கோலாலம்பூர், மார்ச் 9- "கடந்த 24 வருடமாக மலேசியா ஓட்டப்பந்தய துறையில் என்னுடைய சாதனை மட்டும் தேசிய சாதனையாக இருந்தவேளை ஜைடாதுல், அதனை முறியடித்து புதிய சாதனைப் படைத்தது எனக்கு பெரிய மகிழ்ச்சியே" என கூறுகிறார் முன்னாள் தேசிய ஓட்டப்பந்தய வீராங்கனை ஜி.சாந்தி.

இன்று காலை தென் ஆப்பிரிக்காவில் நடந்த ஏஎஸ்ஏ ஸ்பீட் சீரிஸ் 2 ஓட்டப்பந்தயப் போட்டியில் கலந்து கொண்ட தேசிய ஓட்டப்பந்தய வீராங்கனை ஜைடாதுல், 100 மீட்டர் தூரத்தை 11.45 வினாடிகளில் ஓடி முந்தைய சாதனையை முறியடித்தார்.

மலேசியாவில் 100 மீட்டர் ஓட்டப்பந்தயத்தில் இதுநாள் வரை 24 வருடங்களுக்கு முன்னர் ஜி.சாந்தி செய்த சாதனை மட்டுமே தேசிய சாதனையாக இருந்தது. கடந்த 1993ம் ஆண்டு மே 7ம் தேதி, கோலாலம்பூரில் நடந்த ஓட்டப்பந்தய போட்டியில் ஜி.சாந்தி 100 மீட்டரை 11.50 வினாடிகளில் ஓடிச் சாதனைப் படைத்தார் என்பது குறிப்பிடத்தக்கது. 

தற்போது பண்டார் பாரு பாங்கியில் உள்ள மே வங்கியில் அதிகாரியாக பணியாற்றி வரும் சாந்தி (வயது 50) புதிய சாதனைக் குறித்து கருத்துரைக்கையில், "எனக்கு நண்பர்கள் மூலம் ஜைடாதுலின் சாதனை குறித்து தெரியவந்தது. என்னுடையதாக இருந்த தேசிய சாதனையை வேறு ஒருவர் முறியடித்தில் எனக்கு மகிழ்ச்சி மட்டுமல்ல எனக்கு பதிலாக நாட்டிற்கு சிறந்த ஓட்டக்காரர் கிடைத்து விட்டார் என்பதில் எனக்கு ஆனந்தமே" என கூறினார்.

1998ம் ஆண்டு விளையாட்டுத் துறையிலிருந்து ஓய்வுப் பெற்ற சாந்தி, எதிர்வரும் ஆகஸ்டு மாதம் கோலாலம்பூரில் தொடங்கவுள்ள சீ விளையாட்டுப் போட்டியில் ஜாடாதுல் தங்கம் வெல்லும் வாய்ப்பு பிரகாசமாக இருப்பதைச் சுட்டிக்காட்டினார்.

கோலாலம்பூர், மார்ச் 9- இந்திய வீராங்கனை ஜி.சாந்தியின் தேசிய ஓட்டப்பந்தய சாதனையைத் தளகட வீராங்கனை ஜைடாதுல் ஹுஸ்னியா (வயது 24) இன்று முறியடித்தார். தடகள ஓட்டப்பந்தயத்தில் 100 மீட்டர் தூரத்தை 11.45 வினாடிகளில் ஓடி அவர் இச்சாதனையைப் படைத்தார். 

இன்று காலை தென் ஆப்பிரிக்காவில் நடந்த ஏஎஸ்ஏ ஸ்பீட் சீரிஸ் 2 ஓட்டப்பந்தயப் போட்டியில் கலந்து கொண்ட தேசிய ஓட்டப்பந்தய வீராங்கனை ஜைடாதுல், 100 மீட்டர் தூரத்தை 11.45 வினாடிகளில் ஓடி முந்தைய சாதனையை முறியடித்தார்.

மலேசியாவில் 100 மீட்டர் ஓட்டப்பந்தயத்தில் இதுநாள் வரை 24 ஆண்டுகளுக்கு முன்னர் ஜி.சாந்தி செய்த சாதனை மட்டுமே தேசிய சாதனையாக இருந்தது. ஜி.சாந்தி 100 மீட்டரை 11.50 வினாடிகளில் ஓடிச் சாதனைப் படைத்தார் என்பது குறிப்பிடத்தக்கது.

