கோலாலம்பூர், ஆக.16- கோலாலம்பூரில் நடக்கும் 29ஆவது சீ விளையாட்டுப் போட்டியில் முதல் தங்கப் பதக்கத்துடன் மலேசியா தனது அதிரடி வெற்றிப் பயணத்தைத் தொடங்கிவிட்டது. செப்பாக் தக்ராவ் 'சின்லோன்'  என்றழைக்கப்படும் பிரம்புப் பந்து வட்டப் போட்டியில் மலேசியா தனது முதலாவது சீ விளையாட்டுத் தங்கத்தை இன்று வாகைசூடியது.

கோலாலம்பூர் சீ விளையாட்டுப் போட்டி அதிகாரப்பூர்வமாக 19ஆம் தேதி தொடங்கவிருக்கும் நிலையில் சில போட்டிகள் முன்கூட்டியே தொடங்கி தற்போது நடந்து வருகின்றன.

அந்த வகையில் தித்திவங்சா உள்ளரங்கத்தில் நடந்த சின்லோன் போட்டியின் இறுதியாட்டத்தில் 391 புள்ளிகளை எடுத்து மலேசியா முதலிடத்தைப் பிடித்ததன் வழி தங்கத்தை வென்றது.  'ஜாலோர் கெமிலாங்' வெற்றிக் கொடி உயரப் பறந்தது.

இரண்டாவது இடத்தைப் பிடித்த பிலிப்பைன்ஸ் 271 புள்ளிகளைப் பெற்று வெள்ளிப் பதக்கத்தை வென்றது. இந்த சின்லோன் என்ற பிரம்புப் பந்து வட்டப் போட்டியின் பூர்வீகம் பியன்மார் ஆகும்.

ஒரு வட்டத்திற்குள் இருந்து, ஆறு ஆட்டக்காரர்கள் பிரம்புப் பந்தை காலில் தட்டித் தட்டி தரையில் விழாமல் விளையாடவேண்டும் இந்தப் போட்டியில் மலேசியா இதுவரை தங்கம் வென்றது கிடையாது, இதுவே முதன் முறையாகும்.

ரோக் பார்க் (கனடா), ஆக.12- கனடாவில் நடந்த உலகத் தமிழர் பேட்மிண்டன் போட்டியின் ‘மலேசியா போலே’ என்பது மீண்டும் ஒருமுறை  நிரூபிக்கப்பட்டிருக்கிறது.

ஆண்டுதோறும் நடைபெறும் இந்த உலகத் தமிழர் பேட்மிண்டன் போட்டியின் இரட்டைப் பிரிவில் மலேசியா சாம்பியனாக வாகை சூடியது. 

மலேசிய வீரர் விநாயகன் பெரியசாமி இறுதியாட்டத்தில் மலேசியாவின் வெற்றி குறித்து லண்டனிலுள்ள மலேசிய இந்தியர்கள் கிளப் (MIC) தகவலை வெளியிட்டிருப்பதோடு இது குறித்து தங்களின் மகிழ்ச்சியையும் தெரிவித்துக் கொண்டனர். இங்கிலாந்தில் மலேசியர்களின் ஒருங்கிணைத்து சேவை செய்யும் அமைப்பாக மலேஇய இந்தியர்கள் கிளப் விளங்கி வருகிறது என்பது குறிப்பிடத்தக்கது. 

பேட்மிண்டன் போட்டியில் வெற்றி பின்னர் வெற்றி மேடையில் மலேசிய இணையர்கள், மலேசிய தேசிய கொடியைப் பெருமையுடன் ஏந்தி நின்றனர். விநாயகன் பெரியசாமி முன்னாள் சிலாங்கூர் மாநில பேட்மிண்டன் ஆட்டக்காரர் என்பது குறிப்பிடத்தக்கது. 

இந்தப் போட்டியைக் கனடாவின் ஸ்கார்புரோ தொகுதி நாடாளுமன்ற உறுப்பினரான கேர்ரி ஆனந்த சங்கரி தொடக்கிவைத்தார். பல்வேறு நாடுகளைச் சேர்ந்த தமிழ்ப் பிரமுகர்கள் இந்நிகழ்ச்சியில் கலந்து கொண்டனர்.

உலகத் தமிழர்களை ஒன்றிணைக்கும் முயற்சிகளில் ஒரு பகுதியாக இந்த உலகத் தமிழர் பேட்மிண்டன் போட்டி ஐந்தாவாது ஆண்டாக நடைபெறுகிறது என்பது குறிப்பிடத்தக்கது. 

