது செய்தனர். சுமார் 42 வயது மற்றும் 56 வயதுடைய அந்தக் கொள்ளையர்கள் இருவேறு இடங்களில் கைதாயினர். 

மெங்களம்புவில் உள்ள ஒரு வீட்டில் முதல் சந்தேகப் பேர்வழி கைது செய்யப்பட்டான்.  அவனிடம் விசாரணை மேற்கொண்ட ஈப்போ போலிசார் மற்றொரு கொள்ளையனை சுங்கை சிப்புட்டில் கைது செய்தனர். 

கடந்த 5 ஆம் தேதி, தாமான் ஈப்போ ஜெயாவில் வயதான தம்பதிகளிடம் கொள்ளையடித்த சம்பவத்தில் முதல் சந்தேகப் பேர்வழி சம்பந்தப்பட்டிருப்பதாக போலிஸ் படைத் தலைவர் முகம்மட் அலி சொன்னார்.

இவர்களுடன், சம்பந்தப்பட்ட மேலும் சிலரைப் போலீசார் தேடி வருகின்றனர். கைது செய்யப்பட்ட நபர்களிடமிருந்து தங்கச் சங்கிலிகள், 8 கைத்தொலைப்பேசிகள், ரொக்கம் மற்றும் பல்வேறு வகையான மதுபான போத்தல்கள் ஆகியவை மீட்கப்பட்டன என்று முகம்மட் அலி சொன்னார். 

கோலாலம்பூர், ஏப்ரல்.11- சிலாங்கூர் மாநிலத்தில் தங்களின் சுயநலத்திற்காக போலியான ‘டத்தோ’விருதுகளை பயன்படுத்தி, மோசடிகளில் ஈடுபடும் நபர்கள் மீது போலீஸ் கடுமையான நடவடிக்கையை எடுக்கும் என்று ஆணையர் டத்தோ மஸ்லான் மன்சூர் கூறினார். 

‘டத்தோ’ மற்றும் ‘டத்தோஶ்ரீ’ விருதுகளை தங்களின் இஷ்டத்திற்கு  சொந்தமாக போட்டுக் கொள்வது அரச குடும்பத்தை அவமதிப்பதற்கு ஈடாகும் என்று சிலாங்கூர் மாநில போலீஸ் தலைவரான மஸ்லான் சொன்னார். 

''இந்த போலியான ‘டத்தோ’ மற்றும் ‘டத்தோஶ்ரீ’ விருதுகளை பயன்படுத்துவர்கள் மீது வழக்குகள் தொடரப்பட்டுள்ளன.

 அண்மையில், 64 வயதுடைய ஆடவர் ஒருவர், சிலாங்கூர் அரண்மனை தன்னை அரச செயலாளராக நியமித்துள்ளது என்று போலியான கடிதத்தை மக்களிடம் காண்பித்து அவர்களை ஏமாற்றி வந்தார் என்றும் புகார் கொடுக்கப்பட்டுள்ளது'' என்றார் அவர்.

''அரச குடும்பத்திற்கும், நாட்டு மக்களுக்கும் பாதகமாக அமையும் இவர்களின் செயல்களை மன்னிக்க முடியாது'' என்று மஸ்லான் சொன்னார்.   

அந்த 64 வயது ஆடவரிடம் போலீஸ் விசாரணை மேற்கொண்டதாகவும், அது குறித்து என்ன நடவடிக்கை எடுக்க வேண்டும் என்று அட்டர்னி ஜெனரல் தெரிவிக்கும் வரை தாங்கள் காத்திருக்கப் போவதாக அவர் கூறினார்.  

போலியான விருதுகளை உபயோகித்து மக்களை ஏமாற்றும் நபர்கள் மீது குற்றவியல் சட்டம் 471-ஆவது பிரிவின் கீழ் நடவடிக்கை எடுக்கப்படும் என்று குறிப்பிட்டார். 

 

கோலாலம்பூர், ஏப்ரல்.10- நாட்டின் 14-ஆவது பொதுத் தேர்தல் மே மாதம் 9-ஆம் தேதியன்று நடத்தப்படும் என்று தேர்தல் ஆணையம் அறிவித்ததைத் தொடர்ந்து, அன்றைய தினத்தில் விமான பயணத்தை மேற்கொள்ளவிருந்த மலேசியப் பயணிகள் விமானங்களை மாற்றிக் கொள்வதற்கு, கட்டணத்தைச் செலுத்தத் தேவையில்லை என்று ஏர் ஆசியா நிறுவனம் தெரிவித்துள்ளது. 

