ஈப்போ, பிப்.20-  இங்குள்ள செசன்ஸ் நீதிமன்றத்திற்கு பலத்த போலீஸ் பாதுகாப்புடன் கொண்டு வரப்பட்ட 'கேங்க் 04'  என்ற குண்டர் கும்பலைச் சேர்ந்த 36 பேர் மீது  குண்டர் கும்பல் நடவடிக்கைகளில் ஈடுபட்டதாக குற்றஞ்சாட்டப்பட்டது.

குற்றவியல் சட்டத்தின் 130V/W -பிரிவின் கீழ் குற்றக் கும்பலில் உறுப்பியம் பெற்றிருந்தது மற்றும் அத்தகைய கும்பலுக்கு உதவியது ஆகியவற்றுக்காக இவர்கள் மீது இன்று குற்றஞ்டாட்டப்பட்டது.

சுமார் 20 வயது முதல் 60 வயது வரையிலான இந்த சந்தேகப் பேர்வழிகள், இந்தக் கும்பலுடன் தொடர்புடையவர்கள்.  மேலும் 2016ஆம் ஆண்டு ஜூலை மாதத்தில் கோலாலம்பூர் தாமான் ஓயூஜி.யில் 'டத்தின்' ஒருவர் படுகொலை செய்யப்பட்ட சம்பவத்தில் இந்தக் கும்பலைச் சேர்ந்தவர்க ளுக்கு தொடர்பு இருப்பதாக நம்பப்படுகிறது.

இவர்கள் அனைவரும் ஜனவரி 27ஆம் தேதி பேரா, சிலாங்கூர், மலாக்கா, மற்றும் ஜொகூர் ஆகிய மாநிலங்களில் கைது செய்யப்பட்டனர் என்பது குறிப்பிடத்தக்கது.

இவர்களுக்கு எதிரான குற்றச்சாட்டுக்கள் நீதிமன்றத்தில் நிருபணமானால், 20ஆண்டுகள் வரை இவர்களுக்கு சிறைத்தண்டனை விதிக்கப்பட லாம்  எனக் கருதப்படுகிறது.

இவர்கள் மீதான குற்றச்சாட்டுக்கள் நீதிமன்றத்தில் தேசிய மொழியிலும் தமிழிலும் வாசிக்கப்பட்டன. இவர்களிடமிருந்து வாக்குமூலம் பதிவு செய்யப்பட வில்லை.

இந்த 36 பேரில் 16 பேரை வழக்கறிஞர்கள் பிரதிநிதித்தனர். இதர 20 பேருக்கு வழக்கறிஞர்கள் யாருமில்லை. இவர்களுக்கு ஜாமின் அனுமதி வழங்க மறுத்து விட்ட நீதிபதி முர்தாஷாடி அம்ரான், வழக்கு விசாரணைக்காக மார்ச் 20ஆம் தேதியை நிர்ணயம் செய்தார்.

குற்றஞ்சாட்டப் பட்டவர்களின் பெயர்கள் வருமாறு:

முகம்மட் ஷரீப், முகம்மட் சிடிக், ஏ.குகன், எம். பிரபாகரன், ஆர். சற்குணன், பி.முரளி, ஜே. திருச்செல்வம், கே. திருச்செல்வன், கே.குகன், ஏ. சாமுவெல் தினகரன், எம்.கணேசன், கே.சத்யராவ், எஸ்.விஜேந்திரன், பி.கே. சந்திரன்,என். மைக்கேல் ராஜ், டி.எஸ். கதிரவன், சி.தனபாலன், கே. செல்வம், டி.கமல், அப்துல் ரஹ்மான், எஸ். தட்சணாமூர்த்தி, எம்.செல்வா, எஸ். யேசுதாஸ், கே.கார்த்திகேசன், எஸ்.டி. கெவின், பி.ஜீவேந்திரன், எம்.முனியன், ஆர்.கேசவன், பி.ஏ.பாத்ரி, எல்.தமிழ்ச் செல்வன், எப். நிக்கோலஸ், எஸ்.கே. ஜெகதீசன், ஆர்.பரமேஸ்ராவ், எஸ்.காளிதாஸ், ஏ.கோபால்சாமி, கே.அருண்.

 

 

 

 

 

 

 

 

 

 

 

 

 

 

 

 

 

 

 

 

 

குளுவாங், பிப்.20- இங்கு தாமான் குளுவாங் ஜெயாவிலுள்ள உணவகம் ஒன்றினுள் புகுந்த அறுவர் கொண்ட கும்பல் ஒன்று அங்கு பணிபுரிந்து வந்த கடை ஊழியர் ஒருவரை இரும்பு நாற்காலிகளைக் கொண்டு கடுமையாகத் தாக்கிய சம்பவம் தொடர்பில் மூவரை குளுவாங் மாவட்டப் போலீசார் நேற்று கைது செய்தனர்.

