Top Stories

கோலாலம்பூர், அக்.14- ஆப்பிள் ஐபோனின் புதிய வெளியிடான ஐபோன் 8 மற்றும் 8 பிளஸ் அதிக விலை என்று நினைக்கும் ஐபோன் பிரியர்களுக்கு ஒரு நற்செய்தி. ஐபோன் 8 மற்றும் 8 பிளஸ் வெறும் 3,649 ரிங்கிட்டுக்கு விற்கப்படுகிறது. 

ஆப்பிள் நிறுவனத்தின் ஐபோன் அறிமுகம் செய்யப்பட்ட 10-ஆவது ஆண்டு நிறைவையொட்டி, ஐபோன் எக்ஸ் அதிகம் எதிர்பார்ப்பை ஏற்படுத்தி இருந்தது.

மலேசியா ஆப்பிள் நிறுவனம் அதன் அகப்பக்கத்தில் ஐபோன் எக்ஸ் விலையை வெளியிட்டுள்ளது. 64 ஜிபி கொண்ட ஐபோன் எக்ஸ் 5,149 ரிங்கிட்டுக்கும் 256 ஜிபி கொண்ட ஐபோன் எக்ஸ் 5,899 ரிங்கிட்டுக்கும் விற்கப்படுகிறது.

ஐபோன் எக்ஸ் தொலைப்பேசியைத் திறக்க முக அடையாளத் தொழில்நுட்பத்தை  பயன்படுத்த வேண்டும். வயர்லெஸ் சார்ஜிங் முறையையும் இதில் கொண்டு வந்துள்ளனர். வயர் இல்லாமல் இந்தப் போன்களை சார்ஜ் செய்யலாம். 

 சான்பிரான்சிஸ்கோ, செப்.13- முதல் 'ஐ-போன்' வெளிவந்த கடந்த 10ஆண்டுகளுக்கு பின்னர் தற்போது அறிமுகப்படுத்தப் பட்டிருக்கும் 'ஐ-போன் 10' புதிய மாடல், தொழில்நுட்ப உலகின் புதிய திருப்பு முனையாக அமைகிறது என வர்ணிக்கப்பட்டது. 

ஆப்பிள் நிறுவனம் இம்முறை மூன்று வகையான ஐ-போன்களை அறிமுகம் செய்திருக்கிறது. 'ஐ-போன் 8', 'ஐ-போன் 8 பிளஸ்' மற்றும் பிரிமியம் 'ஐ-போன் 10' ஆகியவையே அந்த மூன்று புதிய வரவுகள் ஆகும்.

"முதல் ஐ-போன் வெளிவந்த 10 ஆண்டுகளுக்குப் பின்னர் இதோ, இப்போது, இந்த இடத்தில், அறிமுகமாகும் ஐ-போன் 10 என்பது, அடுத்த 10 ஆண்டுகளுக்கான புதிய தொழிநுட்ப மாற்றங்களின் ராஜ பாதையாக அமையப் போகிறது" என்று ஆப்பிள் நிறுவனத்தின் தலைமை நிர்வாகி டிம் கூக் அறிவித்தார்.

ஆப்பிள் நிறுவனத்தின் இன்னொரு மைல் கல் இந்த 'ஐ-போன் 10' எனலாம். கைத் தொலைபேசித் தொழில் நுட்பத்தில் "மாபெரும் அதிவேக முன் பாய்ச்சல் இது" என்று அவர் வர்ணித்தார். 

இந்த ஐ-போன் 10-இல், திரை என்பது போனின் கடைசி விளிம்பு வரையில் விரிந்திருக்கும். போனை செயல்பட வைக்கும் திறவுகோல் எது தெரியுமா? உங்கள் முகம்தான். முகத்தின் அடையாளம் கண்டு, உங்கள் போன் உங்களுக்காக திறக்கும் வகையில் அமைக்கப்பட்டுள்ளது. 

மேலும், அதன் கேமிராவில் 'சூப்பர் விழிப் படலம்' உள்ளது. மிகத் துல்லியமானதாக இருக்கும். இந்த ஐ-போன் 10-இல் இரண்டு வகை அறிமுகமாகிறது. முதலாவது வகையின் விலை 999 அமெரிக்க டாலர். இரண்டாவது வகை 1,149 அமெரிக்க டாலர்.

