விம்பிள்டன் டென்னிஸ்: சாதனை படைத்தார் பெடரர்!

உலக அரங்கம்
Typography

 லண்டன், ஜூலை.17– விம்பிள்டன் டென்னிஸ் பட்டத்தை 8-ஆவது முறையாக கைப்பற்றி ரோஜர் பெடரர் சாதனைப் படைத்திருக்கிறார். 

லண்டனில் விம்பிள்டன் டென்னிஸ் போட்டியின் இறுதிஆட்டத்தில் சுவிட்சர்லாந்தைச் சேர்ந்த ரோஜர் பெடரரும் குரோஷியாவின் மரின் கிலிச்சும் மோதினர் 

விம்பிள்டனில் போட்டியில் பெடரர் இதுவரை 11 முறை இறுதிப் போட்டிகளில் பங்கேற்றுள்ளார். இம்முறை இறுதியாட்டத்தில் தொடக்கம் முதலே பெடரர் அசத்தல் ஆட்டத்தை வெளிப்படுத்தினார். 

அடுத்தடுத்து 6-3, 6-1, 6-4 என்ற செட் கணக்கில் அதிரடியாக செட்களை கைப்பற்றி விம்பிள்டன் கிராண்ட் ஸ்லாம் பட்டம் வென்றார் பெடரர்.

இதன் வழி விம்பிள்டன் பட்டத்தை 8 முறை கைப்பற்றிய சாதனை வீரர் என்ற பெருமையைப் பெற்றிருக்கிறார் ரோஜர் பெடரர்.  

இதுவரை மொத்தம் 19 கிராண்ட் ஸ்லாம் பட்டங்களைக் கைப்பற்றிய வீரர் என்ற பெருமைக்கு உரியவராகி விளங்குகிறார் ரோஜர் பெடரர்.

BLOG COMMENTS POWERED BY DISQUS