ஒரே வானம், இரு சூரியன்கள், என்ன நடக்குது உலகத்திலே? -(VIDEO)

இயற்கை
Typography

 நியூயார்க், ஜன.17- உலகில் எத்தனையோ வினோதங்கள், அவற்றில் இதுவும் ஒன்று..., இரண்டு சூரியன்கள் ஒரே சமயத்தில் தோன்றினால், அதுவும் பொங்கல் காலத்தில் தோன்றினால் குழப்பமாக இருக்காதா?

அமெரிக்காவின் சில பகுதிகளிலும் கனடாவின் சில பகுதிகளிலும் கடந்த இரண்டு தினங்களாக இத்தகைய இரட்டைச் சூரியனின் தோற்ற த்தைக் காணமுடிந்தது.

 

இன்னும் ஓரிரு தினங்களுக்கு இது நீடிக்கும் என்று கூறப்படுகிறது. குறிப்பாக, கோடை காலத்திலும் இலையுதிர்க் காலத்திலும் இதனைக் காணலாம். இருப்பினும், இவற்றை இரட்டைச் சூரியன்கள் என்று கருதுவோமேயானால் அது பிழையாக அமையும்.

உண்மையில், இது இரட்டைச் சூரியனின் தோற்றமல்ல என்கிறார்கள் நிபுணர்கள். காலையில் சூரியன் உதிக்கும் போது இது நிகழ்வதுண்டு. சூரியனின் ஒளி, அதன் புறச்சுழலிலுள்ள பனிப் படிகங்களின் மீது படரும் போது உண்மையான சூரியனின் பிரதிபிம்பம் ஒன்று வெளிப்படும்.

அந்தப் பிரதிபிம்பம் தான் இரட்டை சூரியன்களாக நமது பார்வைக்குப் புலப்படுகிறது என்கிறார்கள் நிபுணர்கள். இதனை அறுவடை நிலா என்றோ அல்லது வேட்டை நிலா என்றோ அழைப்பதும் உண்டு.

BLOG COMMENTS POWERED BY DISQUS