கோலாலம்பூர்,   13 ஜுன் -   நம் நாட்டில்  பரதக் கலையை  வளர்க்கும்  பலதரப்பட்ட நாட்டியப் பள்ளிகள் ஆங்காங்கே இயங்கி வருகின்றன. இவற்றுள் கடந்த 50 ஆண்டுகளாக   தொடர்ந்து இயங்கிக் கொண்டிருக்கும்  நாட்டியப் பள்ளி என்ற பெருமையை மலேசிய சாதனைப் புத்தகத்தில் இடம்பெறச் செய்துள்ளது தஞ்சை கமலா இந்திரா நாட்டியப் பள்ளி.  "ஓர் பள்ளியின் நீண்ட பயணம்" என்ற கருப்பொருளில் கடந்த சனிக்கிழமை சிவிக் செண்டரில்  நடைபெற்ற தஞ்சை கமலா இந்திரா நாட்டியப் பள்ளியின் 50-ஆம் ஆண்டு பொன்விழா  நிகழ்வில் 800க்கும் மேற்பட்டோர் கலந்துகொண்டனர்.  

பரதக் கலையில் பல காலமாக  அனுபவம் வாய்ந்தவரும், தஞ்சைக் கமலா இந்திரா நாட்டியப் பள்ளியின் தலைவருமான  இந்திரா மாணிக்கம் தமது மகள், பிள்ளைகள்,   மற்றும் குடும்பத்தினருடன் படைத்த  குடும்ப நடனம் அனைவரையும் கவர்ந்தது.  60 வயதைத் தாண்டிய  இந்திரா மாணிக்கம்  பல கழித்து, தம் மாணவர்களின் வேண்டுகோளுக்கு இணங்க மேடையில்  தோன்றி நடனம் ஆடியது அனைவரையும் ஆச்சர்யத்தில் மூழ்கச் செய்தது.  

50 ஆண்டுகளாகத் தொடர்ந்து பல தேர்ந்த பரதக் கலைஞர்களை உருவாக்கி வரும்  தஞ்சைக் கமலா இந்திரா நாட்டியப் பள்ளியின் சாதனையை அங்கீகரிக்கும் வண்ணம் மலேசிய சாதனைப் புத்தகத்தில் இடம்பெற்றது. அதற்கான சான்றிதழை  ம.இ.கா-வின் முன்னாள்  தலைவரும் தென்கிழக்காசியாவுக்கான சிறப்பு கட்டமைப்புத் தூதருமான டத்தோ ஶ்ரீ உத்தாமா எஸ்.சாமிவேலு தலைமையில், மலேசிய சாதனைப் புத்தகத்தின் பிரதிநிதி  இந்திரா மாணிக்கத்திடம் வழங்கினார். 

பரதக் கலையில் தொடர்ந்து பல புதுமைகளைப் புகுத்தி, வித்தியாசமான மேடைப் படைப்புக்களைப் படைத்து வரும் தஞ்சை கமலா இந்திரா நாட்டியப் பள்ளி தங்களின்  இந்த பொன்விழா நிகழ்ச்சியிலும் மாறுபட்ட படைப்பை வழங்கத் தவறவில்லை.  இந்நாட்டியப் பள்ளியைச் சேர்ந்த 100 மாணவர்கள் ஒரே மேடையில் தோன்றி தங்கள் நடனத்தின் மூலம் பார்வையாளர்களைக் கட்டிப் போட்டனர். 

கோலாலம்பூர், ஜூன் 13- சிறந்த அறிவியல் உரையாளர் பரிசு பெற்றார் டாக்டர் அபிமன்யூ. புற்றுநோய் பரிசோதனை மற்றும் சிகிச்சை அளிப்பதில் நிலவும் மரபணு மாற்றங்கள் பற்றிய உரைக்காக டாக்டர் அபிமன்யூக்கு இந்த முதல் பரிசு அளிக்கப்பட்டுள்ளது. 

மலேசிய புத்ரா பல்கலைக்கழக முன்னாள் மாணவரான டாக்டர் அபிமன்யூ, உலகின் மிக பெரிய அறிவியல் உரையாளர் போட்டியில் கலந்து கொண்ட 27 நாடுகளைச் சேர்ந்த 2000 போட்டியாளர்களை முந்தி முதல் பரிசை வென்றார். 