அதேபோன்று ஐ-போன் 8 மற்றும் 8 பிளஸ் ஆகியவை கண்ணாடி உடலமைப்பைக் கொண்டவையாக  இவை விளங்குகின்றன. 

 

 

சான் பிரான்ஸ்சிக்கோ, ஆக.10- தொலைக்காட்சி சந்தையுடன் போட்டியிடும் வகையில் ‘பேஸ்புக்’ நிறுவனம் புதிய வீடியோ ஒளிப்பரப்பும் சேவை ஒன்றை புதன்கிழமையன்று அறிமுகம் செய்துள்ளது. 

தொலைக்காட்சியில் நிகழ்ச்சிகள் ஒளிப்பரப்பப்படுவது போன்று முகநூலிலும் நிகழ்ச்சிகள் ஒளிப்பரப்பப் படவிருக்கின்றன. இனிமேல், அமெரிக்காவின் தேசிய மகளிர் கூடைப்பந்து போட்டி, நேஷனல் ஜியோ கிராபிக்ஸ்சின் சாஃபாரி நிகழ்ச்சி மற்றும் டைம்ஸ் நிறுவனத்தின் பெற்றோரியல் நிகழ்ச்சி ஆகியவற்றை முகநூல் வழி  மக்கள் கண்டுக் களிக்கலாம்.

இந்த மறுவடிவமைக்கப்பட்ட வீடியோ சேவை ‘வாட்ச்’ என்ற பெயரில் அமெரிக்காவில் மட்டும் அறிமுகம் காண்கிறது. இந்தச் சேவையை முகநூல் செயலி, இணைய அகப்பக்கம் மற்றும் தொலைக்காட்சி செயலி மூலம் மக்கள் பெறலாம் என்று பேஸ்புக் நிறுவனம் தெரிவித்தது.

கடந்தாண்டு பேஸ்புக் நிறுவனம் அறிமுகம் செய்த வீடியோ சேவையில் அசல் மற்றும் நேர்த்தியாக தயாரிக்கப்பட்ட வீடியோக்களுக்கு அவ்வளவாக வரவேற்பு கிடைக்கவில்லை. மாறாக, முகநூல் பயனர்கள் பதிவேற்றம் செய்யும் வீடியோக்களுக்குதான் அதிக வரவேற்பு கிடைத்தன என்பது குறிப்பிடத்தக்கது.

 

கடந்த மே மாதம் வோக்ஸ் மீடியா, பஸ்பீட், ஏடிடிஎன், நைன் மீடியா ஆகிய பொழுதுபோக்கு அம்சம் கொண்ட நிகழ்ச்சிகளைத் தயாரிக்கும் நிறுவனங்களோடு பேஸ்புக் நிறுவனம் ஒப்பந்தங்களில் கையெழுத்திட்டது. அது மட்டுமல்லாமல், நிகழ்ச்சி தயாரிப்பாளர்கள் தங்கள் நிகழ்ச்சிகளை இந்த புதிய வீடியோ சேவையின் மூலம் பதிவேற்றம் செய்யலாம் என்று பேஸ்புக் நிறுவனம் கூறியது.

'வீடியோ கேம்'களுக்கு என்று உலகில் தனி ரசிகர் பட்டாளம் உண்டு. இன்று அதிநவீன கைப்பேசியால் பலர் மாய விளையாட்டில் மூழ்கினாலும், அன்று தொலைக்காட்சி தொடங்கி கணினி வரை வீடியோ கேம் விளையாடியதை யாராலும் மறுக்க முடியாது.

வீடியோ விளையாட்டுகள் தொடங்கியது என்னவோ 1947ஆம் ஆண்டில் தான். ஆனால் அது பிரபலமானது உலகளவில் தொலைக்காட்சிகள் பயன்படுத்தப்பட்ட 60ஆம் ஆண்டுகளில் தான். தொடக்கத்தில் கோடு வடிவில் விளையாட்டுகள் தொடங்கிய நிலையில் 90ஆம் ஆண்டுகளில் மனித மற்றும் மிருகங்களின் வடிவங்கள் அசலைப்போலவே உருவாக்கப்பட்டன. 