இந்த தேசிய சாதனையை முறியடித்து, ஜைடாதுல் 100 மீட்டரை 11.45 வினாடிகளில் ஓடி புதிய சாதனைப் படைத்துள்ளார். இதனைக் குறித்து பேசிய மலேசிய ஓட்டப்பந்தய சங்கத்தின் தலைவர் டத்தோ கரிம் இப்ராஹிம், "வீராங்கனையின் சாதனை சிறப்புக்குரியது. காற்றின் உதவி இருந்ததாக கூறினாலும், எந்த பிரச்சனை இன்றி இவரின் சாதனை தென் ஆப்பிரிக்கா ஓட்டப்பந்தய சங்கத்தால் அறிவிக்கப்படும் என்று காத்திருக்கிறோம்" என்று கூறினார்.

இன்று நடந்த ஓட்டப்பந்தய போட்டியில் ஜைடாதுல் இரண்டாம் நிலையில் வெற்றி பெற்றார் என்பது குறிப்பிடத்தக்கது. 

 லண்டன், மார்ச்.9- அண்மையில் இடதுகாலில் காலில் காயம் அடைந்து, தற்போது சற்று குணமடைந்துள்ள போதிலும் அகில இங்கிலாந்து பேட்மிண்டன் போட்டியின் முதல் சுற்று ஆட்டத்தில் மிக எளிதான வெற்றியைப் பெற்று மலேசிய வீரர் லீ சோங் வெய் அடுத்த சுற்றுக்குத் தகுதி பெற்றார்.

உலகின் முதல்நிலை வீரராக விளங்கிவரும் லீ சோங் வெய், 21-15, 21-12 என்ற புள்ளிகளில் பிரான்சின் இளம் வீரர் பிரைஸ் லெவெர்டஸை வென்றார். 

இரண்டாவது சுற்றில் தைவானைச் சேர்ந்த வாங் ஷு வெய் என்பவருடன் அவர் மோதவிருக்கிறார். மலேசியாவின் இரட்டையர் ஆட்டக்காரர்களான கோ ஷெம் -டான் வீ கியோங் ஜோடி, 21-15 மற்றும் 21-18 என்ற புள்ளிகளில் ஜப்பானின் தாக்குரோ ஹொகி மற்றும் கொயாபாஷி ஜோடியை வீழ்த்தி இரண்டாவது சுற்றுக்குத் தேர்வு பெற்றனர்.

இருப்பினும், இரண்டாவது சுற்றில் மலேசிய ஜோடி சீனாவின் பலம் பொருந்திய லியூ ஷியாலோங்-ஸு சென் ஜோடியுடன் மோதவிருக்கிறது. 

மலேசியாவின் முன்னணி கலப்பு இரட்டையர் ஜோடியான சான் பெங் சூன்-கோலி லியூ யிங் ஜோடியும் இரண்டாவது சுற்றுக்குத் தகுதி பெற்றிருக்கிறது. 

மலேசியாவின் மற்றொரு இரட்டையர்களான தியோ யீ யிங் -ஓங் இயூ சின் ஜோடி முதல் சுற்றிலேயே தைவான் ஜோடியிடம் தோல்விகண்டு வெளியேறினர். 

லீ சோங் வெய்யைப் போன்று முன்னணி ஒற்றையர் ஆட்டக்காரர்கள் சிலர், ஒற்றையர் பிரிவில் வென்று இரண்டாவது சுற்றுக்கு முன்னேறி            உ ள்ளனர்.

குறிப்பாக, சீனாவின் மூத்த ஆட்டக்காரரான லின் டான், அகில இங்கிலாந்து போட்டியில் வென்றுள்ள சென் லோங், இந்தோனிசியாவின் சோனி குஞ்சோரோ, தென்கொரியாவின் சன் வான் ஹோ ஆகியோர் அடுத்த சுற்றுக்குள் நுழைந்துள்ளனர்.

இதனிடையே இந்தியாவின் முன்னணி வீராங்கனையான சாய்னா நேவால் முதல் சுற்றில், நடப்பு அகில இங்கிலாந்து சாம்பியனான நோஷோமி ஒக்குஹாராவை 21-15, 21-14 என்ற புள்ளிகளில் வீழ்த்தி அடுத்த சுற்றுக்குத் தகுதி பெற்றார்.

மற்றொரு இந்திய வீராங்கனையான பி.வி.சிந்து, 21-10 மற்றும் 21-11 என்ற புள்ளிகளில் டென்மார்க்கின் மெட்டே போல்சனை வென்று அடுத்த சுற்றுக்குள் நுழைந்துள்ளார்.

கோலாலம்பூர், மார்ச் 8- வடகொரியாவில் மார்ச் 28ஆம் தேதி மலேசியாவிற்கும் வடகொரியாவிற்குமிடையான ஆசிய கிண்ண பி பிரிவு தகுதி சுற்று ஆட்டத்தை வேறு நாட்டில் உள்ள அரங்கிற்கு மாற்றம் செய்யவேண்டும் என்ற மலேசிய கால்பந்து கழகத்தின் கோரிக்கை குறித்து, ஆசிய கால்பந்து சம்மேளனத்தின் போட்டி விளையாட்டு குழு இந்த வாரம் அறிவிக்கும் என்று அதன் அகப்பக்கத்தில் பதிவேற்றம் செய்யப்பட்டுள்ளது.