 

கோலாலம்பூர், ஆக.9- சீ விளையாட்டுப் போட்டிக்கான ஏற்பாடுகள் நடந்து கொண்டிருக்கும் இந்தத் தருணத்தில், மெல்ல தலைவிரித்திருக்கும் இந்தோனேசியாவின் புகை மூட்டம், மலேசியாவுக்குப் பதற்றத்தை ஏற்படுத்தியுள்ளதாக இளைஞர், விளையாட்டுத்துறை அமைச்சர் கைரி ஜமாலுடின் தெரிவித்தார்.

இந்த முறை சீ விளையாட்டை மலேசியாவில் நடைபெறவிருப்பதால் அதற்கான முன்னேற்படுகளும் விறுவிறுப்பாக நடைபெற்று வருகின்றன. இந்நிலையில், இந்தோனேசியாவில் சுத்தம் செய்வதற்காக பல பயிர் நிலங்கள் எரிக்கப்பட்டு வருதால் அதிலிருந்து வெளிவரும் புகை மூட்டம் மலேசியாவையும் சூழ வாய்ப்புள்ளது என அவர் கூறினார்.

என்னதான், இந்தப் புகை மூட்டம் மலேசியாவிற்கு வாடிக்கையான பிரச்சனையாகி விட்டாலும். இப்போது அது முற்றாக தவிர்க்கப்பட வேண்டிய விஷயமாகும். ஏனெனில், புகை மூட்டத்தின் விளைவால் சீ விளையாட்டின் போது போட்டியாளர்களுக்குச் சுகாதாரச் சிக்கல் ஏற்படக் கூடிய வாய்ப்பு உள்ளது. இதனால் சீ விளையாட்டை சுமூகமாக நடத்த சிரமம் ஏற்படும் என்று கைரி தெளிவுபடுத்தினார்.

இதனிடையே, இந்தோனேசியாவில் நிகழும் திறந்த காடு எரிப்பை கட்டுப்படுத்தி, சிக்கலைத் தவிர்க்குமாறு அவர் இந்தோனேசியாவைக் கேட்டுக் கொண்டார். இந்தப் போட்டியில் இந்தோனேசியாவும் கலந்து கொள்ளவிருப்பதால் ஒருவேளை அந்தப் புகை மூட்டம் சீ விளையாட்டை பாதித்தால் அது இந்தோனேசியாவிற்கும் அவமானமே என்றார் அவர்.

இதனிடையே, வரும் ஆகஸ்ட் மாதம் 19ஆம் தேதி தொடங்கும் சீ விளையாட்டு ஆகஸ்ட் 30 ஆம் தேதி வரையிலும் நடைபெறவிருக்கிறது.

கோலாலம்பூர், ஆக.9- இன்று நடைபெற்ற பெண்களுக்கான 250 மீட்டர் வேகப் பனிச் சறுக்கு ஓட்டப் பிரிவில் ஐந்து வயதே நிரம்பிய ஶ்ரீஅபிராமி சந்திரன் தங்கப்பதக்கத்தை வென்று சாதனைப் படைத்துள்ளார். இப்போட்டியில் உபசரிப்பு நாடான இந்தோனிசியா மற்றும் சீனாவைச் சேர்ந்த போட்டியாளர்களைப் பின்னுக்குத் தள்ளி, ஶ்ரீஅபிராமி தங்கத்தை வென்றார்.

ஆசிய பனிச் சறுக்குப் போட்டியில் 4 பிரிவுகளில் இறுதி வரைக்கும் வந்த சிறுமி ஶ்ரீஅபிராமி 1 தங்கப்பதக்கமும் 3 வெள்ளிப்பதக்கமும் வென்று நாட்டிற்கு பெருமையை அளித்துள்ளார் என்பது குறிப்பிடத்தக்கது.

இந்தோனிசியாவில் ஆகஸ்டு 6-ஆம் தேதி முதல் 13-ஆம் தேதி வரை நடைபெற்றுக் கொண்டிருக்கும் ஆசிய பனிச் சறுக்குப் போட்டியில் மலேசியாவைப் பிரதிநிதித்து ஶ்ரீஅபிராமி போட்டியிட்டார். ஆசியாவில் உள்ள அனைத்து நாடுகளிலிருந்தும் பனிச் சறுக்குப் போட்டியாளர்கள் இதில் பங்கேற்றார்கள். ஶ்ரீஅபிராமி 6 வயதுக்கு கீழ்ப்பட்டவர்களுக்கான தனிநபர் பிரிவில் 4 போட்டிகளில் பங்கேற்றார்.

வெற்றிகரமாக இந்த நான்கு போட்டிகளிலும் அவர் இறுதி சுற்றுக்குத் தேர்வாகி மலேசியாவிற்குப் பெருமை சேர்த்துள்ளார். மூன்று போட்டிகளிலும் சிறப்பான திறனை வெளிப்படுத்தி மலேசியாவிற்குப் வெள்ளிப் பதக்கங்களை வென்று அசத்தியுள்ளார். 

