இந்திய வீராங்கனையின் தங்கம் பறிப்பு: தகுதி நீக்கம் செய்ததால் கண்ணீர்!, 

உலக அரங்கம்
Typography

 

புவனேஷ்வர், ஜூலை.10- ஆசிய தடகளப் போட்டியில் இந்திய வீராங்கனை அர்ச்சனா ஆதவ் தங்கப் பதக்கத்தை கைப்பற்றிய போதிலும் இலங்கை வீராங்கனைகள் கூறிய புகாரை அடுத்து தகுதி நீக்கம் அவரதுசெய்யப்பட்டு, தங்கப் பதக்கம் பறிக்கப்பட்டது. 

இந்தியாவில் நடைபெற்றுவரும் ஆசிய தடகளப் போட்டியில்  பெண்களுக்கான 800 மீட்டர் ஓட்டத்தில் யாரும் எதிர்பார்க்காத வண்ணம் இந்திய வீராங்கனை அர்ச்சனா ஆதவ், 2 நிமிடம் 2 வினாடிகளில் ஓடி தங்கப் பதக்கத்தை கைப்பற்றினார். இதில் இலங்கை வீராங்கனைகள் நிமாலி வாலிவர்ஷா 2-ஆவது இடத்தையும், கயந்திகா 3 ஆவது இடத்தையும் பிடித்தனர்.

ஆனால், அடுத்த ஒரு மணி நேரத்தில் இந்தியாவை சேர்ந்த 21 வயதான அர்ச்சனாவின் தங்கம் வென்ற மகிழ்ச்சி சோகத்தில் முடிந்தது.

இலக்கை நோக்கி ஓடிய போது, தாங்கள் முந்தக்கூடாது என்பதற்காக அர்ச்சனா வேண்டுமென்றே வழியை மறித்து இடையூறு செய்தார் என்று இலங்கை வீராங்கனைகள் புகார் கூறி சர்ச்சையை கிளப்பினர்.

இதையடுத்து ஆசிய தடகள போட்டி ஒருங்கிணைப்பு குழு, ‘வீடியோ’ பதிவுகளை ஆய்வு செய்தது. இதில் இலங்கை வீராங்கனைகளின் புகாரில் உண்மை இருப்பதாக கருதிய குழு, அர்ச்சனாவை தகுதி நீக்கம் செய்து பதக்கத்தைப் பறித்தது. 

அதனால் 2-ஆவது இடத்தை பிடித்த நிமாலிக்கு தங்கப்பதக்கமும் வெள்ளிப்பதக்கம் 3-ஆவது இடத்தை பிடித்த கயந்திகாவுக்கு வெள்ளிப்பதக்கமும் வழங்கப்பட்டது. இதனால் அதிர்ச்சி அடைந்த இந்திய வீராங்கனை அர்ச்சனா ஆதவ் கண்ணீர் விட்டு அழுதார். 

BLOG COMMENTS POWERED BY DISQUS