ஏப்ரல் 10-ஆம் தேதியிலிருந்து 10 நாட்களுக்குள், மலேசியப் பயணிகள் தங்களின் விமானங்களை மாற்றிக் கொள்ள விண்ணப்பம் செய்ய வேண்டும் என்று மலிவு விலை விமான சேவையை வழங்கும் அந்த நிறுவனம் அறிக்கை வாயிலாக கூறியுள்ளது. 

கொடுக்கப்பட்டுள்ள இரு தேர்வுகளில் ஒன்றை பயணிகள் தேர்ந்தெடுத்துக் கொள்ளலாம் என்று அந்நிறுவனம் கூறியது. முதல் தேர்வு: விமான மாற்றம்; பயணிகள் தங்களின் பயணத்தை அடுத்த 30 நாட்களுக்குள் மேற்கொள்ள வேண்டும்.  

இரண்டாவது தேர்வு: ஏர் ஆசியாவுடனான எதிர்கால பயணத்திற்கான உங்கள் ஏர் ஆசியா BIG லொயல்டி கணக்கில் கட்டணத்தின் மதிப்பு வைத்திருத்தல்; கடனீட்டுத் தேதியிலிருந்து 90 நாட்களுக்குள் அதனை உபயோகிக்க வேண்டும்.

இதனிடையில், தேர்தலுக்காக தங்களின் சொந்த ஊர்களுக்குச் செல்லும் பயணிகள் தங்களின் டிக்கெட்டுகளில் குறிப்பிடப்பட்டுள்ள நேரத்தைச் சரி பார்த்து, தங்களின் பயணத்தை மேற்கொள்ள வேண்டும் என்றும், மாற்றங்கள் குறித்தும் அவர்கள் அறிந்து வைத்திருப்பது அவசியம் என்றும் ஏர் ஆசியா கேட்டுக் கொண்டுள்ளது.

கோலாலம்பூர், ஏப்ரல் 10 – காவேரிப் பிரச்னைக்கு தீர்வு காண காவேரி மேலாண்மை வாரியம் அமைக்கப்பட வேண்டும் என்று கோரி, போராடி வரும் தமிழக மக்களுக்கு தங்களின் ஆதரவை புலப்படுத்தும் வகையில் காவேரி மேலாண்மை வாரிய அமைப்பை வலியுறுத்தும் மகஜர் ஒன்றை மலேசிய பொது இயக்கங்கள்  மகஜர்  இங்குள்ள இந்தியத் தூதரகத்திடம் இன்று வழங்கின.

மலேசிய 'நாம் தமிழர்' இயக்கத்தின் தலைமையிலான இந்த நிகழ்வில், சில பொது இயக்கங்களின் பிரதிநிதிகள் கலந்து கொண்டனர். இந்திய உச்ச நீதிமன்றத் தீர்ப்பின் படி மேலாண்மை வாரியத்தை அமைக்கும்படி மத்திய அரசை வற்புறுத்தியும், இந்த விவகாரத்தில் கண்டும் காணாமல் மாற்றான் மனப்பான்மையில் செயல்படும் இந்திய மத்திய அரசைக் கண்டித்தும் இந்த மகஜர் வழங்கப்பட்டது.

இந்திய அதிபர், தமிழகம் மற்றும் கர்நாடக முதல்வர்களுக்கு ஆகியோருக்கான  இந்த மகஜரை இந்தியத் தூதரகத்திடம்  தாங்கள் ஒப்படைத்ததாக 'நாம் தமிழர்' இயக்க வியூக ஒருங்கிணைப்பாளர் கலை முகிலன் குறிப்பிட்டார்.

தமிழக மக்கள் குறிப்பாக, விவசாயிகள் எதிர்நோக்கும் அவலங்களைத் தடுக்க போராடி வரும் தமிழக மக்களுடன் தாங்கள் உணர்வுப் பூர்வமாக ஒருங்கிணைந்து இருப்பதாக கலை முகிலன் சொன்னார்.

முன்கூட்டியே முறையாக அறிவித்து, அனுமதி பெற்றிருந்தும் இந்தியத் தூதரகத்தில் பொது இயக்கப் பிரதிநிதிகள் மகஜர் கொடுக்க முதலில் அனுமதிக்கப்படாத நிலையில் அங்கு பெரும் சலசலப்பு ஏற்பட்டது. எனினும், பின்னர் இயக்கத்தினர் சார்பில் ஒரு பிரதிநிதி மகஜர் கொடுக்க அனுமதிக்கப்பட்டார் என்பது குறிப்பிடத்தக்கது.

கோலாலம்பூர், ஏப்ரல் 10 – தேசிய டைவிங் நீச்சல் வீராங்கனை ஒருவரை கற்பழித்ததாக குற்றஞ்சாட்டப்பட்டிருந்த தேசிய 'டைவிங்' நீச்சல் பயிற்சியாளரான ஹுவாங் கியாங், எதிர்வாதம் செய்ய அழைக்கப்படாமலேயே விடுவிக்கப்பட்டார்.

