மலேசியாவின் இரட்டை தங்க ஜோடிகள்!

மலேசிய அரங்கம்
Typography

கோல்டு கோஸ்ட், ஏப்ரல்.13-இங்கு நடந்து வரும் காமன்வெல்த் விளையாட்டில் இசை நடன ஜிம்னாஸ்டிக் போட்டியில் மலேசிய வீராங்கனையான 23 வயதுடைய அமி குவான் டிக் வெங் தங்கப் பதக்கத்தை வென்றார்.

ரிப்பன் வகை இசை நடன  ஜிம்னாஸ்டிக்  போட்டியில் அமி மொத்தம் 13.200 புள்ளிகளைப் பெற்று முதலிடத்தைப் பிடித்து மலேசியாவுக்கு தங்கத்தை பெற்றுத்தந்தார். 

அதேவேளையில்,  சைப்ரஸ் வீராங்கனை டியாமண்டோ  வெள்ளிப் பதக்கத்தையும் மற்றொரு  மலேசிய வீராங்கனையான கோய் சி யான் வெண்கலப் பதக்கத்தையும் வென்றனர். 

 ஜிம்னாஸ்டிக்  போட்டிகளில் ஒரு தங்கம், 3 வெள்ளி  மற்றும் 3 வெண்கலப் பதக்கங்களை மலேசியக்குழு வென்றது என்பது குறிப்பிடத்தக்கது.

இதனிடையே லான் போவ்ல்ஸ் எனப்படும்' பந்து உருட்டும்' போட்டியில் மலேசியாவின் எம்மா ஃபீயானா மற்றும் சித்தி ஷலினா ஜோடி தங்கப் பதக்கத்தை வென்றது. 

இறுதியாட்டத்தில் பலம் பொருந்திய தென் ஆப்பிரிக்க ஜோடியான நிக்கோல்னி மற்றும் கோலின் பிக்கெட் ஜோடியை வென்று மலேசிய வீராங்கனைகள் தங்கத்தை தட்டிச் சென்றனர்.

BLOG COMMENTS POWERED BY DISQUS