இருப்பினும் கார்ட்டூன் வடிவிலான விளையாட்டுகளான மாரியோ, ஸ்நேக் கேம் போன்ற விளையாட்டுகள் அதிக புகழ் பெற்றன என்பது குறிப்பிடத்தக்கது. 

பின்னர் கால ஓட்டத்தில் குறிப்பாக 2000ஆம் ஆண்டுக்கு பிறகு வீடியோ விளையாட்டுகளின் வளர்ச்சி அசூரத்தனமானது. இன்றைய இளையோர் பலர் அக்கால வீடியோ கேம்களைப் பார்த்திருப்பார்களா? கேள்வி பட்டிருப்பார்களா என்றால் இல்லை என்றே தைரியமாக கூற முடியும் இவர்களுக்காகவே காணொளி வடிவில் ஒட்டு மொத்த வீடியோ கேம்களையும் ஒன்றாக இணைத்துள்ளனர்.

மனிதன் எங்கிருந்து தோன்றினான் என்று யாராவது கேட்டால், புத்திசாலி எங்கே என்று யோசிப்பான், அதிபுத்திசாலியோ சட்டென்று அம்மாவின் வயிற்றில் என்பான். நமக்கு தெரிந்த விசயத்தை தானே நாம் கூறுவோம்.

'குரங்கிலிருந்து பிறந்தவன் மனிதன்' என்று சொல்லியே பழக்கப்பட்ட நாம், உண்மையில் எங்கு தான் மனித இனம் தோன்றியது என்பதைப் பார்ப்போம்.மனித இனம் முதலில் தோன்றியது ஆப்ரிக்காவில் அல்ல, ஐரோப்பாவில் தான் என்று ஜெர்மன் ஆராய்ச்சியாளர்கள் கண்டுபிடித்துள்ளனர்.

மனிதனின் மூதாதையர்களான ஏப்ஸ் வகை குரங்குகள் 70 லட்சம் ஆண்டுகளுக்கு முன் மத்திய ஆப்பிரிக்காவில் தோன்றியதாக ஆராய்ச்சியாளர்கள் நம்பி வருகின்றனர். இந்த நிலையில் மனித இனம் முதலில் தோன்றியது ஐரோப்பாவில்தான் என ஜெர்மன் ஆராய்ச்சியாளர்கள் கண்டறிந்துள்ளனர். 

ஜெர்மனியைச் சேர்ந்த டுபிங்கன் பல்கலைக்கழக விஞ்ஞானி மாடேலைன் போமே தலைமையிலான ஆராய்ச்சியாளர்கள் மற்றும் பல்கேரியன் அறிவியல் அகாடமியை சேர்ந்த நிகோலாய் ஸ்பேஷவ் ஆகியோர் அடங்கிய குழுவினர் இந்த ஆய்வை மேற்கொண்டனர். 

இவர்கள் ஐரோப்பா கண்டத்தில் உள்ள கிரீஸ் நாட்டில் கிடைத்த மனிதனின் மூதாதையர்களான ஹோமினிட்களின் கீழ்தாடை, பல்கேரியாவில் கிடைத்த அந்த இனத்தின் கடைவாய்ப்பல் படிமங்கள் ஆகியவற்றை ஆராய்ச்சி செய்ததில் இந்த முடிவு கிடைத்துள்ளது. இதன்படி மனித இனம் தோன்றியது ஐரோப்பா கண்டத்தில் தான் என்று அவர்கள் கூறுகின்றனர். 

இவர்கள் ஆப்பிரிக்காவை சேர்ந்த மனித மூதாதையர்களை விட 50 லட்சம் ஆண்டுகளுக்கு முன்பே வாழ்ந்துள்ளதும் தெரியவந்துள்ளது. ஆராய்ச்சி தொடர்பாக அந்த குழுவின் தலைவர் போமே கூறுகையில், `‘இந்த படிமங்கள் 70 லட்சம் ஆண்டுக்கு முந்தையது. சிம்பன்சியும் மனிதனும் என 2 ஆக பிரிந்தது கிழக்கு மத்திய தரைக்கடல் பகுதியில் தான். ஆப்ரிக்காவில் அல்ல’’ என்றார்.