இந்தத் தாக்குதல் சம்பவம் கடந்த சனிக்கிழமை இரவு 9 மணியளவில் நடந்தது இந்தத் தாக்குதல் தொடர்பான வீடியோ ஒன்று சமூக வலைதளங்களில் பரவலாகி மக்கள் மத்தியில் பரபரப்பை ஏற்படுத்தியது.

அதேவேளையில் இந்தத் தாக்குதல் குறித்து உணவகத்தின் உரிமையாளர் போலீசில் புகார் செய்ததை அடுத்து தாங்கள் புலன் விசாரணையில் இறங்கியதாக ஓசிபிடி முகம்மட் லஹாம் சொன்னார்.

சம்பவத்தன்று சுமார் 20 வயதுகள் மதிக்கத்தக்க 6 பேர் அந்த உணவகத்திற்குள் திடீரெனப் புகுந்தனர்.  குறிப்பிட்ட ஊழியர் ஒருவரை மடக்கி அவரிடம் வாக்குவாதத்தில் ஈடுபட்டனர். பின்னர் அவர்கள் அந்த ஊழியரைத் தாக்கத் தொடங்கினர். அங்கிருந்த இரும்பு நாற்காலிகளைக் கொண்டு அவரைத் தலையிலும், உடலிலும்   தொடர்ந்து தாக்கி விட்டு அங்கிருந்து சென்று விட்டனர்.

தாக்கிய கும்பலைத் தேடும் பணியில் ஈடுபட்ட குளுவாங் மாவட்டப் போலீசார், நேற்று அந்தக் கும்பலைச் சேர்ந்த மூவரைக் கைது செய்தனர். இங்குள்ள தாமான் கிடாமான் என்ற இடத்தில் பிறபகல் 4 மணியளவில் இந்த மூவரும் கைது செய்யப்பட்டதாக ஓசிபிடி முகம்மட் லஹாம் தெரிவித்தார்.

இந்தச் சம்பவம் தொடர்பில் மேலும் மூவரைப் போலீசார் தேடி வருவதாகவும் தகவல் அறிந்தவர்கள் தங்களுடன் 07 7784 222  என்ற தொலை பேசி எண்ணில் இன்ஸ்பெக்டர் மெகாட் முகம்மட் ஃபாரிஷுடன்   தொடர்பு கொள்ளும் படியும் ஓசிபிடி முகம்மட் லஹாம் கேட்டுக் கொண்டார்.

குற்றவியல் சட்டத்தின் 148ஆவது பிரிவின் கீழ் கைது செய்யப் பட்டவர்களுக்கு எதிராக விசாரணை நடத்தப்பட்டு வருகிறது. இந்தச் சட்டத்தின் கீழ் இவர்கள் குற்றவாளிகள் என நிருபணமானால் அவர்களுக்கு 5 ஆண்டு வரை சிறைத் தண்டனை அல்லது அபராதம் அல்லது இரண்டுமே விதிக்கப்படலாம்.

 

 

 

 

 

 

 

 

 

 

 

 

 

 

 

புதுடில்லி, பிப். 20- தன் மீது தொடரப்பட்ட வழக்கை தள்ளுபடி செய்யுமாறு உச்சநீதிமன்றத்தில் மனு தாக்கல் செய்துள்ளார் 'புருவப் புயல்' நடிகை பிரியா வாரியர்.

அண்மையில் வெளியான 'ஒரு அடார் காதல்' மலையாள படத்தின் ப்ரோமோ வீடியோ இணையதளத்தில் வைரலானது. அந்த வீடியோவில் உள்ள பிரியா வாரியர், தனது முக பாவனை மூலம் அனைவரையும் கவர்ந்து விட்டார்.  

ஒரு அடர் லவ் படத்தில் வரும் 'மணிக்ய மலரய பூவி' பாடலில் இடம்பெற்றுள்ள வரிகள் இஸ்லாமிய உணர்வுகளைப் புண்படுத்தும் வகையில் உள்ளதாக இஸ்லாமிய அமைப்பினர் இந்தப் புகாரை அளித்துள்ளனர். இது போல் மகாராஷ்டிரா மாநிலத்திலும் புகார் அளிக்கப்பட்டது.

