'ஐ-போன்:-10' அறிமுகம்: தொழில்நுட்ப உலகின் அதிவேகப் பாய்ச்சல்!

தொழில்நுட்பம்
Typography

 சான்பிரான்சிஸ்கோ, செப்.13- முதல் 'ஐ-போன்' வெளிவந்த கடந்த 10ஆண்டுகளுக்கு பின்னர் தற்போது அறிமுகப்படுத்தப் பட்டிருக்கும் 'ஐ-போன் 10' புதிய மாடல், தொழில்நுட்ப உலகின் புதிய திருப்பு முனையாக அமைகிறது என வர்ணிக்கப்பட்டது. 

ஆப்பிள் நிறுவனம் இம்முறை மூன்று வகையான ஐ-போன்களை அறிமுகம் செய்திருக்கிறது. 'ஐ-போன் 8', 'ஐ-போன் 8 பிளஸ்' மற்றும் பிரிமியம் 'ஐ-போன் 10' ஆகியவையே அந்த மூன்று புதிய வரவுகள் ஆகும்.

"முதல் ஐ-போன் வெளிவந்த 10 ஆண்டுகளுக்குப் பின்னர் இதோ, இப்போது, இந்த இடத்தில், அறிமுகமாகும் ஐ-போன் 10 என்பது, அடுத்த 10 ஆண்டுகளுக்கான புதிய தொழிநுட்ப மாற்றங்களின் ராஜ பாதையாக அமையப் போகிறது" என்று ஆப்பிள் நிறுவனத்தின் தலைமை நிர்வாகி டிம் கூக் அறிவித்தார்.

ஆப்பிள் நிறுவனத்தின் இன்னொரு மைல் கல் இந்த 'ஐ-போன் 10' எனலாம். கைத் தொலைபேசித் தொழில் நுட்பத்தில் "மாபெரும் அதிவேக முன் பாய்ச்சல் இது" என்று அவர் வர்ணித்தார். 

இந்த ஐ-போன் 10-இல், திரை என்பது போனின் கடைசி விளிம்பு வரையில் விரிந்திருக்கும். போனை செயல்பட வைக்கும் திறவுகோல் எது தெரியுமா? உங்கள் முகம்தான். முகத்தின் அடையாளம் கண்டு, உங்கள் போன் உங்களுக்காக திறக்கும் வகையில் அமைக்கப்பட்டுள்ளது. 

மேலும், அதன் கேமிராவில் 'சூப்பர் விழிப் படலம்' உள்ளது. மிகத் துல்லியமானதாக இருக்கும். இந்த ஐ-போன் 10-இல் இரண்டு வகை அறிமுகமாகிறது. முதலாவது வகையின் விலை 999 அமெரிக்க டாலர். இரண்டாவது வகை 1,149 அமெரிக்க டாலர்.

அதேபோன்று ஐ-போன் 8 மற்றும் 8 பிளஸ் ஆகியவை கண்ணாடி உடலமைப்பைக் கொண்டவையாக  இவை விளங்குகின்றன. 

 

 

BLOG COMMENTS POWERED BY DISQUS