கோலாலம்பூர், மே 21, ரான்சம்வேர் வைரஸ் மூலம் இணைய உலகை கலங்கடித்து வரும் வான்னக்ரையை யார் எங்கிருந்து இயக்குகிறார்கள் என்பது பற்றி தெரியாமல் உலகமே விழி பிதுங்கி நிற்கிறது. பலரின் கணினிகளைப் பதம் பார்த்துள்ள ரான்சம்வேர் எவ்வளவு பணத்தை கறந்துள்ளது என்ற தகவல் வெளியாகியுள்ளது.

மின்னஞ்சல் மூலம் அனுப்பப்படும் இந்த வைரஸை திறந்தால் அது உடனே நமது கணிணிக்குள் இறங்கி கணினியில் உள்ள முக்கியமான கோப்புகளை என்கிரிப்ட் செய்துவிடும். இது நடந்து விட்டால் நம்மால் கணினியை இயக்கமுடியாத நிலை உருவாகி விடும். 

உங்களுடைய தகவல் மீண்டும் வேண்டுமென்றால் குறிப்பிட்ட தொகையை பிட்காய்ன் எனும் சிஸ்டம் வழி பணம் செலுத்துமாறு அது உத்தரவிடுகிறது. இவ்வாறு ஊரை, உலகத்தை மிரட்டி இதுவரை 50 ஆயிரம் அமெரிக்க டாலர்களை வான்னக்ரை சம்பாதித்து உள்ளதாக பிரிட்டனின் நிபுணர்கள் கணித்துள்ளனர்.

ஆனால், ஒரு சிலரோ இது மிக குறைவான கணிப்பு என்றும் யாருக்கு அனுப்பினோம் என்பது தெரியாத பிட்காய்ன் வழி அக்குழு இன்னும் அதிகமான அளவில் பணத்தைப் பெற்றிருக்கும் என கூறியுள்ளனர்.   

தோக்கியோ, மார்ச் 15- இன்னும் 100 ஆண்டுகளில் நாம் செவ்வாய்கிரகத்தில் வாழமுடியும் என்கிறார்கள் ஆய்வாளர்கள். நம் பேரப்பிள்ளைக்களுக்கான இடத்தை இப்போதே பதிவு செய்யவேண்டிய நிலை வந்துவிடும் போல..

ஜப்பானின் விண்வெளி வீராங்கனை நவோகா யமாஷாகி தான் இதைக் கூறியுள்ளார். தற்போதைய அறிவியல் வளர்ச்சியின் அசுர வேகத்தினைப் பார்க்கும்போது செவ்வாயில் குடியேறுவது விரைவில் சாத்தியமாகும் என அவர் கூறினார்.

ஓர் ஆங்கில செய்திக்கு அவர் அளித்த பேட்டியில், "தற்போது விண்வெளியில் மனிதர்கள் வாழ்வதற்கான சூழ்நிலை நிலவுகிறது. 

சர்வதேச விண்வெளி நிலையத்தில் அதிகபட்சமாக 15 ஆண்டுகள் ஒருவரால் வாழ முடியும் என்ற நிலை உருவாகியுள்ளது. சிறுநீரை சுத்திகரித்து நீராகவும் கரிமிலவாயுவை சுத்திகரித்து பிராணவாயுவாகவும் மாற்றும் தொழிநுட்பங்கள் பயன்படுத்தப்படுகின்றன. 

இவற்றுக்கான செலவுகள் அதிகம் என்றாலும் அதனைக் குறைப்பதற்கான வழிகளும் ஆராயப்பட்டு வருகின்றன" என அவர் கூறினார்.

இதன்வழி, சும்மா ஊர் சுற்றிப் பார்க்க செல்வது போல செவ்வாயிக்கு செல்லும் காலம் நெருங்கி வருவதாக அவர் கூறினார்.

பார்சிலோனா, பிப்.28- இவ்வருடத்தின் அரையாண்டுக்குள் கைப்பேசி பயன்படுத்துவோரின் எண்ணிக்கை உலகளவில் 500 கோடியை எட்டும் என கூறப்பட்டுள்ளது. குறிப்பாக இந்தியாவில் அடுத்த மூன்று ஆண்டுகளில் 310 மில்லியன் பயனர்கள் அதிகரிப்பு இதற்கு பெரும் பங்கு வகிக்கும் என கூறப்படுகிறது.