இதில் யாருடைய மத உணர்வுகளையும் புண்படுத்தும்படியாக இல்லை என்பதால் அந்த பாடல் காட்சிகளை நீக்க முடியாது என்று படத் தரப்பு திட்டவட்டமாக தெரிவித்து விட்டது. இந்நிலையில் தனக்கு எதிராக தொடரப்பட்ட வழக்குகளை ரத்து செய்ய வேண்டும் என்று பிரியா வாரியர்  உச்சநீதிமன்றத்தில் இன்று மனுத் தாக்கல் செய்தார்.    

இந்நிலையில், இந்த இரண்டு வழக்குகளும் கருத்து சுதந்திரத்துக்கு எதிரான வழக்காகும், எனவே, இந்த வழக்குகளை தள்ளுபடி செய்யுமாறு பிரியா வாரியர் சார்பிலான மனுவில் கூறப்பட்டுள்ளது. 

ஈப்போ, பிப்.20- கேங் 04 எனும் குண்டர் கும்பலைச் சேர்ந்த 36 உறுப்பினர்களைப் போலீசார் இன்று இங்குள்ள நீதிமன்றத்தில் ஆஜர்படுத்தினர். இதனால் நீதிமன்ற வளாகத்தில் ஆயுதமேந்திய போலீஸ் படையினர் பலத்த பாதுகாப்பு பணியில் ஈடுப்பட்டனர்.

கொள்ளை, போதைப்பொருள் விநியோகம் மற்றும் கோலாலம்பூர், தாமான் ஓயூஜியில் பிரபலமான 'டத்தின்' ஒருவரின் கொலை என பல குற்றங்களில் ஈடுப்பட்டதாக கூறி இவர்கள் மீது வழக்குகள் பதிவு செய்யப்பட்டன. 

20 வயது முதல் 60 வயது வரையிலான இந்த 36 பேரும் பீனல் கோர்டு சட்டம் 130வி/டபள்யூ சட்டவிரோத கும்பலில் மற்றும் குற்றங்களில் ஈடுப்படுதல் பிரிவின் கீழ் குற்றஞ்சாட்டப்பட்டனர். இவர்கள் அனைவரும் ஜனவரி 27ஆம் தேதி பேரா, சிலாங்கூர், மலாக்கா, மற்றும் ஜொகூர் ஆகிய மாநிலங்களில் கைது செய்யப்பட்டனர்.

நீதிமன்றத்திற்கு வெளியே 36 பேரின் குடும்பத்தினர் மற்றும் நண்பர்கள் அதிக அளவில் குழுமி இருந்ததால் போலீஸ் பாதுகாப்பு பணியில் ஈடுப்பட்டனர். குடும்பத்தினர் யாரும் நீதிமன்றத்தின் உள்ளே செல்ல அனுமதிக்கப்படவில்லை.

கோலாலம்பூர், பிப்.20- சீனப் புத்தாண்டை முன்னிட்டு நீண்ட விடுமுறையில் இருந்த மலேசியர்கள் தங்களின் வேலை இடங்களுக்கு திருப்ப தொடங்கியுள்ளதால் பல  நெடுஞ்சாலைகளில் வாகன நெரிசல் தொடங்கியுள்ளது.

குறிப்பாக கிள்ளான் பள்ளத்தாக்கு நோக்கி வரும் பெரும்பாலான நெடுஞ்சாலைகளில் காலை 7 மணி தொடங்கி வாகன நெரிசல் ஆரம்பித்து விட்டதாக தகவல்கள் கூறுகின்றன. பெரும்பாலானோர் இன்று வேலைக்கு திரும்புவதால் காலை முதல் இந்த நெரிசல் தொடங்கியுள்ளது.

நேற்று நண்பகல் முதல் நெடுஞ்சாலைகளில் வாகனங்கள் அதிகரித்த நிலையில் மாலையில் வடக்கிலிருந்து தென் நோக்கி வரும் சாலைகளில் வாகனங்கள் மெதுவாக நகர்ந்தன.

போக்குவரத்தைச் சரி செய்யவும் சாலை விதிகளை வாகனமோட்டிகள் மீறாமல் இருக்கவும் மோதுமான போக்குவரத்து போலீசார் பணியில் ஈடுப்பட்டுள்ளதாக நகரின் போக்குவரத்து புலனாய்வு மற்றும் அமலாக்கத்துறை தலைவர் துணை ஆணையர் சூல்கிப்லி யாஹ்யா கூறினார்.