 

அதேவேளையில், சிறுமி ஶ்ரீஅபிராமி, ஆசிய பனிச் சறுக்கு நடனப் போட்டியில் முதன்முறையாக தமிழ்ப் பாடல் ஒன்றுக்கு நடனமாடி வரலாறு படைத்தார். தமிழ்ப் பாடலான 'செந்தூரா.., செந்தூரா...' பாடலுக்கு அவர் பனிச் சறுக்கு அரங்கில் அபாரமாக நடனமாடி இறுதிச் சுற்றுக்கு தகுதி பெற்றார் என்பது குறிப்பிடத்தக்கது. 

 

கோலாலம்பூர், ஆக.9- மலேசியாவின் 60-ஆம் ஆண்டு சுதந்திரத் தினத்தை முன்னிட்டு ஆசியப் பசிபிக் பல்கலைக்கழகம் மாபெரும் மெர்டெக்கா கொண்டாட்டத்தை ஏற்பாடு செய்துள்ளது.

இந்தக் கொண்டாட்டம் எதிர்வரும் செப்டம்பர் மாதம் 9-ஆம் தேதி ஆசிய பசிபிக் பல்கலைக்கழகத்தின் ஐகோனிக் கேம்பஸ்சில் மதியம் மணி 12 தொடங்கி இரவு 10.30 மணியளவில் நடைபெறவிருக்கின்றது.

கடந்தாண்டு மெர்டெக்கா கொண்டாட்டத்தில் சுமார் 3,000 பேர் திரண்டு ஆதரவு தந்ததால் இவ்வாண்டு பல்கலைக்கழக மாணவர்கள், பெற்றோர்கள் மற்றும் பொது மக்கள் உட்பட சுமார் 8,000 மக்கள் கலந்து சிறப்பிப்பர் என்று எதிர்ப்பார்க்கப்படுகிறது. 

இந்தக் கொண்டாட்டத்தைப் பிரதமர் துறை அமைச்சர் டான்ஸ்ரீ  பங்லிமா ஜோசம் குருப் அதிகாரப்பூர்வமாக திறந்து வைப்பார். இந்தக் கொண்டாட்டத்தில் ஒற்றுமைக் கலைவிழா, ஒற்றுமை ஓட்டம், உணவு விழா, பாரம்பரிய விளையாட்டு, கண்காட்சி போன்ற பல நிகழ்ச்சிகள் நடைபெறவிருக்கின்றன. 

இரண்டு பிரிவுகளாக நடத்தப்படும் ‘யுனிட்டி ரன்’ என்ற 5 கிலோமீட்டர் ஒற்றுமை ஓட்டத்தில் இடைநிலைப்பள்ளி மாணவர்களும் பொது மக்களும் திரளாக வந்து கலந்து கொள்ளுமாறு கேட்டுக் கொள்ளப்படுகின்றனர். 

இடைநிலைப்பள்ளி மாணவர்களுக்கான பிரிவில் பங்குப்பெற 50 ரிங்கிட்டையும்  பொது மக்களுக்கான பிரிவில் பங்குப்பெற 60 ரிங்கிட்டையும் பதிவுக் கட்டணமாக செலுத்த வேண்டும். இந்த ஓட்டத்தில் கலந்துக் கொள்ள இணையம் வழி முன்பதிவு செய்துக் கொள்ளலாம்.

 

இந்த ஆசிய பசிபிக் பல்கலைக்கழகத்தின் மெர்டெக்கா கொண்டாட்டத்தைப் பற்றிய மேல் விபரங்களுக்கு, சுரேஷ் (017-8886634), ஷேரன் (017-2841388) ஆகியோருடன் தொடர்பு கொள்ளக் கேட்டுக் கொள்ளப்படுகிறார்கள். 

 

கோலாலம்பூர், ஆக.9- இன்னும் 10 தினங்களில் தொடங்கவிருக்கும் சீ விளையாட்டு போட்டியில் மலேசியாவின் பெண்களுக்கான 4x100 தொடர் ஓட்டக் குழுவிலிருந்து ஓட்டப்பந்தய வீராங்கனை எஸ்.கோமளம் ஷால்லி நீக்கப்பட்டார்.

நாட்டின் சிறந்த ஓட்டப்பந்தய வீராங்கனைகளில் ஒருவரான கோமளம் சில கட்டொழுங்கு பிரச்சனை காரணமாக சீ விளையாட்டிலிருந்து கைவிடப்பட்டதாக இளைஞர், விளையாட்டுத் துறை அமைச்சர் கைரி ஜமாலுடின் தெரிவித்தார்.

