மிஃபா கால்பந்து சூதாட்டம்: முன்னாள் ஆட்டக்காரர் ஆ சோங்கை எம்ஏசிசி தேடுகிறது!

கோப்புப் படம்

மலேசிய அரங்கம்
Typography

கோலாலம்பூர், ஏப்ரல் 12- கால்பந்து போட்டிகளின் முடிவை முன்னமே நிர்ணயித்த விவகாரம் தொடர்பில் தேசிய முன்னாள் ஆட்டக்காரரான ஆ சோங் என்றழைக்கப்படும் கைருலை மலேசிய ஊழல் தடுப்பு ஆணையம் தேடுகிறது. கால்பந்து போட்டியில் நடந்த மோசடி தொடர்பான விசாரணைக்கு உதவ அவரைத் தேடுவதாக ஆணையம் கூறியது.

மலேசிய பிரிமியர் லீக் போட்டியில், முடிவை முன்னமே நிர்ணயிக்கும் விதத்தில் மிஃபா விளையாட்டளர்கள் லஞ்சம் வாங்கியதற்காக கைது செய்யப்பட்ட விவகாரம் பெரிய அதிர்ச்சியலையை ஏற்படுத்தியது. 

இவ்விவகாரம் தொடர்பாக ஒரு வெளிநாட்டு விளையாட்டாளர் மற்றும் இரு உள்ளூர் விளையாட்டாளர்கள் கைது செய்யப்பட்டனர். மேலும் இடைத்தரகர் ஒருவரும் கைது செய்யப்பட்டார். இவர்கள் அனைவரும் போட்டியின் முடிவை நிர்ணயிக்க ரிம.10,000 முதல் ரிம.30,000 வரை லஞ்சம் பெற்றதாக வழக்கு பதிவுச் செய்யப்பட்டது.

இவ்விவகாரத்தைத் தொடர்ந்து ஆராய்ந்து வரும் ஊழல் தடுப்பு ஆணையம், விசாரணைக்கும் உதவும் முன்னாள் ஆட்டக்காரர் கைருலை வகையில் தேடுகின்றனர். கைருல் முன்னர் சிலாங்கூர் மற்றும் நெகிரி செம்பிலான் குழுவிற்கு விளையாடியவர் என்பது குறிப்பிடத்தக்கது. அவர் உடனடியாக எம்ஏசிசி அலுவகத்திற்கு வருமாறு கேட்டுக் கொள்ளப்பட்டுள்ளார். அப்படி அவர் வராவிட்டால், ஆணையம் சட்ட நடவடிக்கை எடுக்கும் என ஆணையம் தெரிவித்துள்ளது.

BLOG COMMENTS POWERED BY DISQUS