கோலாலம்பூர், மே 21, ரான்சம்வேர் வைரஸ் மூலம் இணைய உலகை கலங்கடித்து வரும் வான்னக்ரையை யார் எங்கிருந்து இயக்குகிறார்கள் என்பது பற்றி தெரியாமல் உலகமே விழி பிதுங்கி நிற்கிறது. பலரின் கணினிகளைப் பதம் பார்த்துள்ள ரான்சம்வேர் எவ்வளவு பணத்தை கறந்துள்ளது என்ற தகவல் வெளியாகியுள்ளது.

மின்னஞ்சல் மூலம் அனுப்பப்படும் இந்த வைரஸை திறந்தால் அது உடனே நமது கணிணிக்குள் இறங்கி கணினியில் உள்ள முக்கியமான கோப்புகளை என்கிரிப்ட் செய்துவிடும். இது நடந்து விட்டால் நம்மால் கணினியை இயக்கமுடியாத நிலை உருவாகி விடும். 

உங்களுடைய தகவல் மீண்டும் வேண்டுமென்றால் குறிப்பிட்ட தொகையை பிட்காய்ன் எனும் சிஸ்டம் வழி பணம் செலுத்துமாறு அது உத்தரவிடுகிறது. இவ்வாறு ஊரை, உலகத்தை மிரட்டி இதுவரை 50 ஆயிரம் அமெரிக்க டாலர்களை வான்னக்ரை சம்பாதித்து உள்ளதாக பிரிட்டனின் நிபுணர்கள் கணித்துள்ளனர்.

ஆனால், ஒரு சிலரோ இது மிக குறைவான கணிப்பு என்றும் யாருக்கு அனுப்பினோம் என்பது தெரியாத பிட்காய்ன் வழி அக்குழு இன்னும் அதிகமான அளவில் பணத்தைப் பெற்றிருக்கும் என கூறியுள்ளனர்.   

மனிதன் எங்கிருந்து தோன்றினான் என்று யாராவது கேட்டால், புத்திசாலி எங்கே என்று யோசிப்பான், அதிபுத்திசாலியோ சட்டென்று அம்மாவின் வயிற்றில் என்பான். நமக்கு தெரிந்த விசயத்தை தானே நாம் கூறுவோம்.

'குரங்கிலிருந்து பிறந்தவன் மனிதன்' என்று சொல்லியே பழக்கப்பட்ட நாம், உண்மையில் எங்கு தான் மனித இனம் தோன்றியது என்பதைப் பார்ப்போம். மனித இனம் முதலில் தோன்றியது ஆப்ரிக்காவில் அல்ல, ஐரோப்பாவில் தான் என்று ஜெர்மன் ஆராய்ச்சியாளர்கள் கண்டுபிடித்துள்ளனர்.

மனிதனின் மூதாதையர்களான ஏப்ஸ் வகை குரங்குகள் 70 லட்சம் ஆண்டுகளுக்கு முன் மத்திய ஆப்பிரிக்காவில் தோன்றியதாக ஆராய்ச்சியாளர்கள் நம்பி வருகின்றனர். இந்த நிலையில் மனித இனம் முதலில் தோன்றியது ஐரோப்பாவில்தான் என ஜெர்மன் ஆராய்ச்சியாளர்கள் கண்டறிந்துள்ளனர். 

ஜெர்மனியைச் சேர்ந்த டுபிங்கன் பல்கலைக்கழக விஞ்ஞானி மாடேலைன் போமே தலைமையிலான ஆராய்ச்சியாளர்கள் மற்றும் பல்கேரியன் அறிவியல் அகாடமியை சேர்ந்த நிகோலாய் ஸ்பேஷவ் ஆகியோர் அடங்கிய குழுவினர் இந்த ஆய்வை மேற்கொண்டனர். 

