அம்மா.. இந்த ஒற்றைச் சொல்லில் தான் உலகமே இயங்குகிறது. அன்பையும் பாசத்தையும் ஊட்டி தியாகத்தையும் அர்ப்பணிப்பையும் தன் கண்ணீருக்குள் மறைத்து, பிள்ளையின் சிரிப்பில் தன் சந்தோச உலகை கண்ட உங்கள் அம்மாவை மகிழ்ச்சிப்படுத்திட அரிய தருணம்.

அன்னையர் தினத்தை முன்னிட்டு வணக்கம் மலேசியாவும்  ஏசான் ஜெயா நிறுவனமும்  இணைந்து கவிதைப் போட்டியை நடத்துகின்றன.

பாசத்தால் தாலாட்டி வளர்த்த உங்கள் அம்மாவைக் கவிதையால் தாலாட்ட ஒரு வாய்ப்பு. 

 

உங்கள் அம்மாவைப் பற்றி சுயமாக கவிதை ஒன்றினை எழுதுங்கள். அதனை நீங்களே தெளிவான உச்சரிப்போடு வாசித்து LANDSCAPE வடிவில் காணொளியாக பதிவு செய்யுங்கள். (செல்ஃபி காணொளியைத் தவிர்ப்பது நல்லது)

காணொளி 30 வினாடிகளுக்கு மேற்போகாமல் இருத்தல் வேண்டும். பதிவு செய்த காணொளியை வணக்கம் மலேசியாவின் கைப்பேசி எண்ணான 0111-6141609 -க்கு வாட்ஸ்அப் வழி அனுப்பவும்.

 

போட்டிக்கு அனுப்பப்படும் காணொளிகள், வணக்கம் மலேசியாவின் முகநூல் பக்கத்தில் பதிவேற்றம் செய்யப்படும். வணக்கம் மலேசியா முகநூல் பக்கத்தில் அதிகமான ஆதரவு பெரும் காணொளிகள் நடுவர் குழுவினால் ஆராயப்பட்டு அதிலிருந்து மூன்று கவிதைகள் சிறந்த கவிதைகளாக தேர்ந்தெடுக்கப்படும்.  மூன்று வெற்றியாளர்களுக்கு முதல் பரிசுகளும் மேலும் எழுவருக்கு ஆறுதல் பரிசுகளும் வழங்கப்படும்.

 

பரிசுகள்

சிறந்த மூன்று கவிதைகளுக்கும் முதன்மை பரிசான ஐந்து நட்சத்திர தங்கும் விடுதியில் இரவு உணவு விருந்து வழங்கப்படும். இதில்  பங்கேற்பாளர்கள் தங்கள் அம்மாவுடன் இரவு உணவில் கலந்து கொள்ளலாம். (பங்கேற்பாளர் மற்றும் அவரின் அம்மாவுக்கு மட்டுமே அனுமதி)

 

அடுத்த நிலையில் தேர்ந்தெடுக்கப்படும் ஏழு கவிதைகளுக்கு தலா ஓர் ஆறுதல் பரிசு வழங்கப்படும்.

 

போட்டிக்கான விதிமுறை

*  16 வயது முதல் 35 வயது வரையிலான பொதுமக்கள் கலந்து கொள்ளலாம்.

* கவிதை கரு: உங்கள் அம்மா பற்றிய கவிதை. சுயப்படைப்பாக இருந்தல் கட்டாயம்.

* பங்கேற்பாளர்கள் தங்களுடைய காணொளியைப் பதிவுச் செய்யும்போது அவர்களின் அம்மா உடன் இருப்பது சிறப்பு. வாய்ப்பு இல்லையென்றால் அவரின் புகைப்படத்தை உடன் வைத்துக் கொள்ளலாம். 

* காணொளிகள் அனுப்பவேண்டிய இறுதிநாள் : 4/5/2017

* முகநூலில் காணொளி பதிவேற்றம் செய்ய தொடங்கும் நாள் : 2/5/2017

* முடிவுகள் அறிவிக்கப்படும் நாள் : 8/5/2017

 

பங்கேற்பாளர்களின் தகவல்கள்:

பங்கேற்பாளர்கள் தங்களின் காணொளியை வாட்ஸ்அப்பில் அனுப்பும் போது கட்டாயம் அனுப்பவேண்டிய விவரங்கள்:

1) பங்கேற்பாளரின் முழு பெயர்

2) பங்கேற்பாளரின் அம்மாவின் முழு பெயர்

3) பங்கேற்பாளரின் அடையாள அட்டை எண்

4) பங்கேற்பாளரின் தொழில் மற்றும் முகவரி

 

மேல்விவரங்களுக்கு 03-2284 3000 என்ற எண்ணில் வணக்கம் மலேசியாவைத் தொடர்பு கொள்ளவும்.