கடந்த வருடம் உலகின் மொத்த கைப்பேசி பயனர்கள் மொத்தம் 480 கோடி பேர் அதாவது 4.8 பில்லியன். இது இவ்வருட இறுதிக்குள் 5.7 பில்லியனாக மாறும் என இது தொடர்பாக ஆய்வு நடத்திய ஜிஎஸ்மா எனும் நிறுவனம் தெரிவித்துள்ளது. இந்நிலை நீடித்தால் இன்னும் மூன்று ஆண்டுகளில் அதாவது 2020-ல் உலக மக்கள் தொகையில் மூன்றில் ஒரு பகுதி எனும் அளவில் கைப்பேசி பயனர்கள் அதிகரிப்பர்.

இந்த எண்ணிக்கை அதிகரிப்பு முக்கிய பங்கு வகிக்கிறது ஆசிய கண்டம். ஆசியாவின் மக்கள் தொகை குறிப்பாக இந்தியாவின் மக்கள் தொகை கைப்பேசி விற்பனைக்கு பெரும் ஆதரவாக அமையும் என கைப்பேசி பொருளாதார ஆய்வு கூறுகிறது. 

இன்னும் மூன்று ஆண்டுகளில் இந்தியாவில் 310 மில்லியன் (31 கோடி) புதிய சந்தாதாரர்கள் உருவாகுவர் என்கிறது அந்த ஆய்வு. அகன்ற அலைவரிசை மற்றும் விவேக கைப்பேசியின் அதிவேக வளர்ச்சி, பயனர்களை ஈர்க்க காரணமாக அமைகிறது. 

இதுவரை உலகளவில் 188 நாடுகளில் 4ஜி எனும் 540 கட்டமைப்புகள் அறிமுகப்படுத்தப்பட்டுள்ளன. இது உலக மக்கள் தொகையில் 60 விழுக்காட்டினை உள்ளடக்கியதாகும்.

பார்சிலோனா, பிப்.27- கைப்பேசி பிரியர்களின் விருப்பத் தேர்வாக இருந்த நோக்கியா 3310 ரக கைப்பேசி தற்போது மீண்டும் சந்தைக்கு வந்துள்ளது. சுமார் 12 வருடங்கள் கழித்து நோக்கியா கைப்பேசி மீண்டும் தொடர்பு உலகை ஆக்கிரமிக்க தொடங்கிய முதல் பயணமாக இது கருதப்படுகிறது.

2000-ஆம் ஆண்டுகளில் மிகவும் பிரசித்த கைப்பேசி நோக்கியா 3310 ஆகும். மலேசியாவில் பலர் இதனைக் குறிப்பிடும்போது 'எவ்வளவு அடிபட்டாலும் எத்தனை முறை கீழே விழுந்தாலும் உடையாத கைப்பேசி' என்று தான் குறிப்பிடுவர். உரத்த சத்தத்துடன் உறுதியான அமைப்புடன் வலம் வந்த இந்த நோக்கியா மீண்டும் வெளிவர துவங்கியுள்ளது ஆண்ட்ரோய்டு செயலியுடன்.

1998ம் ஆண்டு முதல் 2011ம் ஆண்டு வரை கைப்பேசி உலகை ஆண்ட நோக்கியா நிறுவனம், அதன் வைரியான சம்சுங் நிறுவனத்தால் வலுவிழந்து போனது. பின்னர், மைக்ரோசோஃப்ட் நிறுவனத்திடம் விற்கப்பட்ட அதனை, தற்போது எச்எம்டி குளோபல் நிறுவனம் வாங்கி, நோக்கியா எனும் முத்திரையைப் பயன்படுத்தும் உரிமையையும் பெற்று கொண்டது.

நேற்று அதிகாரப்பூர்வமாக இதன் வெளியீட்டு விழா நடைபெற்றது. இதனுடன், நோக்கியா 3, நோக்கியா 5, நோக்கியா 6 ஆகிய கைப்பேசி ரகங்களும் நேற்று வெளியீடு கண்டன. இதன் வழி வரும் 2019ஆம் ஆண்டுக்குள் உலக கைப்பேசி சந்தையில் 5 விழுக்காட்டினை நோக்கியா கைப்பற்றும் என அதன்  மூத்த செயல் அதிகாரி அர்தோ நும்மேலா நம்பிக்கை தெரிவித்துள்ளார்.

இன்னொரு கொசுறு தகவல், நோக்கியா 3310வின் சிறப்பான 'ஸ்னேக் கேம்' எனும் பாம்பு விளையாட்டும் இந்த கைப்பேசியில் இடம்பெற்றுள்ளது.

More Articles ...