பிந்துலு, பிப்.24- வீட்டு அறை கதவைத் திறக்கும் கைப்பிடியின் துளைப் பகுதி தனது 12 வயது மகனின் கையில் சிக்கி கொண்டதைக் கண்டு கலங்கி போன தந்தை தானாகவே தீயணைப்பு மையத்திற்கு மகனைக் கூட்டி சென்று காப்பாற்றினார்.

நேற்று இரவு 9 மணியளவில் பிந்துலு தீயணைப்பு மையத்திற்கு ஓடி வந்த ஆடவர் ஒருவர் தன் மகனின் கையில் கைப்பிடியின் துளைப்பகுதி சிக்கிக் கொண்டதாக கண்ணீரோடு கூறினார். உடனே அங்கிருந்த ஊழியர்கள் பையனின் கையில் சிக்கி இருந்த வளையம் போன்ற இரும்பை வெட்டி எடுத்தனர்.

மோதிரம் வெட்டும் கருவி மற்றும் இன்னும் சில கருவிகள் கொண்டு ஏறக்குறைய 40 நிமிடங்கள் போராடி அந்த இரும்பை விரலிருந்து அகற்றினர். மகனின் விரலிருந்து இரும்பு அகற்றப்பட்டதைப் பார்த்த பிறகே சிறுவனின் தந்தை சற்று சமாதானம் அடைந்தார்.

சுயமாக வெட்டிப் பார்க்காமல் தீயணைப்பு படையின் உதவியை நாடியதால் சிறுவனின் விரலில் பெரிய காயம் ஏதும் ஏற்படவில்லை என தீயணைப்பு படை பேச்சாளர் கூறினார்.

புக்கிட் மெர்டாஜாம், பிப்.23-   வீட்டுப்பணிப்பெண் ஒருவர், மிக கடுமையாகத் தாக்கப்பட்டு கொடுமைப் படுத்தப்படும் காட்சியைக் கொண்ட வீடியோ, சமூக ஊடகங்களில் பரபரப்பாக பரவிக் கொண்டிருக்கும் நிலையில், அந்தக் காட்சி புக்கிட் மெர்டாஜாமில் அடெலினா என்ற இந்தோனியப் பெண் கொடுமைப்படுத்தப்பட்ட காட்சி தான் என வெளியான தகவலை போலீசார் மறுத்துள்ளனர்.

ஐம்பது வயதுடைய பெண் ஒருவர் பணிபெண்ணைக் கடுமையாகத் தாக்கி ஏறி மிதித்து, கம்பினால் கண்மூடித்தனமாகத் தாக்கும் கொடூரமான காட்சி இந்த வீடியோவில் இடம்பெற்றிருக்கிறது. கிட்டத்தட்ட 2 நிமிடங்கள் இந்தக் கொடுமை இதில் இடம் பெற்றிருக்கிறது.

இந்த வீடியோ எங்கே, எப்போது எடுக்கப்பட்டது என்று உடனடியாக கண்டறிய முடியவில்லை. அந்த விடியோவில் பணிப்பெண் கதறித் துடிக்கிறார். தன்னைத் தாக்கும் பெண்மணியிடம்  கருணைக் காட்டுமாறு மன்றாடுகிறார். இந்தப் பணிப்பெண் அண்மையில் முதலாளியின் கொடுமைக்கு உள்ளாகி போலீசாரால் மீட்கப்பட்ட பின்னர் மருத்துவமனையில் இறந்து போன 26 வயதுடைய அடெலினா தான் என்று  சமூக ஊடகங்களில் செய்திகள் பரவலாகி உள்ளன.

இதனிடையே இந்தச் சமபவம், இந்தோனிசியப் பணிப்பெண் அடெலினா சம்பந்தப்பட்டது அல்ல. தேவையில்லாமல் வதந்திகளைப் பரப்பவேண்டாம் என்று செப்பராங் பிறை தெங்கா மாவட்ட போலீஸ் தலைவர் நிக் ரோஸ் அஷான் கேட்டுக்கொண்டார்.

அடெலினா மரணம் தொடர்பில் அவரை வேலைக்கு அமர்த்தியிருந்த அம்பிகா (வயது 59 ) என்பவர் மீது நீதிமன்றத்தில் கொலைக் குற்றச்சாட்டு சுமத்தப்பட்டுள்ளது. மேலும் அவருடைய மகள் ஜெயவர்த்தினி (வயது 32) என்பவர் மீது சட்டவிரோதமாக அடெலினாவை வேலைக்கு வைத்திருந்ததாக நீதிமன்றத்தில் குற்றஞ்சாட்டப்பட்டுள்ளது.