முதல் பரிசை வென்ற டாக்டர் அபிமன்யூ கூறுகையில், அறிவியல் மீது ஆர்வம் கொள்ளாத மக்களிடம் அறிவியலைக் கொண்டு செல்ல எளிமையான தொடர்பு முறை வேண்டும் என்றார். 

மலேசிய பிரிட்டிஷ் கவுன்சிலின் இயக்குனர் சரா டெவெரால் கூறுகையில் எளிய வகையில் அறிவியலை மக்களிடம் கொண்டு செல்வது உலகளவில் ஆராய்ச்சியாளர்கள் வளர உந்துதல் தரும் என்றார். 

இவ்வெற்றி டாக்டர் அபிமன்யூக்கு கிடைத்தது என்றாலும் மலேசியாவுக்கும் இது பெருமை சேர்க்கிறது என்று அவர் மேலும் கூறினார்.

அபி என்று பலரால் அழைக்கப்படும் டாக்டர் அபிமன்யூ பெர்டானா மருத்துவ பல்கலைக்கழகத்தில் அறிவியல் அறவாரியத்தின் இயக்குனர் என்பது குறிப்பிடத்தக்கது. 

கோலாலம்பூர், ஜுன் 12- மூன்று வழிப்பறி கொள்ளையர்கள் நடத்திய  தாக்குதலில் சட்டக்கல்லூரி மாணவி ஒருவர் படு்காயத்திற்கு ஆளானார்.

கடந்த வெள்ளிக்கிழமை நண்பகல் மணி 12.20 அளவில், இங்கு ஜாலான் துன் சம்பந்தனில் வாடகைக் காருக்காகக் காத்திருந்த போது இந்த கொள்ளைச் நடந்துள்ளது. இரு கொள்ளையர்கள் மோட்டார் சைக்கிளில் அந்த மாணவியை நெருங்கி, அவர் வைத்திருந்த கைப்பையைப் பறிக்க முயன்ற போது அங்குள்ள சாலைத்தடுப்பினில் மோதி அந்த மாணவியின் தலையில் பலத்த அடிப்பட்டது. 

சிறிது நேரத்தில் மற்றொரு மோட்டார் சைக்கிள் அந்தப் பெண்ணை நோக்கி வந்து, அவர் கையில் வைத்திருந்த அவரது கைத்தொலைப்பேசியைப் பறித்தனர்.

பாதிக்கப்பட்ட அந்த சட்டக்கல்லூரி மாணவிக்கு தலையின் பின்பகுதி, கை கால்களில் பலத்த காயங்கள் மற்றும் பற்கள் உடைந்த நிலையில், ஒரு வழிப்போக்கர் பல்கலைக்கழக மருத்துவமனையில் சேர்த்திருக்கிறார்.

தலையில் கவசம் அணிந்திந்த அந்த முன்று  கொள்ளையர்களைக் கிடைத்திருக்கும் ஆதாரங்களைப் பயன்படுத்தி விரைவில் செக்‌ஷன் 394 கீழ் சிறைப்பிடிப்போம் என்று டாங் வாங்கி போலீஸ் துணை ஆணையர் சைனுள் சமான் தெரிவித்தார்.

இந்தச் சம்பவத்தின் காணொளி ஜாலான் சம்பந்தனில் உள்ள ஒரு கண்காணிப்பு காமிராவில் பதிவாகியுள்ளது. 49 வினாடிகள் நீடித்த இந்த காணொளி சமூக வளைத்தலங்களில் பரவலாக பகிரப்படுகிறது. இதுவரை இக்காணொளியை ஏறக்குறைய 87,000 பார்த்துள்ளனர், 1,700 பேர் பகிர்ந்துள்ளனர் என்பது குறிப்பிடத்தக்கது.

 

 

  

ஜொகூர், 12 ஜூன் – சுங்கை பெசார் மற்றும் கோலகங்சார் இடைத்தேர்தலுக்கான பிரச்சாரத்தின் போது, எதிர்க்கட்சிக்கு ஆதரவாக மேடையில் தோன்றியது மூலம், டத்தோ ஸ்ரீ நஜீப் துன் ரசாக் அம்னோவுக்குத் துரோகம் செய்துவிட்டதாக டத்தோ நுர் ஜஸ்லான் முகமது தெரிவித்தார்.

