இந்தியாவில் கைப்பேசி ஆதிக்கம்; 2020-க்குள் 310 மில்லியன் புதிய பயனர்கள்!

தொழில்நுட்பம்
Typography

பார்சிலோனா, பிப்.28- இவ்வருடத்தின் அரையாண்டுக்குள் கைப்பேசி பயன்படுத்துவோரின் எண்ணிக்கை உலகளவில் 500 கோடியை எட்டும் என கூறப்பட்டுள்ளது. குறிப்பாக இந்தியாவில் அடுத்த மூன்று ஆண்டுகளில் 310 மில்லியன் பயனர்கள் அதிகரிப்பு இதற்கு பெரும் பங்கு வகிக்கும் என கூறப்படுகிறது.

கடந்த வருடம் உலகின் மொத்த கைப்பேசி பயனர்கள் மொத்தம் 480 கோடி பேர் அதாவது 4.8 பில்லியன். இது இவ்வருட இறுதிக்குள் 5.7 பில்லியனாக மாறும் என இது தொடர்பாக ஆய்வு நடத்திய ஜிஎஸ்மா எனும் நிறுவனம் தெரிவித்துள்ளது. இந்நிலை நீடித்தால் இன்னும் மூன்று ஆண்டுகளில் அதாவது 2020-ல் உலக மக்கள் தொகையில் மூன்றில் ஒரு பகுதி எனும் அளவில் கைப்பேசி பயனர்கள் அதிகரிப்பர்.

இந்த எண்ணிக்கை அதிகரிப்பு முக்கிய பங்கு வகிக்கிறது ஆசிய கண்டம். ஆசியாவின் மக்கள் தொகை குறிப்பாக இந்தியாவின் மக்கள் தொகை கைப்பேசி விற்பனைக்கு பெரும் ஆதரவாக அமையும் என கைப்பேசி பொருளாதார ஆய்வு கூறுகிறது. 

இன்னும் மூன்று ஆண்டுகளில் இந்தியாவில் 310 மில்லியன் (31 கோடி) புதிய சந்தாதாரர்கள் உருவாகுவர் என்கிறது அந்த ஆய்வு. அகன்ற அலைவரிசை மற்றும் விவேக கைப்பேசியின் அதிவேக வளர்ச்சி, பயனர்களை ஈர்க்க காரணமாக அமைகிறது. 

இதுவரை உலகளவில் 188 நாடுகளில் 4ஜி எனும் 540 கட்டமைப்புகள் அறிமுகப்படுத்தப்பட்டுள்ளன. இது உலக மக்கள் தொகையில் 60 விழுக்காட்டினை உள்ளடக்கியதாகும்.

BLOG COMMENTS POWERED BY DISQUS