கற்பழிப்பு வழக்கில் அடிப்படை ஆதாரங்கள் இருப்பதை பிராசிகியூசன் தரப்பு நிருபிக்கத் தவறிவிட்டதால் ஹுவாங்கை விடுதலை செய்வதாக செசன்ஸ் நீதிபதி நோராடுரா ஹம்சா தீர்ப்பில் தெரிவித்தார்.

இதில் பாதிக்கப்பட்டவர் அளித்த சாட்சியங்கள் பெரும்பாலும் யுகத்தின் அடிப்படையில் இருக்கிறது. பாதிக்கப்பட்டவரின் அனுமதி இல்லாமலேயே குற்றஞ்சாட்டப்பட்டவர், அத்தகைய காரியத்தைப் புரிந்தார் என்பதை பிராசிகியுஷன் நிருபிக்கத் தவறிவிட்டது என்று நீதிபதி நோராடுரா சுட்டிக்காட்டினார்.

இது போன்ற கற்பழிப்பை, பயத்தின் காரணமாக எதிர்த்துப் போராடவில்லை என்று பாதிக்கப்பட்ட வீராங்கனை கூறுவதை ஏற்க முடியாது. ஏனெனில், எதிர்த்துப் போராடியக்கூடிய அளவுக்கு வலிமையானவராகவும், உடல் திறன் கொண்டவராகவும் அவர் இருக்கிறார் என்று நீதிபதி குறிப்பிட்டார்.

சீனா நாட்டைச் சேர்ந்த 36 வயதுடைய பயற்சியாளரான ஹுவாங் கியாங், கடந்த ஆண்டு செப்டம்பர் மாதம் 26 ஆம் தேதி பிற்பகல் 5.30 மணியளவில் புக்கிட் ஜாலில் உள்ள தேசிய நீச்சல் பயிற்சி மையத்தில் 20 வயதுடைய அந்த நீச்சல் வீராங்கனையை கற்பழித்ததாக குற்றச் சாட்டப்பட்டிருந்தது.

 

கோலாலம்பூர், ஏப்ரல்.10- 1 எம்.டி.பி நிறுவனம் 360 கோடி டாலர் இழப்பை சந்தித்ததாகவும், அந்நிறுவனத்தின் இயக்குநர்கள் குழு, அப்பணத்தை தவறான முறையில் செலவிட்டதாக சொல்லப்படுவதற்கு எவ்வித ஆதாரமும் இல்லை என்று உச்ச நீதிமன்றம் தெரிவித்துள்ளது. 

அதுமட்டுமல்லாது, 1 எம்.டி.பி சம்பந்தப்பட்ட விவகாரங்களுக்கும், பிரதமர் டத்தோஶ்ரீ நஜிப் ரசாக்கிற்கும் எவ்வித சம்பந்தமும் இல்லை என்று அட்டர்னி ஜெனரல் மற்றும் மலேசிய ஊழல் தடுப்பு ஆணையம் தெரிவித்துள்ளதாக நீதிபதி டத்தோ நிக் ஹஸ்மாட் நிக் முகமட் கூறினார். 

அந்நிறுவனம் சந்தித்த இழப்பை டத்தோஶ்ரீ நஜிப் மற்றும் அந்நிறுவனத்தின் 13 இயக்குநர்களும் ஏற்றுக் கொள்ள வேண்டும் என்று முன்னாள் செனட்டர் டத்தோ முகமட் எசாம் முகமட் நோர் தொடுத்த வழக்கை எதிர்த்து நஜிப் மற்றும் அந்த 13 இயக்குநர்களும் விண்ணப்பித்திருந்தனர் என்பது குறிப்பிடத்தக்கது. 

நஜிப் மற்றும் அந்த 13 இயக்குநர்கள் மீது வழக்கு தொடரும் உரிமை முகமட் எசாமிற்கு இல்லை என்றும் நீதிபதி கூறினார்.  அந்நிறுவனத்திற்கும் எசாமிற்கும் எவ்வித சம்பந்தமும் இல்லாத பட்சத்தில், அந்நிறுவனத்தின் மீது வழக்கு தொடரும் உரிமை அவருக்கு இல்லை என்று நீதிபதி கூறினார். 

''அந்நிறுவன இயக்குநர்கள் மற்றும் நஜிப் மீதான வழக்கு எவ்வித ஆதாரமும் கொண்டிராத காரணத்தால்,முகமட் எசாம் அவர்களுக்குத் தலா ரிம.63,000 நஷ்ட ஈடாக வழங்க வேண்டும்'' என்று நீதிபதி டத்தோ நிக் ஹஸ்மாட்  தீர்ப்பளித்தார். 

More Articles ...