இவர்கள் ஐரோப்பா கண்டத்தில் உள்ள கிரீஸ் நாட்டில் கிடைத்த மனிதனின் மூதாதையர்களான ஹோமினிட்களின் கீழ்தாடை, பல்கேரியாவில் கிடைத்த அந்த இனத்தின் கடைவாய்ப்பல் படிமங்கள் ஆகியவற்றை ஆராய்ச்சி செய்ததில் இந்த முடிவு கிடைத்துள்ளது. இதன்படி மனித இனம் தோன்றியது ஐரோப்பா கண்டத்தில் தான் என்று அவர்கள் கூறுகின்றனர்.

இவர்கள் ஆப்பிரிக்காவை சேர்ந்த மனித மூதாதையர்களை விட 50 லட்சம் ஆண்டுகளுக்கு முன்பே வாழ்ந்துள்ளதும் தெரியவந்துள்ளது. ஆராய்ச்சி தொடர்பாக அந்த குழுவின் தலைவர் போமே கூறுகையில், `‘இந்த படிமங்கள் 70 லட்சம் ஆண்டுக்கு முந்தையது. சிம்பன்சியும் மனிதனும் என 2 ஆக பிரிந்தது கிழக்கு மத்திய தரைக்கடல் பகுதியில் தான். ஆப்ரிக்காவில் அல்ல’’ என்றார்.

ஹவாய், ஏப்ரல்.2- விண்கல் ஒன்று பூமியை வந்து கொண்டிருக்கிறது. இதனால் பூமிக்கு ஆபத்து ஏற்படும் வாய்ப்பும் உண்டு என்று அமெரிக்கா விண்வெளி ஆய்வுக் கழகமான நாசா எச்சரித்து இருக்கிறது.

அமெரிக்காவின் ஹவாய் தீவில் அமைந்துள்ள ஹலீயகாலா எரிமலை பகுதியில் யான்-ஸ்பார்ஸ்-1 என்று சக்தி வாய்ந்த டெலிஸ்கோப் நிறுவப்பட்டிருக்கிறது. இந்த டெலிஸ்கோப் கடந்த மாதம் 25 ஆம் தேதியன்று பதிவு செய்த ஓர் ஆபூர்வப் புகைப்படம் நாசா விஞ்ஞானிகளை அதிர்ச்சிக்கு உள்ளாக்கியது.

அதில் பூமியை நோக்கி ஒரு விண்கல் பூமியை நோக்கி வருவதாக அந்தப்படத்தின் வழி கண்ட விஞ்ஞானிகள், அது குறித்து ஆய்வு நடத்தி உறுதிப்படுத்தினர். 

அது தற்போது பூமிக்கு அருகே 20 லட்சத்து 2 ஆயிரம் மைல் தொலைவை எட்டியிருப்பதாக விஞ்ஞானிகள் எச்சரித்துள்ளனர்.

அது மட்டுமின்றி அந்த விண்கல்லினால் பூமிக்கோ அல்லது சந்திரனுக்கோ எவ்வித அச்சுறுத்தலும் இல்லை என உறுதிப்பட தெரிவிக்க முடியவில்லை. பூமியை தாக்கும் அபாயமும் உள்ளதாக நாசா விஞ்ஞானிகள் கருதுகின்றனர். மேலும் அந்த விண்கல் பூமியை நெருங்கும் போது டெலிஸ்கோப் இன்றியும் பார்க்கமுடியும் எனவும் விஞ்ஞானிகள் தெரிவித்துள்ளனர்.

வாஷிங்டன், பிப்.23- சுமார் 40 ஒளி ஆண்டுகளுக்கு அப்பால், ஒரு சிறிய நட்சத்திரத்தைச் சுற்றி வலம் வந்து கொண்டிருக்கும் 7 கிரகங்களில் குறைந்தபட்சம் மூன்று கிரகங்களில் உயிரினங்களுக்கான வாய்ப்பு இருப்பதாக அமெரிக்காவின் நாசா விண் ஆய்வுக்கழகம் பரபரப்பான தகவலை அறிவித்திருக்கிறது.

இந்தக் கிரகங்கள் அளவில் பூமியை ஒத்ததாக உள்ளன. மேலும், இவை உயிரினப் பரிணாமங்களுக்கு உகந்த பாறைப் படிவ திடநிலை கிரகங்களாக அமைந்திருக்கின்றன என்று நாசா விஞ்ஞானிகள்  தெரிவித்தனர்.