மலேசிய ஓட்டப்பந்தய சம்மேளனம், தேசிய விளையாட்டு மன்றம் மற்றும் மலேசிய ஒலிம்பிக் மன்றம் ஆகியவை சுட்டிக்காட்டிய அடிப்படையில், நியாயமான காரணங்கள் மற்றும் முறையான வழிமுறையின் பேரில்தான் கோமளம் தொடர் ஓட்டக் குழுவில் இருந்து நீக்கப்பட்டுள்ளார் என்று அமைச்சர் கைரி சொன்னார்.

கோமளம் இல்லாதது தேசிய தொடர் ஓட்ட அணிக்கு பாதிப்பு எதனையும் ஏற்படுத்துமா? என்பது தான் தம்முடைய முதல் கேள்வியாக இருந்தது என்று குறிப்பிட்ட அமைச்சர் கைரி,   கோமளத்திற்கு ஈடான போட்டியாளர்கள் கைவசம் இருப்பதால் கவலை தேவையில்லை என்று குழு நிர்வாகம் தமிடம் கூறியதாக அவர் விளக்கினார்.

நான்கு பேர் அடங்கிய இந்த ஓட்டப்பந்தயத்தில் குழு ஒற்றுமையும் விட்டுக் கொடுக்கும் மனப்பன்மையும் தான் மிக முக்கியம். ஆனால். குழுவின் ஒற்றுமைக்குப் பங்கம் விளைவிக்கும் செயலில் ஈடுபட்டதால் தான் கோமளம் நீக்கப்பட்டார் எனக் கூறப்பட்டது. 

இதனிடையே, கடந்த ஜூன் மாதம் நடைபெற்ற தாய்லாந்து பொது ஓட்டப்பந்தயப் போட்டியில் கலந்து கொண்டு தேசிய சாதனை படைத்த  மலேசிய தொடர் ஓட்டக்குழுவில் கோமளமும் இடம்பெற்றிருந்தார் என்பது குறிப்பிடத்தக்கது. என்பது குறிப்பிடத்தக்கது.

கோலாலம்பூர், ஆக.9- பெண்களுக்கான 250 மீட்டர் வேகப் பனிச் சறுக்கு ஓட்டப் பிரிவில் இன்று மலேசிய நேரப்படி மாலை 3.10க்கு ஐந்து வயது ஶ்ரீஅபிராமி தனது இறுதி போட்டிக்கு ஆயுத்தமாகிக் கொண்டிருக்கிறார்.

இந்தோனிசியாவில் ஆகஸ்டு 6-ஆம் தேதி முதல் 13-ஆம் தேதி வரை ஆண்டு நடைபெற்றுக் கொண்டிருக்கும் ஆசிய பனிச் சறுக்குப் போட்டியில் மலேசியாவைப் பிரதிநிதித்து ஶ்ரீஅபிராமி சந்திரன் போட்டியிடுகிறார். ஆசியாவில் உள்ள அனைத்து நாடுகளிலிருந்தும் பனிச் சறுக்குப் போட்டியாளர்கள் இதில் பங்கேற்றுள்ளார்கள். ஶ்ரீஅபிராமி 6 வயதுக்கு கீழ்ப்பட்டவர்களுக்கான தனிநபர் பிரிவில் 4 போட்டியில் பங்கேற்றார்.

வெற்றிகரமாக இந்த நான்கு போட்டியிலும் அவர் இறுதி சுற்றுக்குத் தேர்வாகி மலேசியாவிற்குப் பெருமை சேர்த்துள்ளார்.மூன்று போட்டிகளிலும் சிறப்பான திறனை வெளிப்படுத்தி மலேசியாவிற்குப் பதக்கங்களை வென்று அசத்தியுள்ளார். 

அதேவேளையில், சிறுமி ஶ்ரீஅபிராமி, ஆசிய பனிச் சறுக்கு நடனப் போட்டியில் முதன் முறையாக தமிழ்ப் பாடல் ஒன்றுக்கு நடனமாடி வரலாறு படைத்தார்தமிழ்ப் பாடலான 'செந்தூரா.., செந்தூரா...' பாடலுக்கு அவர் பனிச் சறுக்கு அரங்கில் அபாரமாக நடனமாடி இறுதிச் சுற்றுக்கு தகுதி பெற்றார் என்பது குறிப்பிடத்தக்கது. 

இன்று நடைபெறவிருக்கும் 250 மீட்டர் வேகப் பனிச்சறுக்குப் இறுதிப் போட்டியிலும் அவர் சிறப்பான திறனை வெளிப்படுத்துவார் என பெரிதும் எதிர்பார்க்கப்படுகிறது.

 

 

More Articles ...