சீ கேம்ஸ்: தொடர்கிறது வேட்டை!  மலேசியாவுக்கு 7-ஆவது தங்கம்!

மலேசிய அரங்கம்
Typography

 

கோலாலம்பூர், ஆக.18- மலேசியாவின் சீ விளையாட்டு தங்க வேட்டைத் துரிதமடைந்திருக்கிறது. இன்று காலையில் நீச்சல் போட்டியிலும் அம்பு எய்தும் போட்டியிலும் மலேசியா மூன்று தங்கப் பதக்கங்களை வென்றது.

ஏற்கனவே, நான்கு தங்கப் பதக்கங்களைக் கைப்பற்றியிருந்த நிலையில் மலேசியா, இன்று நண்பகல் வரை 7 தங்கப் பதக்கங்களாக எண்ணிக்கையை உயர்த்தியுள்ளது.

திறங்தவெளி நீச்சல் போட்டியில் ஆண்களுக்கான 10 கிலோமீட்டர் போட்டியில் மலேசிய வீரர் கெவின் யாப் மலேசியாவின் 5ஆவது தங்கத்தை வென்றார். அதேவேளையில், பெண்கள் பிரிவில் மலேசிய வீராங்கனை ஹெய்டி கான் 6ஆவது தங்கத்தை வென்றார்.

இதனிடையே, அம்பு எய்தும் போட்டியின் கலப்பு இரட்டையர் பிரிவில் மலேசியா 7ஆவது தங்கப் பதக்கத்தைப் கைப்பற்றி வெற்றி பயணத்தைத் தொடர்ந்து கொண்டிருக்கிறது.

மலேசியாவின் முன்னனி வீரர் வீராங்கனையான முகம்மட் ஜுவாய்டி மர்ஸுக்கி மற்றும் நூர்பாத்கா மாட் சாலே ஜோடி 152 புள்ளிகள் எடுத்து தங்கப் பதக்கத்தை பெற்றது.

இறுதி சுற்றில் மலேசிய ஜோடியை எதிர்த்துப் போட்டியிட்ட மியன்மார் ஜோடி 142 புள்ளிகளைப் பெற்று வெள்ளிப் பதக்கத்தை வென்றது.

 அதேவேளையில் ஞாயிறன்று நடக்கவிருக்கும் 5 வகையான அம்பு எய்தும் போட்டிகளில் மலேசியா கூடுதல் தங்கங்களைக் குவிக்கும் என்று எதிர்பார்க்கப்படுகிறது.

BLOG COMMENTS POWERED BY DISQUS