மனிதர்கள் வாழ்வதற்கு உகந்ததாக இந்தக் கிரகரங்கள் இருக்கக்கூடும் என்ற அபிப்ராயம் பரவியதால் இது சமூக வலைதளங்களில் இது பெரும் பரபரப்பை ஏற்படுத்தி இருக்கிறது. 

விண் தொலை நோக்காடியான 'ஸ்பிட்சர்' தொலைநோக்காடி இந்த நட்சத்திரம் சார்ந்த குடும்பத்தை கண்டுபிடித்தது. மேலும் பூமியிலுள்ள இதர தொலை நோக்காடிகளின் வழி இது மறு உறுதிப்படுத்தப்பட்டது என்று நாசா விஞ்ஞானி நிக்கோல் லெவிஸ் நேற்று மிகப்பெரிய செய்தியாளர்கள் கூட்டம் ஒன்றில் அறிவித்தார்.

பூமியைப் போன்ற சூழலைக் கொண்ட அதாவது, உயிரினங்கள் இருப்பதற்கான அல்லது தோன்றுவதற்கான வாய்ப்பினைக் கொண்ட கிரகங்கள் சிலவற்றை கடந்த காலங்களில் நாசா கண்டுபிடித்து அறிவித்துள்ளது என்றாலும் இந்தப் புதிய கண்டு பிடிப்பு முற்றிலும் மாறுபட்ட ஒன்று என விஞ்ஞானிகள் கருதுகின்றனர்.

வேற்றுக் கிரகங்களில் உயிரினங்களைத் தேடும் முயற்சிகளுக்கு இந்தக் கண்டுபிடிப்பு புதிய உந்துதலை ஏற்படுத்தி இருப்பதாக அறிவியல் உலகம் கருதுகிறது.

ஒட்டுமொத்தமாக, இந்த நட்சத்திரக் குடும்பத்திற்கு 'டிராப்பிஸ்ட்-1' எனப் பெயரிடப்பட்டுள்ளது. இந்த நட்சத்திரத்தைச் சுற்றியுள்ள 7 கிரகங்களும் பூமியை ஒத்தவை என்றாலும் அதில் மூன்று மிக மிகப் பொருத்தமானவை எனக் கருதப்படுகின்றன.

ஏனெனில், இந்த மூன்று கிரகங்கள், கடல்களைத் தக்க வைத்துக்கொள்ளக் கூடியவையாக தோன்றுகிறது. இதன் பாறைப் படிவங்களும் நீர் ஆதாரங்களைத் தக்கவைக்கும் திறனும் மனிதர்கள் வசிப்பதற்கான சூழலை உருவாக்குவதற்கு உதவக்கூடியவை என்று நாசா அறிவியல் பணித் துறையின் நிர்வாகி தோமஸ் ஷுர்பக்சென் தெரிவித்துள்ளார்.

எனவே, பூமிக்கு அப்பால் இன்னொரு பூமியை நாம் வெகு விரைவில் கண்டுபிடித்து விடுவோம். அது, இந்த மூன்று கிரகங்களில் ஒன்றாகக் கூட இருக்கலாம் என அவர்  தெரிவித்திருக்கிறார்.

இந்த டிராப்பிஸ்ட்-1 கிரகக் கூட்டமைப்பு நமது சூரிய குடும்பத்தின் இயல்பைக் கொண்டுள்ளது. நமது சூரியன் கிட்டத்தட்ட 460 கோடி ஆண்டு வயதைக் கொண்டது என்றால் புதிதாக கண்டிபிடிக்கப்பட்டுள்ள கிரகங்களைக் கொண்ட அந்த நட்சத்திரம் 500 கோடி ஆண்டு வயதைக் கொண்டது. 

இந்த நட்சத்திரதிற்கு மிக அருகில் இந்த 7 கிரகங்களும் சுற்றி வருகின்றன. அதேவேளையில், இந்த நட்சத்திரம் நமது சூரியனை விட அளவில் சிறியது என்பதால் கிரகங்கள் மீதான வெப்பத் தாக்கம் பூஜ்ஜியம் செல்சியஸில் இருந்து 100 செல்சியஸிற்குள் தான் இருக்கிறது.

