ஹலோ செவ்வாய்க்கிரகமா? 100 வருஷத்துல நான் அங்கே வந்துடுவேன்..!

தொழில்நுட்பம்
Typography

தோக்கியோ, மார்ச் 15- இன்னும் 100 ஆண்டுகளில் நாம் செவ்வாய்கிரகத்தில் வாழமுடியும் என்கிறார்கள் ஆய்வாளர்கள். நம் பேரப்பிள்ளைக்களுக்கான இடத்தை இப்போதே பதிவு செய்யவேண்டிய நிலை வந்துவிடும் போல..

ஜப்பானின் விண்வெளி வீராங்கனை நவோகா யமாஷாகி தான் இதைக் கூறியுள்ளார். தற்போதைய அறிவியல் வளர்ச்சியின் அசுர வேகத்தினைப் பார்க்கும்போது செவ்வாயில் குடியேறுவது விரைவில் சாத்தியமாகும் என அவர் கூறினார்.

ஓர் ஆங்கில செய்திக்கு அவர் அளித்த பேட்டியில், "தற்போது விண்வெளியில் மனிதர்கள் வாழ்வதற்கான சூழ்நிலை நிலவுகிறது. 

சர்வதேச விண்வெளி நிலையத்தில் அதிகபட்சமாக 15 ஆண்டுகள் ஒருவரால் வாழ முடியும் என்ற நிலை உருவாகியுள்ளது. சிறுநீரை சுத்திகரித்து நீராகவும் கரிமிலவாயுவை சுத்திகரித்து பிராணவாயுவாகவும் மாற்றும் தொழிநுட்பங்கள் பயன்படுத்தப்படுகின்றன. 

இவற்றுக்கான செலவுகள் அதிகம் என்றாலும் அதனைக் குறைப்பதற்கான வழிகளும் ஆராயப்பட்டு வருகின்றன" என அவர் கூறினார்.

இதன்வழி, சும்மா ஊர் சுற்றிப் பார்க்க செல்வது போல செவ்வாயிக்கு செல்லும் காலம் நெருங்கி வருவதாக அவர் கூறினார்.

BLOG COMMENTS POWERED BY DISQUS