ஈப்போ,பிப்.19- சிறப்பு ஒப்ஸ் சண்டாஸ் சில்வர் என்ற நடவடிக்கையின் மூலம் கொலை, கொள்ளை, மிரட்டிப் பணம் பறித்தல் மற்றும் போதைப் பொருள் வினியோகம் ஆகியவற்றில் ஈடுபட்டதாக நம்பப்படும்  குண்டர் கும்பலைச் சேர்ந்த 36 சந்தேகப் பேர்வழிகள் கைது செய்யப்பட்டுள்ளனர்.

சுமார் 20 வயது முதல் 60 வயது வரையிலான இந்த சந்தேகப் பேர்வழிகள், இரகசிய கும்பல் ஒன்றைச் சேர்ந்தவர்கள். மேலும் 2016ஆம் ஆண்டு ஜூலை மாதத்தில் கோலாலம்பூர் தாமான் ஓயூஜி.யில் 'டத்தின்' ஒருவர் படுகொலை செய்யப்பட்ட சம்பவத்தில் இந்தக் கும்பலைச் சேர்ந்தவர்களுக்கு தொடர்பு இருப்பதாக நம்பப்படுகிறது.

இவர்கள் அனைவரும் ஜனவரி 27ஆம் தேதி பேரா, சிலாங்கூர், மலாக்கா, மற்றும் ஜொகூர் ஆகிய மாநிலங்களில் கைது செய்யப்பட்டனர் என்று பேரா போலீஸ் படைத்தலைவர் டத்தோ ஹஸ்னான் ஹசான் கூறினார்.

இவர்களுக்கு எதிரான புலன் விசாரணைகள் முடிவடைந்திருக்கும் நிலையில், இவர்கள் மீது நாளை செவ்வாய்க் கிழமை நீதிமன்றத்தில் குற்றஞ்சாட்டப் படவிருக்கிறது என்றார் அவர். 

இந்தக் கும்பலைச் சேர்ந்த இன்னும் சிலரைப் போலீசார் தேடி வருகின்றனர். இவர்கள், போலீசாரால் தேடப்படுவோர் பட்டியலில் சேர்க்கப்பட்டுள்ளனர். இவர்களில் சிலர் நாட்டை விட்டு ஓடியிருந்தால், அவர்களைப் பிடிக்க 'இண்டர்போல்' எனப்படும் அனைத்துலகப் போலீசாரின் உதவியை நாடவும் தாங்கள் திட்டமிட்டிருப்பதாக அவர் சொன்னார்.

 

 

 

 

 

 

 

 

 

 

 

 

 

 

 

 

 

கோலாலம்பூர், பிப்.19- இராணுவத்துறையில் இந்தியர்களுக்கு 7 விழுக்காடு வரை வாய்ப்புகள் தர இராணுவம் ஒப்புக் கொண்டுள்ளதாகவும் அது குறித்து விரைவில் அதிகாரப்பூர்வ அறிவிப்பு வெளிவரும் எனவும் மஇகாவின் தேசிய தலைவரும் புளூபிரிண்ட் கண்காணிப்பு தலைவருமான டத்தோஶ்ரீ டாக்டர் எஸ்.சுப்ரமணியம் தெரிவித்தார்.

இந்தியர்களின் முன்னேற்றத்திற்காக உருவாக்கப்பட்ட புளூபிரிண்ட் எனப்படும் இந்தியர்களுக்கான வியூக பெருந்திட்ட வரைவு தொடர்பாக இன்று கலந்துரையாடல் நடைபெற்றது. அதில் இராணுவத்துறையில் இந்தியர்கள் 7 விழுக்காடு வரை பங்கேற்கும் வகையில் பேச்சுவார்த்தை நடந்ததாகவும் அதற்கு இராணுவத்துறை சம்மதம் தெரிவித்துள்ளதாகவும் விரைவில் அதிகாரப்பூர்வ அறிவிப்பு வெளிவரும் எனவும் டாக்டர் சுப்ரா கூறினார்.

மேலும், ஒரே மலேசியா அமானா சஹாம் திட்டத்தில் இந்தியர்கள் அதிகளவில் முதலீடு செய்து வருவதாகவும் இதுவரை 317 மில்லியன் ரிங்கிட் முதலீடு செய்யப்பட்டிருப்பதாகவும் இன்று நடந்த செய்தியாளர் சந்திப்பில் அவர் கூறினார்.

குறைந்த வருமானம் கொண்ட குடும்பங்களுக்கு உதவ வீடமைப்பு திட்டங்களில் இந்தியர்களுக்கு வீடு கிடைக்கப்பெறும் வகையில் சிறப்பு குழு ஒன்று உருவாக்கப்பட்டுள்ளதாகவும் சுப்ரா மேலும் கூறினார். 

More Articles ...