 

 

 

 

 

 

 

 

 

 

 

 

 

 

 

 

 

 

 

 

 

கோலாலம்பூர், பிப்.23- விரைவில் வரவிருக்கும்  பொதுத்தேர்தலில் ஒரு வேளை பக்காத்தான் கூட்டணி வெற்றி பெறுமானால், இரண்டு வகையான காட்சிகள் அரங்கேறக்கூடும்  என்று பிரதமர் டத்தோஶ்ரீ நஜிப் சுட்டிக்காட்டினார்.

எதிர்க்கட்சி கூட்டணி ஜெயிக்குமானால், பிரதமர் வேட்பாளராக அறிவிக்கப்பட்டிருக்கும் துன் மகாதீர் பிரதமர் பதவியை அடைந்ததும் முன்பு ஒப்புக்கொள்ளப்பட்டது போல அன்வார் இப்ராகிமிற்கு அவர் விட்டுக் கொடுக்கமாட்டார் என்று அவர் சொன்னார். 

சொன்ன வார்த்தையை மகாதீர் காப்பாற்ற மாட்டார். அவரைப் பொறுத்தவரை அவரைத் தவிர மற்ற தலைவர்கள் எல்லாம் சரியானவர்கள் அல்ல என்பது தான் என்று டத்தோஶ்ரீ நஜிப் குறிப்பிட்டார்.

எதிரணி வென்றால் மகாதீர் பிரதமராகவும் துணைப் பிரதமராக டாக்டர் வான் அஸீசாவும் இருப்பர்.  சிறையில் இருந்து வரும் அன்வார்  அரச மன்னிப்புப் பெற்று  நாட்டின் பிரதமர் பொறுப்பை ஏற்கும் தகுதியைப் பெறும் போது அந்தப் பதவியை மகாதீர் அவருக்கு விட்டுக்கொடுக்க வேண்டும் என்பது தான் அவர்களுக்கிடையே இருக்கும் உடன்பாடு என்று பிரதமர் சுட்டிக்காட்டினார்.

அதேவேளையில் இத்தகைய நிலையில் அரங்கேறப்போகும்,  2ஆவது காட்சி என்னவெனில், ஒருவேளை மகாதீர்,  பிரதமராக அன்வாருக்கு வழிவிடுவாரேயானால், நாட்டை  கணவனும் மனைவியும் அதாவது அன்வாரும் வான் அஸீசாவும் ஆள்வார்கள் என்று அவர் சொன்னார்.

 

 

 

 

 

 

 

 

 

 

 

 

 

 

 

பினாங்கு, பிப்.23-இவ்வாண்டு பத்தாவது முறையாக பினாங்கு மாநிலத்திலுள்ள 28 தமிழ்ப்பள்ளிகளுக்கும் மாநில முதல்வர் லிம் குவான் எங்,  இன்று மானியம் எடுத்து வழங்கினார்.   மாநில அரசு ஒரு லட்சத்து 75 ஆயிரம் ரிங்கிட்  நிதி ஒதுக்கீட்டைப் பகிர்ந்தளித்தது.  

அதுமட்டுமின்றி, தமிழ்ப்பள்ளிகளில் இயங்கி வரும் பாலர் பள்ளிகளையும் மாநில அரசு தற்காத்து வரும் வகையில் அதன் மேம்பாட்டிற்கும்  ரிம 100,000 நிதி ஒதுக்கீட்டை இவ்வாண்டும் வழங்கியுள்ளது. மேலும், தமிழ்ப்பள்ளி மேம்பாட்டு சிறப்புக்குழுவிற்கு மாநில அரசு ரிம 100,000 வழங்கியது.

மாநில அரசு வழங்கிய நிதி ஒதுக்கீட்டை சிறந்த முறையில் பெற்றோர்- ஆசிரியர் சங்கம் மற்றும் தலைமை ஆசிரியர்கள் பயன்படுத்தி தமிழ்ப்பள்ளிகளின் பொது வசதிகள் மேம்படுத்தப் பட்டுள்ளன என்பது சாலச்சிறந்தது. 

 கடந்தாண்டு தொடங்கி பினாங்கு மாநிலத்தில் மட்டுமே அனைத்து தமிழ்ப்பள்ளிகளிலும் அறிவியல் மற்றும் தொழில்நுட்ப வசதியுடன் கூடிய கற்றல் மற்றும் கற்பித்தல் அறிமுகப்படுத்தப்பட்டது . தமிழ்ப்பள்ளி வளர்ச்சியை பிரதிபலிக்கும் வகையில் பினாங்கு தமிழ்ப்பள்ளி மாணவர்கள் அனைத்துலக ரீதியில் கால்பதித்து வெற்றி கண்டிருப்பது குறிப்பிடத்தக்கது.