அடுத்து விரைவில் விண்வெளியில் செயல்படவிருக்கும்  மிகப்பெரிய இரண்டு விண் நோக்காடிகள் முழுமையாக செயல்படும் போது குறிப்பிட்ட அந்த மூன்று கிரகங்களின் உட்புறங்களையும் நாம் ஊடுருவிப் பார்க்க முடியும். உயிர்க்கூறுகளின் தடயங்கள், ஆக்ஸிஜன், மற்றும் அதன் தெளிவான புறச்சூழல்களை நாம் கண்டுகொள்ள முடியும் என்று நாசா கூறுகிறது.

 

 

 

 

 

 

 வாஷிங்டன், பிப்.21- நாம் வாழும் சூரியக் குடும்பத்திற்கு வெளியே உள்ள பூமியைப் போன்ற அமைப்பைக் கொண்ட கோள்கள் பற்றிய மிக முக்கியத் தகவல் ஒன்றை அமெரிக்காவின் விண்வெளி ஆய்வுக் கழகமான 'நாசா' நாளை அறிவிக்கக்கூடும் என்ற பெரும் பரபரப்பு உருவாகி இருக்கிறது.

மிக முக்கியத்துவம் வாய்ந்த செய்தியாளர்கள் கூட்டம் ஒன்றை அது நடத்தவிருப்பதாக தகவல் வெளியாகி இருக்கிறது. இந்தக் கூட்டம் நாளைக் காலையில் நடைபெறும் என்று அறிவிக்கப்பட்டுள்ளது.

சூரியக் குடும்பத்துக்கு அப்பாலுள்ள கோள்களைப் பற்றிய புதிய கண்டுபிடிப்புத் தகவல்களை நாசா விண்வெளி ஆய்வு மையம்  இந்தச் செய்தியாளர்கள் சந்திப்பில் வெளியிடக்கூடும் என்ற யூகம் நிலவுகிறது.

மேலும், வேற்றுக் கிரக உயிரினம் தொடர்பான தகவலாகவும் அது இருக்கக்கூடும் என வேற்றுக்கிரகவாசிகள் மீதான ஆர்வலர்கள் தெரிவித்திருப்பதால் புதிய பரபரப்பு ஏற்பட்டிருக்கிறது. 

இந்தச் சந்திப்பின் போது நாசா அறிவிக்கவிருக்கும் புதிய கண்டுபிடிப்புகள் பற்றி 'தி ஜர்னல் நேட்சர்' தளத்திலும் வெளியாகவிருக்கிறது.

இந்நிலையில், நாசா தரப்போகும் தகவல் என்னவாக இருக்கும் என்ற எதிர்பார்ப்பும் பரபரப்பும் அனைத்துலக அளவிலான விண்வெளி ஆய்வாளர்களிடையே அதிகரித்திருக்கிறது.

முன்கூட்டியே அனுமதிபெற்ற ஊடகங்களுக்கு மட்டுமே செய்தியாளர்கள் கூட்டத்தில் கலந்து கொள்ள அனுமதி அளிக்கப்படும்., இந்தச் சந்திப்பு நாசா தொலைக்காட்சியில் நேரடியாக ஒளிபரப்பு செய்யப்படவிருக்கிறது. இந்தச் செய்தியாளர்கள் சந்திப்பை http://www.nasa.gov/nasatv என்ற இணைய முகவரியில் காணலாம். 

 

 

 வெலிங்டன், பிப்.14- நியூசிலாந்தின் தென் தீவின் கடலோரப் பகுதியில் வரலாறு காணாத அளவுக்கு கூட்டம் கூட்டமாகக் கரை ஒதுங்கி உயிர்நீத்த திமிங்கலங்கள் வெடித்துச் சிதறும் அபாயத்தில் உள்ளன.

கிட்டத்தட்ட 400க்கும் அதிகமான திமிங்கலங்கள் கரைகளில் ஒதுங்கி மீண்டும் கடல் சேர முடியாமல் உயிர் நீத்துள்ளன. இந்த அளவுக்கு திமிங்கலங்கள் கரை ஒதுங்கி உயிர்நீப்பது இதுவரை நடந்திராத ஒன்று எனச் சுற்றுச் சூழல் நிபுணர்கள் தெரிவித்தனர்.