மலேசியாவிற்கும் வடகொரியாவிற்கும் இடையான அரச தந்திர உறவில் விரிசல் ஏற்பட்டுள்ள இந்நிலையில் மலேசிய அணி பியோங் யாங் கிம் இல் சுங் அரங்கில் நடக்கவுள்ள கால்பந்து போட்டியில் கலந்துகொள்வது பாதுகாப்பான செயல் இல்லை என்று மலேசிய அரசாங்கம் எடுத்த இந்த முடிவை மலேசிய கால்பந்து கழகதிற்கு இளைஞர் மற்றும் விளையாட்டு துறை அமைச்சர் கைரி ஜமாலுடின் தெரிவித்தார். 

மலேசியாவிற்கும் வடகொரியாவிற்கும் இப்போது நிலவியுள்ள இந்த விவகாரத்தில் நடுநிலையை வகிக்கும் நாட்டில் இந்த போட்டியை நடத்த வேண்டும் என்ற கோரிக்கை சரியானது என்றும் அதற்கு உறுதியான காரணம் இருக்கிறது என்றும் மலேசிய கால்பந்து கழகத்தின் பொது செயலாளர் டத்தோ ஹமிடின் அமின் கூறினார்.

 கால்பந்து போட்டிகளில் எந்தவொரு நாட்டு அரசாங்கமும் அவர்களின் அணியின் முடிவுகளில் தலையிட கூடாது என்ற அனைத்துலக கால்பந்து சம்மேளனம் விதித்த சட்டத்தை முறையான காரணம் இருப்பதால் நாம் அதனை மீறலாம் என்றும் அவர் கூறினார்.

கோலாலபூர், மார்ச் 6- பாதுகாப்பு காரணங்களுக்காக, வட கொரியத் தலைநகரான பியோங் யாங்கில் நடைபெறவிருந்த மலேசியா-வட கொரியா இடையேயான ஆசிய கிண்ண கால்பந்து போட்டியின் தகுதி சுற்று ஆட்டத்திற்கு மலேசிய அரசாங்கம் தடைவிதித்துள்ளது. 

 பியோங் பாங் நகரில் மலேசியா விளையாடுவது அண்மைய சூழலில் பாதுகாப்பானது அல்ல என்பதால் அதற்கு தடை விதிக்க அமைச்சரவையில் இந்த முடிவு எடுக்கப்பட்டதாக தங்களுக்கு இளைஞர் மற்றும் விளையாட்டு துறை அமைச்சர் கைரி ஜமாலுடின் தெரிவித்தார் என்று மலேசிய கால்பந்து சங்கத்தின் பொதுச் செயலாளர் டத்தோ ஹமிடின் முகமது அமீன் அறிக்கை ஒன்றில் கூறினார்.

அரசு தடை விதித்திருக்கும் நிலையில் எதிர்வரும் மார்ச் 28ஆம் தேதியன்று நடைபெறவிருந்த அந்தப் போட்டிக்கான இடத்தை வேறுநாட்டிற்கு மாற்றுமாறு மலேசிய கால்பந்து சங்கம், ஆசிய கால்பந்து சம்மேளனத்தைக் கேட்டுக் கொண்டுள்ளதாக அவர் சொன்னார்.

ஆசிய கால்பந்து சம்மேளன பொதுச் செயலாளர் டத்தோ வின்சர் பவுல், தற்போது கம்போடியாவில் இருக்கிறார். ஆனாலும் மலேசியக் குழுவின் பயணத்தை முறையாக திட்டமிட இந்தக் கோரிக்கைக்கு விரைவில் பதில் தருமாறு அவரிடம் கேட்டுக் கொண்டுள்ளோம் என்றும் டத்தோ ஹமிடின் கூறினார்.

இம்மாதம் 13ஆம் தேதியன்று மலேசிய வீரர்கள் பயிற்சியில் ஈடுபடுவார்கள் என்பதும் வரும் மார்ச் 22ஆம் தேதியில் சீனா அல்லது பிலிப்பின்ஸ் குழுவுடன் பயிற்சி போட்டியில் பங்கேற்பார்கள் என்பது குறிப்பிடத்தக்கது.

கோலாலம்பூர், மார்ச். 6- கடும் அரசதந்திர நெருக்கடி உருவாகி இருக்கும் நிலையில், எதிர்வரும் மார்ச் 28ஆம் தேதியன்று மலேசியாவுக்கும் வடகொரியாவுக்கும் இடையிலான ஆசிய கிண்ணத் தகுதிச் சுற்று கால்பந்து ஆட்டம் நடக்குமா, நடக்காதா? என்ற கேள்விக்கு நாளை பதில் கிடைக்கும். 