"பினாங்கில் தமிழ் இடைநிலைப்பள்ளி நிர்மாணிக்க நிலம் ஒதுக்கி விட்டோம்; ஆயினும் மத்திய அரசு மீண்டும் இந்த நிர்மாணிப்பை நிராக ரித்துள்ள வேளையில் நாங்கள் தொடர்ந்து முயற்சி செய்வோம்", என தமதுரையில்   பாகான் நாடாளுமன்ற உறுப்பினருமான  லிம் குவான் எங். தெரிவித்தார். 

தமிழ்ப்பள்ளிகளுக்கான மானியம் வழங்கும் நிகழ்வில்  2ஆவது துணை முதல்வர் பேராசிரியர்  இராமசாமி உட்பட பத்து காவான் நாடாளு மன்ற உறுப்பினர் கஸ்தூரிராணி பட்டு, ஶ்ரீ டெலிமா சட்டமன்ற உறுப்பினர் நேதாஜி இராயர், பாகான் டாலாம் சட்டமன்ற உறுப்பினர் அ.தனசேகரன், , தமிழ்ப்பள்ளிகளுக்கான சிறப்புக் கண்காணிப்புக் குழுத் தலைவர் டத்தோ கே.அன்பழகன், பெற்றோர் ஆசிரியர் சங்க பொறுப்பாளர்கள், தலைமையாசிரியர்கள், ஆசிரியர்கள், அரசு சாரா பொறுப்பாளர்கள் என பலரும் கலந்து சிறப்பித்தனர்.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

பெங்களுர், பிப்.23- பிரபல ரியாலிட்டி நிகழ்ச்சியாக வலம் வந்த பிக்பாஸ் நிகழ்ச்சியின் செட் வீடு தீயில் முற்றாக அழிந்தது. கன்னட மொழியில் பிக் பாஸ் நிகழ்ச்சியை நடத்துவதற்காக பெங்களூரில் இந்த செட் போடப்பட்டது.

பெங்களூர் அருகே இன்னோவேட்டிவ் பிலிம் சிட்டியில் கன்னட பிக்பாஸ் நிகழ்ச்சிக்காக பிரமாண்டமான செட் வீடு அமைக்கப்பட்டது. இந்நிலையில், நேற்று அதிகாலை 3 மணிக்கு வீட்டில் தீப்பற்றியது. பிரத்தியேக வீடு என்பதால் எடை குறைவான பலகை மற்றும் பொலிஸ்டிரின் பொருள் கொண்டு வீடு கட்டப்பட்டதால் தீ மிக வேகமாக பரவி வீடு முழுதும் பற்றி எரிந்தது.

தகவல் கிடைத்து தீயணைப்புப் படையினர் போராடி தீயை அணைத்தனர். ஆனாலும், பிக்பாஸ் வீட்டின் பெரும்பகுதி எரிந்து சாம்பலானது. இதனால் சுமார் 8 கோடி ரூபாய் இழப்பு ஏற்பட்டுள்ளதாக கூறப்படுகிறது. சம்பவத்தின் போது வீட்டில் யாரும் இல்லை.

ஜார்ஜ்டவுன், பிப்.23- விரைவில் தொடங்கவிருக்கும் மரண விசாரணை மூலம் தனது மகள் வசந்த பிரியா தற்கொலை செய்துகொண்ட துயரச் சம்பவத்தின் பின்னணியில் நிலவிய உண்மை நிலவரம் வெளியாகும் என்று தாம் நம்புவதாக மாணவியின் தந்தை யான 54 வயதுடைய ஆர். முனியாண்டி தெரிவித்துள்ளார்.

புக்கிட் மெர்டாஜாம்  தேசிய இடைநிலைப்பள்ளியில் இரண்டாம் படிவம் படித்து வந்த வசந்த பிரியா, அவருடைய ஆசிரியையின் கைத்தொலை பேசியத் திருடியதாக  சந்தேகத்தின்  பேரில் கடுமையாக விசாரிக்கப்பட்டதைத் தொடர்ந்து தற்கொலை முயற்சியில் ஈடுபட்டார். 

அவருடைய வீட்டிலுள்ள ஓர் அறையில் தூக்கும் மாட்டிக் கொண்டு தற்கொலையில் ஈடுபட்டதை அடுத்து மருத்துவமனையில் சேர்க்கப்பட்டி ருந்த வசந்த பிரியா,  சில நாள் கழித்து கடந்த பிப்ரவரி 1ஆம் தேதியன்று சுய நினைவு திரும்பாலேயே உயிர்நீத்தார்.

