Home | ஜோதிடம் | நக்கீரன் கோபால் மீது முதல்வர் சார்பில் அவதூறு வழக்கு

நக்கீரன் கோபால் மீது முதல்வர் சார்பில் அவதூறு வழக்கு

By
Font size: Decrease font Enlarge font

சென்னை, ஜூன்.4 - அவதூறு செய்தி வெளியிட்டதாக நக்கீரன் கோபால்  மீது முதல்வர் ஜெயலலிதா நேற்று வழக்கு தொடர்ந்துள்ளார். முதல்வர் ஜெயலலிதா சார்பில் சென்னை செசன்சு கோர்ட்டில் மாநகர அரசு வக்கீல் எம்.எல். ஜெகன் ஒரு மனுதாக்கல் செய்தார். அந்த மனுவில் கூறி இருப்பதாவது:- தமிழக முதல்வர் ஜெயலலிதாவின் நற்பெயருக்கு களங்கம் ஏற்படுத்தும் வகையில், நக்கீரன் இதழில் ஏப்ரல் 13ம் தேதி கட்டுரை வெளிவந்துள்ளது. 

அதில் ``ஜெ ஆட்சியில் கோடி கோடியாக கொள்ளை. தமிழகத்தை சுட்டெரிக்கும் ஊழல்''    என்ற தலைப்பில் செய்தி வெளியாகி உள்ளது. இந்த செய்தியில் கூறப்பட்டுள்ள விவரங்கள் அனைத்தும் கற்பனையானது. ஆதாரமற்றது. பொதுமக்கள் மத்தியில் தமிழக அரசின் நற்பெயரை கெடுக்கும் விதமாக இந்த செய்தி உள்நோக்கத்துடன் வெளியிடப்பட்டுள்ளது.

எனவே நக்கீரன் ஆசிரியர் கோபால், இணை ஆசிரியர் காமராஜ், நிருபர்கள் இளையசெல்வன், ராமகிருஷ்ணன், முகில் ஆகியோர் மீது கிரிமினல் அவதூறு சட்டத்தின் கீழ் நடவடிக்கை எடுத்து தண்டிக்க வேண்டும்.இவ்வாறு மனுவில் கூறப்பட்டுள்ளது.

இந்த மனு சென்னை மாவட்ட முதன்மை செசன்சு கோர்ட்டில் நீதிபதி பொன்கலையரசன் முன்பு விரைவில் விசாரணைக்கு வருகிறது.

Subscribe to comments feed Comments (0 posted)

total: | displaying:

Post your comment

Please enter the code you see in the image:

Captcha
  • Email to a friend Email to a friend
  • Print version Print version
  • Plain text Plain text

Tagged as:

No tags for this article

Rate this article

0