மலேசியாவின் புகழ்மிக்க கால்பந்து பயிற்சியாளர் வெய்காங் காலமானார்!

மலேசிய அரங்கம்
Typography

 கோலாலம்பூர், ஜூன்.13- மலேசிய கால்பந்து ரசிகர்களின் மனங்களில் நீங்கா இடம்பிடித்த முன்னாள் தேசிய கால்பந்து பயிற்சியாளர் கார்ல் வெய்காங் இன்று காலை தமது 81 ஆவது வயதில் மாரடைப்பினால் காலமானார்.

தேசிய கால்பந்து குழுவின் பயிற்சியாளராக வெய்காங் செயல்பட்ட காலம் மலேசியா புதிய வரலாறு படைத்த காலம் என்பது குறிப்பிடத்தக்கது.

1980ஆம் ஆண்டு நடந்த மாஸ்கோ ஒலிம்பிக் போட்டிக்கான தேர்வு ஆட்டங்களில் மலேசியா வாகைசூடி ஒலிம்பிக்கிற்கு தகுதி பெற்றதை மலேசியர்கள் இன்னமும் மறக்கவில்லை.

இந்த ஒலிம்பிக் சாதனைக் குழுவுக்கு பயிற்சியாளராக இருந்தவர் ஜெர்மனியைச் சேர்ந்த வெய்காங் தான் என்பது குறிப்பிடத்தக்கது.

இன்று காலையில் ஜெர்மனியில் அவர் காலமானார் என்ற தகவலை பேரா கால்பந்து சங்கத்தின் துணைத்தலைவர் டத்தோ ஷாருல் ஷமான் உறுதிப்படுத்தினார்.

மேலும், ஜொகூர் குழுவுக்கும் பேரா குழுக்கும் பயிற்சியாளராக பொறுப்பு வகித்துள்ள வெய்காங் ஆப்பிரிக்காவிலும் ஆசியாவிலும் சில நாடுகளின் தேசியக் குழுவுக்கு பயிற்சியாளாராக இருந்துள்ளார். 

மலேசிய கால்பந்து ரசிகர்கள் மத்தியில் குறிப்பாக, 80ஆம் ஆண்டுகளில் மலேசிய கால்பந்துத் திறன் உச்சம் பெற்றிருந்த அந்தக் காலக் கட்டத்தைச் சேர்ந்த ரசிகர்களிடையே வெய்காங்கின் மறைவு பெரும் சோகத்தை ஏற்படுத்தி இருக்கிறது. 

 

 

BLOG COMMENTS POWERED BY DISQUS