“துன் டாக்டர் மகாதீரின் இந்த நடவடிக்கைக்கான பின்னணி என்னவென்று தெரியவில்லை. அப்படி தெரிந்திருந்தால் அவரது செயல் தமது 22 ஆண்டுகால தலைமைத்துவத்திற்கும் அவர் சார்ந்திருந்த கட்சிக்கும் இழைத்த துரோகம் என்பதை அவர் உணர்ந்திருப்பார்” என துணை உள்துறை அமைச்சருமான அவர் தெரிவித்தார். 

“அவரது 22 ஆண்டுகால தலைமைத்துவத்தின் மூலம் நாம் இன்று அடைந்திருக்கும் பயன்கள் ஏராளம் என்பதை மறுக்க முடியாது. ஆனால் அவையனைத்தும் அவர் செய்த “துரோகத்தால்”  தவிடுபொடியாகிவிட்டது” என்றார் அவர்.

பாலிக் பூலாவ், ஜூன் 12- அதிகாலை 1 மணிக்கு நடந்த சாலைத் தடுப்பு பரிசோதனையில் 20 வாகனமோட்டிகள் கைது செய்யப்பட்டனர். பாலிக் பூலாவ் அருகே நடந்த இந்த பரிசோதனையில் பலர் சட்டவிரோத கார் பந்தயத்தில் ஈடுப்பட்டது கண்டுப்பிடிக்கப்பட்டது.

கார் பந்தயத்தினால் அதிக சத்தமாக இருப்பதாகவும் இதனால் தங்களின் தூக்கம் கெடுவதாகவும் பொதுமக்கள் கொடுத்த புகாரின் அடிப்படையில் இந்த சோதனை நடத்தப்பட்டதாக சோதனைக்கு தலைமையேற்ற ஏ.எஸ்.பி முகமட் கா ரசாக் தெரிவித்தார். 

சாலைத் தடுப்பின் போது பல வாகனமோட்டிகள் வாகனமோட்டும் முறையான உரிமத்தை வைத்திருக்கவில்லை என அவர் மேலும் கூறினார். அவர்களின் வாகனங்கள் பறிமுதல் செய்யப்பட்டன. அதோடு, அனுமதியில்லாமல் வாகனத்தை மாற்றி அமைத்த 10 வாகனங்களும் தடுத்து வைக்கப்பட்டதாக அவர் மேலும் கூறினார்.

ஜியார்ஜ் டவுன், ஜூன் 12- பினாங்கில் உபெர் மற்றும் கிராப் கார்கள் எனப்படும் பயணிகள் பங்கீட்டு பயணக் கார்களை வழிமறித்து வாடகைக் கார் (டாக்சி) ஓட்டுனர்கள் அமளியில் ஈடுபட்டனர். 

இந்தச் சம்பவம், இங்கு ஜாலான் துன் சையட் ஷே பராக்பாவில் குய்ன் விக்டோரியா கடிகாரக் கோபுரத்திற்கு அருகில் நடந்தது ஐம்பதுக்கும் மேற்பட்ட வாடகைக் கார் ஓட்டுனர்கள் மூன்று உபெர் கார்களை வழிமறித்தனர்.

மிகவும் ஆவேசத்துடன் செயல்பட்ட அவர்கள், உபெர் கார்களில் வந்த பயணிகள் ஐவரின் கைத்தொலைப் பேசிகளைப் பறித்துக் கொண்டதாகவும் கார்களுக்குச் சேதம் விளைவித்ததாகவும் கூறப்பட்டது.

வயதான இரண்டு வாடகைக்கார் ஓடுனர்களுடன் உபெர் கார் ஓட்டுனர் ஒருவர் சர்ச்சையில் ஈடுபட்டதோடு அவர்களை மிரட்டிய தாகவும் ஷாப்பிக் முகமட் என்ற வாடகைக் கார் ஓட்டுனர் தெரிவித்தார்.