அந்தக் கைத்தொலைபேசியை தாம் எடுக்கவில்லை என்று தற்கொலை முயற்சிக்கு முன்னர் அவர் கடிதமும் எழுதி வைத்திருந்தார் என்பது குறிப்பிடத்தகக்கது.

வசந்த பிரியாவின் மரனம் தொடபில் மரண விசாரணை நடத்த அண்மையில் அட்டர்னி ஜெனரலின் அலுவலகம் அனுமதி அளித்துள்ள நிலையில் விரைவில் இந்த மறு விசாரணை தொடங்கவிருக்கிறது.

மகளை இழந்து நிற்கும் நிலையில் அந்த இழப்பைக்  கடந்து தாங்கள் செல்வதற்கு இந்த மரணத்தின் பின்னணியிலுள்ள  உண்மை கண்ட றியப்படுவது மட்டுமே தங்கள் குடும்பத்திற்கு உதவும் என்று முனியாண்டி சொன்னார்.

இப்போது தமது குடும்பம் வசந்த பிரியாவின் மரணத்தை ஏற்றுக் கொள்ள முடியாமல் தவிக்கிறது. எங்கள் பிள்ளையை நினைக்காமல் எ ந்தவொரு நாளும் எங்களைக் கடந்து போனதில்லை. இந்நிலையில் மரண விசாரணை நடத்துவதற்கு அட்டர்னி ஜெனரல் அனுமதி கொடுத்ததற்காக நாங்கள் உண்மையில் நன்றிக் கடன் பட்டுள்ளோம். என்ன நடந்தது என்பதை ஆகக் கடைசியாக நாங்கள் அறிந்து கொள்ள இது உதவும் என்று வேதனையுடன் முனியாண்டி குறிப்பிட்டார்.

என் மகள் தன் உயிரை மாய்த்துக் கொள்ள அவளைத் தூண்டியது எது என்று கண்டறியப்படவேண்டும்.  ஏனெனில்,  களவுப் போன அந்தக் கைத்தொலைபேசி கண்டு பிடிக்கப்படவில்லை.  மேலும் உள்கண்காணிப்பு காமிரா பதிவு என்று எதுவும் இருக்குமானால் அதனை நாங்கள் பார்க்க விரும்புகிறோம் என்றார் அவர்.   

அந்த காமிரா பதிவில், தங்கள் மகள்  அந்தப் போனை எடுப்பது  காட்டப்படுவதாக சில பத்திரிகைகள் செய்தியை வெளியிட்டிருந்தன. இது உண்மையல்ல. இதுபோன்ற காரியத்தை எங்கள் பெண் செய்திருக்க மாட்டாள். எனவே அந்த காமிரா பதிவை நாங்கள் பார்க்க வேண்டும் என்று முனியாண்டி சொன்னார்.

தாவாவ், பிப்.23- இன்று நண்பகலில் ஏற்பட்ட தீயில் தாவாவில் உள்ள செந்தோசா தேசியப் பள்ளியின் இரு கட்டடங்கள் தீயில் அழிந்தன. இதில் பள்ளியின் அலுவலகமும் ஆசிரியர் அறையும் முற்றாக அழிந்தது.

ஏறக்குறைய நண்பகல் 12.15 மணிக்கு தொடங்கிய தீ அரை மணி நேரத்தில் இரு கட்டடங்களையும் சூழ்ந்ததாக ஆசிரியர் அறையில் பணியாற்றிக் கொண்டிருந்த பள்ளியின் குமஸ்தா ரோஸ்டியான மாலா கூறினார்.

பள்ளியின் அலுவலகத்தின் பின்னால் கரும் புகை எழவே, மாணவர்கள் கத்தி கூச்சலிட்டுள்ளனர். சத்தம் கேட்டு அனைவரும் வெளியே வந்து பார்த்தப்போது தீ எரிய ஆரம்பித்ததாகவும் உயிரைக் காப்பாற்றி கொள்ள ஆசிரியர்கள் வெளியே ஓடி வந்ததாகவும் அவர் கூறினார்.

தீ சம்பவத்தின்போது, பள்ளி நேரம் முடிந்து விட்டதால் பெரும்பாலான மாணவர்களும் ஆசிரியர்களும் அங்கிருந்து வெளியேறி விட்டனர். இதனால் பெரும் ஆபத்து தவிர்க்கப்பட்டது.

இருப்பினும், அருகில் இருந்த பத்து தேசியப் பள்ளியின் மாலை நேர வகுப்பு மாணவர்கள் தீயைக் கண்டு வெளியே ஒடி வந்ததால் அங்கு பரபரப்பு நிலவியது. 

More Articles ...