இறந்து கிடக்கும் திமிங்கலங்கள் தொடர்ந்து வீக்கமடைந்து வருகின்றன. ஒரு குறிப்பிட்ட சில நாள்களுக்குப் பின்னர் அவை வெடித்துவிடும். அவை மிகப்பெரிய சப்தத்துடன் வெடிக்கக் கூடியவை என்பதால் சுற்றுச் சூழல் மிகுந்த மாசுபடும் என்பது குறிப்பிடத்தக்கது.

இந்தச் சங்கடத்திலிருந்து தப்புவதற்காக நிபுணர்கள், இறந்து கிடக்கும் திமிங்கலங்களின் உடல்களில் பல இடங்களில் துவராங்களை உருவாக்கி வருகின்றனர். இதன் மூலம் அவை வெடிப்பதைப் தவிர்க்க முடியும் என அவர்கள் கூறுகிறார்கள்.

மடிந்து விட்ட திமிங்கலங்களின் உடலுக்குள் ஒருவகை வாயு உருவாகி, அவை பெருக்கமடையும் போது அவை வெடித்துச் சிதறி விடும். இத்தகைய துவாரங்களின் வழி அந்த வாயு வெளிறே வழிவகுத்து விட்டால் அவை வெடிக்காது என்று நியூசிலாந்து நிபுணர் திரிஷ் கிரேண்ட் கூறினார்.

எனினும், இப்பிரச்சனை மேலும் பூதகரமாக உருவெடுக்கும்  அபாயம் இருப்பதாக அவர் சொன்னார். இப்பகுதியின் கடலோரத்தில் இருந்து சற்று தொலைவான இடங்களில் இன்னும் நிறைய திமிலங்கலங்கள் சுற்றித் திரிந்து கொண்டிருக்கின்றன. 

இவை திசைதப்பி கடலோரப் பகுதிகளில் ஒதுங்குமேயானால் மேலும் பல மடிய நேரும். கரைக்கு வந்த திமிங்கலங்களை மீண்டும் கடலுக்குள் கொண்டு போய்விடும் தங்களின் முயற்சிகளுக்கு எதிர்பார்த்த மாதிரி பலன்கள் கிடைப்பதில்லை. அவை கடலுக்கு திரும்ப மறுத்து கரையிலேயே மடிகிற பரிதாபநிலை தொடர வாய்ப்புள்ளது என்று திரிஷ் கிரேண்ட் கூறினார்.

 

 
 

கோலாலம்பூர், பிப்ரவரி 10-  சர்வதேச நேரப்படி, இன்று 10 மணிக்கு  தொடங்கும் சந்திர கிரகணம் மறுநாள் 2.53  மணி வரை நீடிக்கும் எனக் கூறப்பட்டுள்ளது. 

அமெரிக்கா, ஐரோப்பா, ஆப்பிரிக்கா  மற்றும் ஆசியாவிலுள்ள பல பகுதிகளில் இந்த அதிசய காட்சியைக் காணலாம். சந்திர கிரகணம் ஏற்படும் போது பூமி  இடையில் அமைந்திருக்க சூரியன், சந்திரன் ஆகியவை அணிவகுத்து நிற்கும். 

இந்த அணிவகுப்பின் போது பூமியின் நிழல், சந்திரன் மீது விழுந்து சந்திர கிரகணத்தை ஏற்படுத்தும்.மேலும், சந்திர கிரகணத்தின் போது நிலவு வெள்ளி படர்ந்ததை போல பேரழகாக காட்சியளிக்கும்.

பிப்ரவரியில் தோன்றும் இந்த முழு நிலவு, பனி நிலவு என அழைக்கப்படுகிறது. மேலும் கமெட் 45p என்னும் வால்நட்சத்திரமும் நடு இரவில் தோன்றும் என தெரிகிறது இந்த கமெட் 45p வால் நட்சத்திரம் 1948-ஆம் ஆண்டு கண்டுப்பிடிக்கப்பட்டதாகும்.

Advertisement