"இதனை அடுத்து நாங்களே உபெர்- கிராப் கார்களுக்கான அழைப்புச் செயலியைப் பயன்படுத்தி மூன்று பேரை அங்கு வரவழைத்தோம். அவர்களை மடக்கி போலீஸ் நிலையத்திற்குச் சென்று புகார் செய்யும் படி வலியுறுத்தினோம் என்று ஷாப்பிக் சொன்னார்.

இவர்கள் சட்டவிரோதமாக வாடகைக் கார் சேவை நடத்துகிறார்கள் இவர்கள் மீது அரசாங்கமும் போலீசாரும் ஏன் இன்னும் நடவடிக்கை எடுக்கவில்லை என்று மற்றொரு வாடகைக் கார் ஓட்டுனரான கோபிநாதன் கேள்வி எழுப்பினார்.

 

கோலாலம்பூர், ஜூன் 11- அசிங்கமான தந்திரங்களின் மூலம் தமக்குக் களங்கத்தை ஏற்படுத்த குறிப்பிட்ட தரப்பினர் முயற்சித்து வருவதாக 'மைவாட்ச்' குற்றத்தடுப்பு அமைப்பின் தலைவரான டத்தோ ஶ்ரீசஞ்ஜீவன் தெரிவித்தார்.

குற்றச்செயல்களுக்கு எதிராகப் போராடுவதே ஒரு குற்றம் என்றாகி ட்டது என்று அவர் தமது முகநூல் பக்கத்தில் குறிப்பிட்டு ள்ளார்.

முதலில் எனக்கு எதிராக குற்றத் தடுப்புச் சட்டம் பயன்படுத்தப்பட்டது. இப்போது கல்வாத்., நாளை ஓரினப்புணர்ச்சி வழக்காக இருந்தாலும் நான் ஆச்சர்யப்பட மாட்டேன் என அவர் அதில் கூறியுள்ளார்.

மலேசியாவில் ஒரு மனிதனின் நல்ல பெயரைக் கெடுக்க வேண்டுமானால், பெரும்பாலும் கடைபிடிக்கப்படுகின்ற வழிமுறை, 

அவர்களை ஊழலோடு, குற்றசெயல்களோடு, பாலியல் நடவடிக்கைகளோடு சம்பந்தப்படுத்துவது தான் என்று டத்தோ ஶ்ரீசஞ்ஜீவன் சொன்னார்.

சிரம்பானிலுள்ள ஓர் ஆடம்பரத் தங்கும் விடுதியில் சமய அதிகாரிகளும் புக்கிட் அமான் போலீஸ் பிரிவும் நடத்திய சோதனை ஒன்றின்போது ஶ்ரீசஞ்ஜீவனும் மற்றொரு பெண் போலீஸ் இன்ஸ்பெக்டரும் கல்வாத் தொடர்பில் விசாரிக்கப்பட்டதையே அவர் தம்முடைய முகநூலில் சுட்டிக்காட்டியுள்ளார் எனத் தெரிகிறது.

இருப்பினும், இந்தச் சோதனையின் போது யாரும் கைது செய்யப்படவில்லை. எந்தவொரு தவறும் நிகழ்ந்ததற்கான அறிகுறியும் இல்லை. இவர்கள் தங்கியிருந்த அறைகள் ஒன்றுக்கொன்று தொடர்புடையவையாக இருந்தன. 

அறைகள் அடுத்தடுத்து இருந்தது என்பதற்காக கல்வாத் புகார் கூறப்படுவதை அவர் மறுத்தார். இதில் என்னைக் குறைகூறமுடியாது. பக்கத்து அறையில் யார் படுத்து தூங்கவேண்டும் என்பதை நிர்ணயிக்கின்ற அதிகாரம் எனக்கு இல்லை. குற்றச்செயல்களைக் கண்காணிக்கும் 'மைவாட்ச்' அமைப்பின் தலைவராக நான் இருப்பதால் எனக்கு களங்கத்தை ஏற்படுத்த வேண்டும் என்பதற்காக உருவாக்கப்பட்டதுதான் இது என்று ஶ்ரீசஞ்ஜீவன் குறிப்பிட்டார். 

 

More Articles ...