விமான நிலையத்தில் வடகொரியத் தலைவரின் மூத்த சகோதரர் கிம் ஜோங் நாம் படுகொலை செய்யப்பட்டதை அடுத்து இருநாடுகளுக்கும் இடையேயான உறவில் சிக்கல் ஏற்பட்டிருக்கிறது.

இந்நிலையில் 2019-ஆம் ஆண்டுக்கான ஆசிய கிண்ணக் கால்பந்துப் போட்டியின் தகுதிச் சுற்று ஆட்டங்கள் நடந்து வருகின்றன. இதில் மலேசியாவும் வடகொரியாவும் மார்ச் 28ஆம் தேதி மோதவிருக்கின்றன.

வட கொரியத் தலைநகரான பியோங் பாங்கில் இந்த ஆட்டம் நடைபெறவிருப்பதால், இப்போதுள்ள சூழ்நிலையில் இது சாத்தியமா, இல்லையா? என்பது பற்றி நாளை முடிவெடுக்கப்படும் என்று இளைஞர் மற்றும் விளையாட்டு துறை அமைச்சர் கைரி ஜமாலுடின் தெரிவித்தார்.

இது பற்றி கலந்தாலோசிக்க மலேசிய கால்பந்து கழகத்துடன்  பேச்சுவார்தை நடத்தவுள்ளதாகவும் அவர் கூறினார்.

கிம் ஜோங் நாம் கொலை வழக்கில் மலேசியாவிற்கும் வடகொரியாவிற்கும் கருத்து வேறுபாடு நிலவிவரும் இவ்வேளையில் பியோங்யாங்கில் நடக்கவிருக்கும் இந்தப் போட்டி, பிரச்சனையை உண்டாக்கும் என பலர் கருதுவதாக அவர் தெரிவித்தார். 

எந்தவொரு முடிவாக இருந்தாலும், அது ஆசிய கால்பந்து சம்மேளனத்திற்குத் தெரிவிக்கப்படும் என்று இன்று 13ஆவது நாடாளுமன்ற கூட்டத் தொடரின் தொடக்க நிகழ்வில் பங்கேற்ற பின்னர் செய்தியாளர்களிடம் அவர் தெரிவித்தார். 

 

 

கோலாலம்பூர், மார்ச் 6- எதிர்வரும் ஆகஸ்ட் 19 முதல் 31 வரை மலேசியாவில் நடைபெறவுள்ள சீ விளையாட்டு போட்டியின் ஒரு பகுதியாக சீ போட்டி தொடர் ஓட்டம் நேற்று புருணையிலிருந்து துவங்கியது. 

‘ஒன்றாக உயர்வோம்’ என்ற கருப்பொருளைக் கொண்டு முதன் முறையாக நடைபெறும் இந்த தொடர் ஓட்டத்தை மலேசிய இளைஞர் மற்றும் விளையாட்டு துறை அமைச்சர் கைரி ஜமாலுடின் புருணையிலுள்ள சுல்தான் ஹஸ்ஸானால் பொல்கியா அரங்கத்தில் துவக்கி வைத்தார்.

மொத்தம் 11 நாடுகளை உள்ளடக்கிய இந்த தொடர் ஓட்டம், அடுத்து சிங்கப்பூருக்கு வந்தடையும். பிறகு மலேசியாவில் அந்த தொடர் ஓட்டம், 29ஆவது சீ விளையாட்டு போட்டியின் துவக்க விழாவன்று சீ விளையாட்டுப் போட்டி அரங்கத்தை வந்தடையும்.

தென்கிழக்காசிய நாடுகளிடையே ஒற்றுமையை வளர்க்கவும் இது உதவும் என்று அமைச்சர் கைரி கூறினார். இந்த சீ விளையாட்டு போட்டியும் செப்டம்பர் மாதம் நடைபெறவுள்ள ஆசியான் மாற்றுத் திறனாளிகள் போட்டியும் மிக பிரமாண்டமாக நடந்தேற இதில் பங்கேற்கும் தென்கிழக்காசிய நாடுகள் அனைத்தும் ஒற்றுமையாக இணைந்து செயல்பட வேண்டும் என்றும் அவர் கேட்டுக் கொண்டார்.

இந்த தொடர் ஓட்டத்தின் துவக்க விழாவில் விளையாட்டு வீரர்களுடன் சேர்ந்து அமைச்சர் கைரியும் புருணை இளவரசி சுஃப்ரி பொல்கியாவும் பங்கேற்று ஓடினர். 7.4 கிலோமீட்டர் தூரம் கொண்ட இந்த துவக்க ஓட்டத்தில் புருணை விளையாட்டு ஜாம்பவான்கள் பலரும் கலந்துகொண்டனர்.

 

More Articles ...